Versets bíblics populars de Mâkə 12

Comparteix

Yésuwə a pushú mɔ́ nána, “Mbéndá ɛyə̌ ɛ dí ɛ mbímbí litúm ɛ̌ byá nána, ‘Baʼ bá Ísrɛl, nyí wúkan: Sáŋgúwə́ Dyǔ lí sə mɔ́mə̌n nfɔ́ a dí Sáŋgúwə́. Nə̌ŋ Sáŋgúwə́ Dyǔ lí wə na nlə́m m wə nsə́sə̌n, na mudî ŋ wə nsə́sə̌n, na likani lí wə lísə́sə̌n, na ngínya ɛ́ wə ɛ́sə́sə̌n.’ Ɛyə̌ ɛ bándání ɛni á mbǐ ɛyə̌ pə́ ɛ dí ɛ mbímbí, ɛ dí ɛyə̌ ɛ́ byá nána, ‘Nə̌ŋ mwǎn-n-nyǎ n wə ngə ɛ nə́ŋíní wəmə̌n.’ Mbéndá ɛpə́pə̂ ɛ shiyǎ ɛyə̌ ɛ dí ɛ mbímbí litúm mambéndá mán mábɛ̂.”

Yésuwə a bəŋí bawútú álí wútán mɔ́, ti a pɔŋí bɔ́ nána, N pɔŋ nyə́ nána mban a nkfwís a mwalân anín a bəkí ngáʼ lítúm badi bá bâʼ básə́sə̌n. Á ɛ́tútú nána ábání bá bə́kí ngáʼ ɛ́ bɔ ɛyə̌ ɛ yɔbí áshí, ndé mwalân anín na liban álə́ a díní, a fílí ngáʼ ɛ́ mɔ ɛsə́sə̌n ɛyə̌ a ŋ wɔ́ŋní, ká ngə ɛ́ bílíní ɛ́sə́sə̌n ɛ́yə́ a ŋ wɔ́ŋní álí búŋgú nyǔ.

Yésuwə a shumání á nsaŋ mú ɛ́buŋ ɛ́yə́ bá bílíní ɛ fá jabeya átin á Tɛ́mpɛl. A bílí ɛ mindi ngə baʼ bá fání jabeya áwə́ átin. Badi bá bâʼ jǐta bá fílí ɛkfúna ngáʼ áwə́ átin. Ndé mban a nkfwís a mwalân a pilí ɛ fá ngáʼ ɛ mapíto ɛyə̌ ɛ bílí ngə kápan ɛ́bɛ̂.

Nə̂ŋ mɔ́ na nlə́m m wə nsə́sə̌n, na likani lí wə lísə́sə̌n, na ngínya ɛ́ wə ɛsə́sə̌n, na nána nə̂ŋ mwǎn-n-nyǎ n wə ngə ɛ nə́ŋíní wə́mə̌n. Ɛ́yínán ɛ́ dí ɛ́ mbímbí súka na li bə̌ Dyǔ nyam ɛ́yə́ bá wɔkíní na mabeya mápə́pə̌.

Ti Yésuwə a pɔŋí bɔ́ nána, “Nyí bə̂ á Káyísa yə̌ ɛ́yə́ ɛ́ dí ɛ́ mɔ, na á Dyǔ yə̌ ɛyə́ ɛ́ dí ɛ́ Dyǔ.” Bá bílí mayáká á yə̌ ɛ́yə́ Yésuwə a pushúní bɔ́.