Versets bíblics populars de San Lucas 21

Comparteix

Añchaꞌña sapaꞌ xhokmachña señoseꞌrtena ñamha añchaꞌña senamoen Yompor atthoch saꞌwantaꞌwanom allowen ñeñthchaꞌ sewapoya paꞌnamen moeroxhteñtsoxhno allochñapaꞌ sañapaꞌ eꞌñech señmañeshaꞌ sathomwerr nesho na Ñeñthen Acheñetosets.

‘Tharraña theꞌpaꞌ oꞌch notas, sapaꞌ xhokmachña eꞌñe señotnoma atthoch sapaꞌ amach aña sokthapeꞌchatsto ñeñth sosyaꞌtsañexhno, posaꞌtareꞌteñets, ñamha attho eꞌñe kowen sokrrena añ patsro. Tharroꞌmar ñerraꞌm ñeñtha eꞌñe sokthapeꞌchenpaꞌ machayothach waponasa añ yether

Tharraña amaꞌtchaꞌ atarr moeroxhtaterrset xhokmachña eꞌñe seyemteñothen napaꞌ eꞌñech saꞌwantaꞌwanomña allowen moeroxhteñets. Atthochña sapaꞌ korretsasach eꞌñe poꞌñoxh.

Tharroꞌmar allempopaꞌ nachkaꞌyeña seꞌñoratoseꞌña all atthoch eꞌñe kowen señotyesña atethchaꞌ sanapyesosanet. Allochñapaꞌ ñeñth seꞌmoñeꞌteneꞌpaꞌ amach errothenayeꞌ otenayeꞌ entenseto. Ñamha amach errothenoth otaseto ñeñth ateth soten sapaꞌ ñeñthpaꞌ amakaꞌ poꞌñoxhayeꞌ ateth soteno.

Esempopaꞌ añ enet ñeñth sentenpaꞌ eꞌñech chenkaꞌwerra; patspaꞌxhoꞌña atthekmach perra eꞌñech chenkaꞌwerra. Tharraña naña neñoñpaꞌ amach chenkërro amaꞌt eꞌñe errponaña.

‘Allempopaꞌ orrterrach ento ñeñth amaꞌt awathapaꞌ ama sentare ñeñthchaꞌña señotaterreꞌ, ñeñthpaꞌ eꞌñech atsnesho, orrterra ñamha arrorresho ñamha rantoxhnesho. Ñamha arr patsro ora allpon paꞌnamen acheñeneshaꞌ poeyorñothetpaꞌ atarrchaꞌ nanak llekaꞌrrterret. Añchaꞌ atarr yoreꞌtameꞌterrawet attho ñeñth añekmoen saꞌppaꞌ oꞌch emoꞌyarterra, atarrchaꞌ womenk maꞌmoreterr allempo. Acheñeneshaꞌ eꞌñe pomhchañothetpaꞌ xhach moeneꞌ othanatyerret tharroꞌmar allempopaꞌ oꞌch eñoterret atarrchaꞌ moeroxhterret allowenet arr patsro. Ñamha ñeñth womenk orraꞌyetsa ento theꞌ, allempoña amaꞌt ñeñthpaꞌ pellaꞌyerrach. Allempoñapaꞌ entapoerrnetchaꞌ na Ñeñthen Acheñetosets oꞌch neswamperra oso eꞌñe nepartsoteñowen eꞌñe nekowenteñeshaꞌ.

Shonteꞌch acheñeneshaꞌ ñeñthchaꞌ seꞌmoñeꞌterreꞌ tharroꞌmar sapaꞌ nakaꞌye eꞌñe sameꞌñena.

Pellaꞌyerrach pats womenk ora errapharen, ñamha orrterrach allemeñ moexheñets oꞌch eꞌñe chaporrñatsotyerr errapharen. Orrterrach ñamha paꞌnamen atsnañtsoxhno ñeñth atarr apatannaꞌtpoꞌ. Allempopaꞌ atarrchaꞌ amhchaꞌnoxhterra entoth. Orrterrach ento ñeñth amaꞌt awathapaꞌ ama poentareto ñeñthchaꞌña eñotaterrawet oꞌ eꞌñe xherrmoch allempoch mellapoterra.

Ñamha allempopaꞌ oꞌch seꞌmareꞌtyerr oꞌ kellareñtsotyerr allemeñ anetsoꞌmar ñamha oꞌch seꞌmareꞌtyerr oꞌ orrterra ñamha athparñats errapharen, saña allempopaꞌ amach xha seyorenatsto amaꞌt eꞌñe mamesha. Ñeñthpaꞌ atethchaꞌkaꞌye eꞌñe poꞌñoxh perra. Tharraña allempopaꞌ amach xhenaꞌ allempoch eꞌñe mellapoterra. Jesúsñapaꞌ alla oterraneterr: —Paꞌnamen acheñ ñeñth eꞌñe poꞌpoñeꞌttsokma mereñtsoret ñetpaꞌ kellarannaꞌterretchaꞌ. Ñamha paꞌnamen anetsoth amhchaꞌtarethexhnopaꞌ kellaraterranchaꞌ poeyochreneshaxhno.

‘Allempopaꞌ orrterrach ento ñeñth amaꞌt awathapaꞌ ama sentare ñeñthchaꞌña señotaterreꞌ, ñeñthpaꞌ eꞌñech atsnesho, orrterra ñamha arrorresho ñamha rantoxhnesho. Ñamha arr patsro ora allpon paꞌnamen acheñeneshaꞌ poeyorñothetpaꞌ atarrchaꞌ nanak llekaꞌrrterret. Añchaꞌ atarr yoreꞌtameꞌterrawet attho ñeñth añekmoen saꞌppaꞌ oꞌch emoꞌyarterra, atarrchaꞌ womenk maꞌmoreterr allempo. Acheñeneshaꞌ eꞌñe pomhchañothetpaꞌ xhach moeneꞌ othanatyerret tharroꞌmar allempopaꞌ oꞌch eñoterret atarrchaꞌ moeroxhterret allowenet arr patsro. Ñamha ñeñth womenk orraꞌyetsa ento theꞌ, allempoña amaꞌt ñeñthpaꞌ pellaꞌyerrach.

Jesúsñapaꞌ alla oterraneterr: —Paꞌnamen acheñ ñeñth eꞌñe poꞌpoñeꞌttsokma mereñtsoret ñetpaꞌ kellarannaꞌterretchaꞌ. Ñamha paꞌnamen anetsoth amhchaꞌtarethexhnopaꞌ kellaraterranchaꞌ poeyochreneshaxhno.

Jesúsñapaꞌ otanet: —Eꞌñech señoterra, allochñapaꞌ amach eseshaꞌ seshkërraye. Tharroꞌmar shonteꞌch orrterrtsa ñeñthchaꞌ ayxhaꞌnataterreꞌ nesoꞌcheñ, ñeñthchaꞌ otyerrets: “Napaꞌ ñeñthenkaꞌyeña Cristotets; theꞌpaꞌ oꞌkaꞌye xherr allempoch norrterra na ñeñthen Cristotets.” Tharraña sañapaꞌ ñatoꞌtña seꞌmhñotenanetaꞌ.