Versets bíblics populars de Samz 37

Comparteix

Pwan tout pléziʼw an Bondyé Senyè-a, èk i kay baʼw dézi tjèʼw.

Mété laviʼw an lanmen Bondyé Senyè-a. Mété konfyans ou an li èk i kay édéʼw.

Sé pouʼw ni pasyans èk èspéyé pouʼw wè Bondyé Senyè-a twavay. Pa twakasé kòʼw lè ou wè sé mové moun-an ka pwòspéwé, lè ou wè tout sé vyé plan-an yo ni-an ka maché byen.

Mété tout konfyans ou an Bondyé Senyè-a èk fè sa ki bon. Viv an tè-a mwen ba ou-a an lapé.

Bondyé Senyè-a ka moutwé an nonm ki chimen pouʼy pwan èk i ka pwotèkté sé moun-an ki ka plèʼy-la. Si yo mantjé an so, yo pa kay tonbé, paski Bondyé Senyè-a ka ba yo lanmen.

I kay fè moun wè ou ka viv dwèt menm kon klèté sòlèy lévé. I kay fè moun wè ou ni wézon menm kon klèté sòlèy midi.

Sé pa pouʼw twakasé kòʼw ében faché. Sa kay fèʼw fè movèzté.

Mwen té jenn, èk atjwèlman mwen ja gwan, mé mwen pa janmen wè Bondyé tounen doʼy asou nonm-lan ki dwèt-la, ni mwen pa janmen wè ich li ka mandé lachawité.

Pa twakasé kòʼw pou lapéti sé méchan-an. Pa anvi sa sé mové moun-an ni.