Versets bíblics populars de Lucas 23

Comparteix

Angwane Jesukwe niebare Ngöböye: Ti Rün, nitre tä ja mike ngite ti rüere ne makwe dian bti ta amne makwe ñan mika ja ngie nuen ti dokwäre, ñobtä ñan angwane niaratre tä dre nuene gare ñakare metre ietre, niebare Jesukwe. Angwane nitre rükä abko käkwe ja gani dän Jesukwe ñäkätbekrä jabti.

Jesukwe niebare mda ie: Era metre mtare ma rabadi kä kuinte tibe, niebare kwe ie.

Bti niebare mda kwe Jesuye: Jesu, ma raba gobrane angwane, makwe ti ngwianta töre jae amne makwe ti die mika, niebare kwe ie.

Angwane Jesukwe ngratebare kri, käkwe niebare: ¡Ti Rün, ti bike ja üai mike gare mae! niebare kwe. Ye btäräbe krütani.

Ye erere käkä Calavera känti Jesu jänamani angwane, metani krusobtä amne ni ja mikaka ngite metani kruso mda mdabtä arato abko nikani iti küde ruenkri amne iti küde ngeberekri.

Yebti ñänä ruäre angwane, kä ngidianinte mda amne kä namani iko jökrä temen nebebe ñänä okwä krämä dere, aisete ñänä trä namani ñakare. Erere arato, dänkwän ngetbo, bti ju blitakrä Ngöböbe nämane ñäkänintbe, ye nianinkäbe ötöbu ta se kwrere.

Jesu krütani kore nitre rükä romanobo dänkien okwäbti angwane, Ngöbö käikitaninkä kwe, käkwe niebare: Ni ne abko ni metre amne ngite ñakare bkänä ñan ñan, niebare kwe.