Versets bíblics populars de Lucas 22

Comparteix

jewa' kub'i'ij: «Lal Nuqaw, we utz chiwach la, chinkolob'ej ko la cha' na kinik'ow ta chupa wa' wa k'axk'ob'ik. No'j na e ta k'u chu'ana ri kuaj ri'in, ma e chu'ana janipa ri rajawal k'u'x Rilal» xcha'.

No'j ri'in lik nutz'onom che ri Dios pawi' ri'at, cha' na kasach ta ri kub'ulib'al ak'u'x wuk'. Ek'u ri' ri'at, echiri' kakub'i' tanchi ak'u'x wuk', e chanimarisaj kik'u'x taq rawachb'i'il —xcha'.

Tek'uchiri', xuk'am ri pam y xutioxij che ri Dios. Xuwech'o y xujach chike, jek'uwa' xub'i'ij: —E nucuerpo wa', ri kaya'i' pa kamik iwuma ri'ix. Ek'uchiri' ki'an taq wa' chiqawach apanoq, chi'ana' kuxtab'al we ri'in —xcha'.

K'isb'al k'u re ri cena, xuk'am tanchi ri k'olib'al k'o vino chupa y jewa' xub'i'ij: —Wa' ri ri' e ri k'ak' tzij kajikib'ax uwach ruk' ri nukik'el katuruw iwuma ri'ix re kuyb'al imak.

Y chupa k'u ri' runimal uk'axk'olil, ri Jesús xujeq ku'an orar ruk' unimal uchuq'ab'. Ruma k'u la' xujeqo nimaq t'ob'a'j kik' ruk'atan katzaq chwa rulew.

»No'j ri'ix mi'an iwe pacha' ri kaki'an rike. China ri lik k'o uwach chixo'l, e chu'ana pacha' na jinta uwach; yey ri k'o puq'ab' kataqanik, e chuya'a rib' ku'an nimanel.

Ek'u ri Jesús xuk'ul uwach: —Pedro, paqatzij wi kamb'i'ij chawe: Waq'ab' echiri' k'amaja' ne kab'ixon ri teren, ri'at oxlaj chik ab'i'im na aweta'am ta nuwach —xcha'.