Versets bíblics populars de Génesis 15

Comparteix

Tayta Diosman iñisqanraykum Abramqa mana huchayuqpaqña chaskisqa karqa.

Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

Abramta Tayta Dios hawaman pusaruspanmi nirqa: Qaway cielopi chaskakunata, ¿yupayta atiwaqchu? Wakna mana yupay atinam miraynikikunapas kanqa, nispa.

Chaymi Tayta Dios nirqa: Manam paychu herenciayki chaskiqqa kanqa, aswanqa churikipunim, nispa.

Chaymi Abramta Tayta Dios nirqa: Miraynikikunaqa cheqaptapunim hukpa llaqtanpi yachanqaku, hinaspam chay runakunapa esclavon kaspanku tawa pachak wata ñakarichisqa kanqaku.

Chaymi Abram nirqa: Dios Taytalláy ¿Imapaqtaq imatapas qowankiman mana churiyuq kachkaptiyqa? Wasiypiqa kachkan Damascomanta kaq mayordomoy Eliezerllam.

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

Tawa kaq miraynikikunam kay allpaman kutimunqaku, chaykamam Amor casta runakunata huchallapiña kachkaptinkupas manaraq chinkachisaqchu, nispa.