Versets bíblics populars de Lûkə 3

Comparteix

Á púndá ɛyə̌ Jɔnə́ a mə́ní ɛ dumsɛ́ baʼ jǐta, Yésuwə pə́ a pílí nána Jɔnə́ a dúmsɛ mɔ́. Ngə a malíní álí dumsɛ́ mɔ́, áfâ áshí áshí Yésuwə a bəkí makáni. Ngə a bílíní ɛ́ káni libubɛ lí púwání. Ti Mudî ámə́ n Sáŋí m pílí ngə ndvulû n shúlá á nlú m mɔ. Ngɔli pə́ ɛ́ fí á líbubɛ ti ɛ́ byábí nána, “Ɛ dí mwǎn m myə a nlə́m awə̌ n nəŋíní jǐta. Ǎ wúkí mî munyɛŋgɛ.”

Ti Jɔnə́ a byábí á bɔ́ nána, “Mi nǎn dumsɛ́ nyə́ na madí, ndé mɔʼ ǎ paʼ awə̌ a túmbí mî. N kúkiyǎ ká álí kákú mikɔ mí bitámbí bí mɔ. Á dumsɛ́ nyə́ na Mudî ámə́ n Sáŋí.

Bwəlâni misam ámə́ mí lúfú nána nyí mə́ ɛ makú wubî wú nyə. Nyí si butí ɛ́ byá na nyə́mə̌n nána, ‘Ábrahâmə a dí sáŋ n nyə a nyakə́ na nána nyí sî kwisíyá kɔ́ksɛ lí Dyǔ.’ Ndé nǎn pɔ̌ŋ nyə́ nána, Dyǔ lí tíŋgání ɛ tímbí malɛ́ mán álí bá bǎn bá Ábrahâmə.

Sɔnsɔ́nǎn, ɛfún ɛ́ nálí á míkangá mí mə̌. Áfánikə̌, bwə̌ tɛ́ ábə́ bú sə̌ ɛ́ yɛ̌ bípum bí mbâ, bá kfwə bɔ́ ti bá shwá á mwǐ átin.”

Ɛ́yî ɛ́ lwínjí yə̌ ɛ́yə́ ɛ́ tílání á kâti ɛ nlakuwa-a-mudî, Ayisáya nána, “Mbélaku ɛ̌ fí á ɛsínj nána, nyí búnsan lipaʼ lí Sáŋgúwə́, nyí tyə́si mbukaʼ m mɔ. Nyí bwə mbukaʼ m mɔ m bá tɛyí tɛyí.” Lwínjíyáni mibə́ŋ mísə́sə̌n, makul mánə̂n na mátə́kə̌n má shul áshí. Nyí tyə́si mibuka ámə́ mí lə́ŋgání, nyí lwínjí bipɔn bísə́sə̌n ábə́ bí dí á mibuka. Baʼ bá nkínshíyə básə́sə̌n bá mín ngə Dyǔ lí shuŋgɛ́ní luŋgɛ́ lí bɔ.