Versets bíblics populars de Mâkə 5

Comparteix

Yésuwə a pushú mɔ́ nána, “Mwǎn-a-mwalân, dúbɛ lí wə lí bwə́lí wə ɛ mə́ ɛ pwî. Kə̌ na musaŋgu, mutaka n wə m mə́.”

Mwalân nfɔ́ a bílí áwə́ a wə̌ a ŋ wɔ́ŋ nyambɛ̂ ɛyə̌ makǐ má bílíní mɔ́ ɛ nyít á nyǔ m mɔ ɛ mwalân ɛtîtɛ́. Nyambɛ̂ ani a bílí mɔ́ á nyǔ mimbvú dyǔm na míbɛ̂. A m mə̌ ɛ́ taʼ jǐta á mákɛ́ má baʼ bá bíbú, a m mə̌ ɛ́ fɛ̌nj ngáʼ ɛ́ mɔ ɛ́sə́sə̌n ɛyə̌ a n wɔ́ŋní, kánâwə̌ nyambɛ̂ m mɔ a bílí wə̌ ɛ́ kə á wusú.

Ngə mwalân ani a nyɔtíní nku n Yésuwə, áfâ-áshí-áshí makǐ ámə́ má bílí mɔ́ ɛ fí á nyǔ má lɛ́ní, ti a yəmbí á nyǔ ɛ mɔ átin nána mú mə́ ɛ pwî á mutaka mû.

A wálí ɛkɛ́ ɛ́ mǎ mwǎn a mwalân ani, ti a byábí á mɔ́ nána, “Talíta, Kum,” (ɛ́yə́ ɛ́ dí yándá nána “Mǎ mwǎn a mwalân, nân pɔ̌ŋ wə̂, wumú.”)

Ngə Yésuwə a bílíní wə̌ ɛ́ byá, duŋgu lí baʼ ábə́ bá fí á ndáʼ ɛ́ Jáyírusə, bá pɔ́ŋí Jáyírusə nána, “Mwǎn n wə a mwalân a mə̌yí ɛ́ wá. Yán kə́ ɛ díní wə̌ ɛ takí mulɛ̂ nána a paʼ á ndáʼ ɛ́ wə?” Yésuwə a wúkaniyǎ bɔ́ á yǔm ɛ́yə́ baʼ bâ bá bílíní ɛ byá. Yɔ́ a pɔŋíní nlú mû nána, “Ɛ si wú bɔ̂ŋ, dúbɛ́ wɔ̂.”

Mɔ ani a m byá nâ á ɛ́tútú nána Yésuwə a m pɔ̌ŋ mudî m bî mû nána, “Wə mudî m bî nyítá á nyǔ ɛ́ mɔ anín!” Ti Yésuwə a kɔ́ndɛ́ mɔ́ nána, “Dǐn lí wə njá?” Mɔ ani a púshú mɔ́ nána, “Dǐn dí myə ‘Limuti’, á ɛ́tútú nána sí bwí átin!”