Versets bíblics populars de Lk 3

Comparteix

Naq chixjunil li tenamit yookeb' chi kub'siik xha', kikub'eek ajwi' xha' li Jesus. Ut naq yo chi tijok aran, kitehonk li choxa: li Santil Musiq'ej kikub'e chaq sa' xb'een kama' na'ilok junaq mukuy ut kichalk chaq jun xyaab' kuxej sa' choxa, kixye: “Laa'at li walal; aawik'in nasaho'k inch'ool”.

Kichaq'ok ut laj Jwan ut kixye reheb': “Laa'in ninkub'si eeha' yal rik'in ha', ab'an chalk re li q'axal nim xwankil chiwu laa'in, li moko ink'ulub' ta xhitb'al xk'aamal li xxaab'. A'an tixkub'si eeha' rik'in Santil Musiq'ej ut xam.

Chik'utunq b'i' sa' leeyu'am li naruuchin li yot'b'ach'oolej jalb'ak'a'uxl, ut mex'ok chi xyeeb'al sa' leech'ool: «A' laj Abrahán a'an qayuwa'». Xb'aan naq ninye eere naq li Yos taaruhanq chi risinkil sa'eb' li pek a'in ralal xk'ajol laj Abrahán.

Ak wank li maal sa' xtoonaleb' li che'; ut chixjunil li che' ink'a' chaab'il li ru naxk'e, taayok'manq ut taakutmanq sa' xam”.

Li propeet Isaías ki'aatinak chirix laj Jwan naq kixye chi jo'ka'in: “Xyaab' xkux li japjo re sa' li chaqich'och': «Tuqub'omaq li xb'e li Qaawa', tiikob'resihomaq li ruq' b'e chiru. Chixjunil li julux taab'ut'manq, chixjunileb' li tzuul ut eb' li b'ool te'kub'simanq xteram; li yokos ru taatiikob'resimanq ut li b'uk'ux ru taatuqub'amanq ru cho'q taq'a. Ut chixjunileb' te'ril li kolb'a ib' naxk'e li Yos»”.