Versets bíblics populars de Yuuhanna 15

Comparteix

«Ana chadarat al-inab wa intu al-furuuʼ. Kan naadum gaaʼid saabit fiyi, ana nagood saabit fiyah wa hu yabga misil al-firiʼ al-yalda katiir. Intu ma tagdaro tisawwu cheyy illa beyi.

Agoodu saabtiin fiyi wa ana nagood saabit fiiku. Al-firiʼ ma yagdar yalda wiheedah. Al-firiʼ yalda achaan gaaʼid saabit fi l-chadara. Wa intu kula ma tagdaro tisawwu al-cheyy al-Allah yidoorah, illa kan intu tagoodu saabtiin fiyi.

Kan intu tagoodu saabtiin fiyi wa kalaami yagood saabit fi guluubku, asʼalo min Allah ayyi cheyy al-tidooruuh wa Allah yisawwiih leeku.

Intu ma azaltuuni. Ana bas azaltuku wa rassaltuku achaan tabgo misil chadara taldo fawaakih, wa fawaakihku yagoodu ila l-abad. Wa ayyi cheyy al-tasʼalooh min abuuyi be usmi, hu yantiiku.

Wa ma fi mahabba kabiire min mahabbat al-naadum al-yihibb rufgaanah lahaddi yafdaahum be ruuhah.

Ayyi firiʼ al-ma gaaʼid yalda, hu yamurgah minni. Wa ayyi firiʼ al-gaaʼid yalda, hu yibarbirah achaan yabga nadiif wa yalda ziyaada.

«Wa l-wasiiye al-nantiiha leeku di hi, waajib tirraayado ambeenaatku misil ana niriidku.

Wa majd abuuyi yibiin ziyaada wakit intu tabgo misil furuuʼ al-yaldo iyaal katiir. Wa be da, tiwassufu nufuusku kadar intu talaamiizi.

«Ana bas chadarat al-inab al-sahiihe wa abuuyi hu siid al-jineene.

Kan naadum ma gaaʼid saabit fiyi, hu misil firiʼ al-yamurguuh min al-chadara wa yazguluuh wa yaybas. Wa l-furuuʼ dool, yilimmuuhum wa yazguluuhum fi l-naar wa yiharruguuhum.

Ana gult leeku al-kalaam da achaan farhiti talhagku wa tabgo farhaaniin marra waahid.

Kan intu titaabuʼu al-wasaaya al-anteethum leeku, intu tabgo saabtiin fi mahabbiti misil ana saabit fi mahabbat abuuyi achaan ana taabaʼt wasiiyaatah.

Wa di hi al-wasiiye al-nantiiha leeku. Arraayado ambeenaatku.

Kan intu min al-dunya, naas al-dunya yihibbuuku achaan intu naashum. Laakin hassaʼ intu ma min al-dunya achaan ana azaltuku min usut naas al-dunya le tabgo naasi. Wa achaan da, naas al-dunya yakrahooku.