Versets bíblics populars de Lucas 19

Comparteix

Ascan tsoa funoa un ato fai shara ismayoi uhuun Upa Dios anoashu un oni nanfo Dios fu ipasharanonforan, —ishon ato yoini.

Machi Olivo tusirimucaitan ahuunshon tapimisifo aqui noconifo. Unimacaquin oi ashcafinin Jesús yoinifo, —¡Aicho! ¡Diosin shararan! Dioshuunshon ahuamamishti min huaiton non oian. ¡Aicho! Nocon niaifo nocoqui oaquin. Diosin shara huamafafainni. Diosin yononi Jesús nocon Niaifocoin inon. Ahuunshon Diosin nantifi shara huanon. Ascarifiatan ahuun nai oinmatifoan nai muranshon yoicani, “Diosifin sharacoinshon yorafoqui ahuun Furun nichiniquin ato numanon,” man huaicain —ishon oi ashcafinin yoinifo.

Ascaiton Jesús Zaqueo yoiqui isca huani, —Zaqueo, na shafata min chaca un mia soashona min Diospan facu ica afu nipanonran, —ishon yoini. Ascan nannoa pushu murannoafori ato yoini, —Na nocofunu Zaqueo arifi Abraham ahuun funa. Abraham Dios icoinra huaa cuscan arifi natian icoinra huaa.

Nan ihui nia naman finonfainquin foisinifoantan fuchishon, Jesús yoini —Zaqueo, fotoriscahuu. Un min pushu ano osha fusti yoi canon, —ishon yoiaiton. Nicai Zaqueo fotoriscani. Fasi unimasharacoinquin ahuun pushu ano iyoni. —¡Aichoran! Min uhuun pushu ano oiquin. Iquiyohuu, —Zaqueo huani.

Ascafiaifoanno Zaqueo Jesús yoini, —Ifon, natiantafin un yora ahuuomafo cashcu futsa un ato inanpacuicain. Nan un finonmafaintan fia cuscan onushori un ato finonmafaintan ato inanpacuiquin. Un diez soles fianshonfin cuarenta soles un ato inainquin. Ascan veinte soles ato fianshonfin ochenta soles un ato inaincain. Un ato onuyofiamisishaquifin un ato asca huapaiquin, —ishon Zaqueo yoini.

Asca huacatan Fariseofoan yorahuanrasi muranshon Jesús yoini, —Tapimamisiton, minhuunshon tapimisifo yoihuu ascanonfoma, —huaifoan. —Un mato yoinon. Ua yoisharayamaifoan na toquirifoan ua oi ashcafinin tsain shara ua yoicuanaforan, —ishon Jesús ato yoini.