Versets bíblics populars de Juan 10

Comparteix

Juna eleq'om xew kak'unik re ku'an eleq', ku'an kamik y kusach uwach ronoje. No'j ri'in in k'uninaq re kanya k'aslemal che alaq yey wa' e jun chomilaj k'aslemal na jinta chi uk'isik.

»In ri in utzilaj chajinel ke b'exex. Juna utzilaj chajinel ke b'exex kuya ranima' kakam kuma rub'exex.

Taq ri nub'exex keta'am chi ri nuch'awib'al; yey ri'in weta'am kiwach y rike eteran chwij.

Ri'in kanya kik'aslemal na jinta utaqexik cha' jela' na kasach ta k'ana kiwach y na jinta ne junoq keb'eresaj panuq'ab'.

»In ri in uchi' ri coral ke ri b'exex. China ri kok b'i wuma ri'in, ri' kakolob'etajik y kachajix chi utz pacha' ri b'exex keb'okisax chaq'ab' pa ri coral y keb'esax b'i paq'ij re keb'e'wo'q pa chomilaj k'im.

»In ri in utzilaj chajinel ke b'exex, ma ri'in weta'am kiwach ri nub'exex y rike keta'am nuwach ri'in.

Yey e ri Nuqaw ri xeya'w ke panuq'ab', y Rire más k'o uwach chikiwa konoje. Ruma k'u ri', na jinta junoq keb'eresaj puq'ab' Rire. Ma ri Nuqaw y ri'in xa oj jun —xcha'.

Jela' pacha' ri Nuqaw reta'am nuwach ri'in, jek'ula' ri'in weta'am uwach Rire; yey kanya wanima' kinkam kuma ri nub'exex.

Na ya'tal ta puq'ab' junoq karesaj ri nuk'aslem we na in ta kinya'w re che. Panuq'ab' ri'in k'o wi kanya wib' pa kamik y panuq'ab' k'o wi kink'astaj lo chikixo'l ri ekaminaq. Yey wa' e ri Nuqaw ya'yom panuq'ab'» xcha'.

Ek'uchiri', xub'i'ij ri Jesús: «Paqatzij wi kamb'i'ij che alaq: In ri in uchi' ri coral pa keb'ok wi ri b'exex.

No'j juna mokom kachakun xa ruma katojik. Echiri' karilo kak'un lo rutiw, kanimajik y keb'uya kan ri b'exex; ma na e ta chajinel ke y na e tane kajaw. E uwari'che kuya luwar che rutiw keb'uchap ri b'exex y keb'ukicherisaj b'i.

Ri Jesús xub'i'ij: «Paqatzij wi kamb'i'ij che alaq: China ri na kok tub'i che ruchi' ri coral ke ri b'exex yey xa tob' k'u pa kok wub'i, ri' eleq'om y e kereleq'aj b'i ri b'exex.