Versets bíblics populars de Lucas 11

Comparteix

Bisan pa sa inyong pagkadaotan, mahibalo kamong mohatag ug maayong mga butang ngadto sa inyong mga anak. Labaw pa ang amahan nga atua sa langit nga mohatag sa Espiritu Santo kanila nga mangayo kaniya!”

Busa sultihan ko kamo: Pangayo kamo ug kamo hatagan; pangita kamo ug kamo makakaplag; pagtuktok kamo ug ablihan ang pultahan alang kaninyo.

Kay ang tanan nga mangayo hatagan ug siya nga mangita makakaplag ug ang pultahan ablihan alang kaniya nga magtuktok.

Si Jesus miingon kanila, “Kon mag-ampo kamo, ingna: ‘Amahan: Simbahon unta ang balaan mong ngalan, maghari ka unta kanamo.

Ug pasayloa kami sa among mga sala kay nagpasaylo kami sa tanan nga nakasala kanamo. Ug ayaw kami itugyan sa pagsulay.’”

Ihatag kanamo sa matag adlaw ang pagkaon nga among gikinahanglan.

Ang imong mata mao ang suga sa imong lawas. Kon maayo ang imong mata, malukop sa kahayag ang tibuok mong lawas. Apan kon daot ang imong mata, malukop sa kangitngit ang tibuok mong lawas.

“Walay magdagkot ug suga ug unya tagoan o tabonan kini sa gantangan. Ibutang gayod hinuon kini sa tungtonganan aron makakita ang mga tawo sa kahayag inigsulod nila.