Versets bíblics populars de Hechos 1

Comparteix

Pero kik'ul k'u ichuq'ab' ri'ix echiri' kaqaj lo ri Santowilaj Ruxlab'ixel ri Dios piwi' y kixu'ana k'u ix tzijol we'in chupa wa tinamit Jerusalem, chupa ronoje ri luwar re Judea y re Samaria y k'a che ronoje luwar re ruwachulew —xcha chike.

Y ri Jesús xuk'ul uwach: —Ri'ix na ya'tal ta chiwe kiweta'maj ruq'ijol y ru'orayil echiri' ku'ana taq wa' ri Nuqaw, ma ronoje wa' xew puq'ab' Rire k'o wi.

Echiri' ri Jesús e la' k'a k'o kuk' rutaqo'n, xub'i'ij chike: —Chixk'ola Jerusalem cha' kiwoy'ej rub'i'tisinik ri Nuqaw, ri nutzijom chi lo ri'in chiwe; wa' e ri bautismo re ri Ruxlab'ixel ri Dios. Paqatzij wi ri Juan xuya ri bautismo ruk' ya'; no'j ri bautismo kik'ul ri'ix e ruk' ri Santowilaj Ruxlab'ixel ri Dios; yey wa' ku'ana xa chupa taq wa' wa q'ij katajin loq —xcha chike.

Chwi k'u rukamik, xk'astaj lo chikixo'l ri ekaminaq y k'a xk'oji' cuarenta q'ij che ruwachulew. Chupa taq k'u la' la q'ij, uk'iyal laj e la' xuk'ut uwach chikiwach rutaqo'n y xch'a't kuk' puwi ri taqanik re ri Dios. Jek'ula' ri', lik xuk'utu paqatzij wi Rire k'aslik.

Ek'uchiri' xuk'is ub'i'xikil taq wa', xk'am b'i chila' chikaj; y ek'u la' kakitzutza' rutijo'n xsach b'i chikiwach chupa jun sutz'.

K'a kakitzutza' k'u pan chila' chikaj pa xk'am wub'i ri Jesús, echiri' xewinaqir keb' achijab' kuk' yey wa' lik saq ri kiq'u'. Wa'chijab' xech'aw k'u chike, jewa' xkib'i'ij: —Achijab' ix aj Galilea, ¿su'b'e k'a kixtzutzu'n chikaj? Ma wa Jesús, ri xel b'i chixo'l ri'ix y xk'ul chila' chikaj, Rire kak'un tanchik. Jek'ula' pacha' xiwilo xe'ek, jela' kak'un tanchik —xecha chike.