Versets bíblics populars de Lc 5

Comparteix

Ix lajvi sc'ayb'an eb', ix yalanpax d'a vin̈aj Simón chi': —Coyec yed' te' e barco tic b'aj te jul a', ata' ol eyaq'uem e chimpa, xchi Jesús chi'.

—Ach co C'ayb'umal, jun ac'val ix cac'lej co yaman noc' q'uiq'ui, malaj val junoc noc' ix quic'a'. Palta yujn̈ej to a ach tzala', ol b'at caq'uem co chimpa tic junelxo, xchi vin̈aj Simón chi' d'ay. Axo yic ix yac'anem eb', man̈xo jantacoc noc' ix yamchaji. A schimpa eb' chi' ijan ix n̈ic'chajb'ati.

Ix yiq'uel sb'a d'a scal eb', ix b'at lesal b'aj malaj eb' anima.

Man̈ yujoc vavtan eb' toxon vach' sb'eyb'al snaani, in javi. Palta yuj vavtan eb' yojtac to chuc sb'eyb'al, yic vach' sna sb'a eb' yuj smul, xchi d'a eb' vin̈.

Axo ix yilan jun chi' vin̈aj Simón Pedro chi', ix em cuman vin̈ d'a yichan̈ Jesús, ix yalan vin̈ d'ay: —Mamin, ma max ach el d'a in tz'ey, yujto a in tic, te chuc in, xchi vin̈.

Yuj chi', ix yal Jesús d'a eb' vin̈: —Q'uinaloc ay junoc vin̈ an̈tum ticnaic. A eb' vach' sc'ool, ¿tom ay tz'och vin̈ yuj eb'? An̈ej eb' penaay ay tz'och vin̈ yuuj.

Axo ix elc'och juntzan̈ barco chi' d'a sti' a', ix yactancan juntzan̈ syamc'ab' eb' chi', ix och tzac'an eb' yuj Jesús.

A junel ayec' Jesús d'a jun chon̈ab', ix c'och jun vin̈ d'ay, ayq'ue yab'il lepra d'a snivanil vin̈ smasanil. A ix yilanoch Jesús chi' vin̈, ix em cumnaj vin̈, ix em n̈ojnaj vin̈ d'a sat luum, ix yalan vin̈ d'ay: —Mamin, ta syal a c'ool tzin a b'oxicani, xchi vin̈. Axo Jesús ix yamlan vin̈, ix yalani: —In gana sb'oxican a c'ool, xchi d'a vin̈. Ayic ix yalan Jesús icha chi', ix el jun yab'il chi' d'a vin̈.

A yab'ixal Jesús chi', ix pucaxn̈ej d'a scal eb' anima. Tzijtum eb' ix smolb'ej sb'a yic syab' eb' tas syala', yic sb'oxican sc'ol eb' yuuj.