Versets bíblics populars de 1 Njé gə́ Kɔrḭtə 13

Comparteix

Meenoji lé ai mée sam-sam ləm, yee to bao-meemaji ləm tɔ. Meenoji lé kəmee əḭ el ləm, yee rab rəa kəm dəwje’g el ləma, yee ti rəa mugugu-mugugu el ləm tɔ. Meenoji lé ra né gə́ bɔsɔsɔ el ləm, né gə́ wɔji dəa kara yee ḭ bigim kuru keneŋ gə mḭdé ra el ləm, mée ḭ pu el ləma, yee tar maree gə́ tar el ləm tɔ.

Yee ar mée oso lemsé dɔ néje’g lai ləm, yee unda mée yel dɔ néje’g lai ləm, yee si kərm dɔ néje’g lai ləma, lé riri kara tɔ mée gag-gag dɔ’g ləm tɔ.

Yee al rəa dɔ ta gə́ to gə dɔ najee’g ɓó yee al rəa dɔ ta gə́ to dɔ buguru’g el.

Ɓasinè lé néje nai munda ba: Meekun ləm, gə meekundayel ləma, gə meenoji ləm tɔ: nɛ meenoji ɓa ur dɔ deḛ lai gə́ ŋgaŋgee.

Meenoji a kudu ndaŋg el. Ta gə́ to loo-kiya’g gə́ d’a tegginee lé rudee a kun ɗiao ləm, tapa dəwje a kwəi bém ləma, gosonégər lə dəwje a kɔs bo̰-bo̰ ləm tɔ.

Ɓó lé m’pa tapa dəwje gə́ naŋg nee əsé njé gə́ dara nɛ meenoji godo məəm’g ndá ma m’to asəna gə ma̰də gə́ ɓar bərəŋ-bərəŋ əsé lar gə́ kas gə́ ɓar kèŋ-kèŋ tɔ.

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

Ɓó lé m’kai nékiŋgaje ləm lai m’ar njéndooje d’usɔ əsé m’ya̰ rɔm yag m’ar dee roo, nɛ meenoji godo məəm’g ndá m’a teḛ ne dəw el.

Loo gə́ ma m’nai gə́ ŋgon ɓəi lé tapa ŋgon ɓa m’pa ləm, gə takə̰ji ŋgon ɓa m’ə̰ji ləma, gə ta la̰ji ŋgon ɓa m’la̰ji məəm’g ləm tɔ. Loo gə́ m’as dəw ndá néra ŋgon lé m’njané kɔ.