Versets bíblics populars de Mateo 9

Comparteix

Xubi'ij c'u chique rutijo'n: «Pakatzij wi cambi'ij chiwe: Ri molonic cajawax u'anic, lic nim; no'j raj chac na e q'ui taj. E uwari'che, chitz'onoj che ri Dios, ri Rajaw ri molonic, cha' quebutak lo aj chac chupa ruchac» xcha'.

Oj c'u alak y maja na alak sa' que'elawi ri cubi'ij ri Dios chupa Ruch'a'tem: Ri lic cuaj ri'in chiwe e ri c'utubal re ri c'axna'bal c'u'xaj, na e ta ri cacamisax awaj re kasa'n chinuwach cacha'. »Ri'in na in petinak ta che quisiq'uixic ri jusuc' quibinic quisilabic, ma in petinak che quisiq'uixic raj maquib cha' caquijalc'atij ri quibinic quisilabic —xcha'.

Ec'uchiri' xeril ruq'uiyal winak, lic xejuch' ca'n pa ranima', ma rique pacha' e bexex e sachinak, quiquichom quib y na jinta chi chajinel que.

Echiri' xuta wa' ri Jesús, xubi'ij chique: —E janipa ri utz quiwach, na cajawax ta aj cunanel chique; ma wa' xew chique ri e yewa'ib cajawax wi.

Echiri' ri Jesús xic'ow pa tak ronoje tinamit y aldeas, cac'utun chupa tak ri sinagogas chujujunal luwar, cutzijoj ri Utzilaj Tzij re rutakanic ri Dios y cucunaj ronoje yabil y c'axc'obic.