Versets bíblics populars de Genesis 11

Comparteix

ꞋEt Moodihti (Yahweh) ꞌutni, “A ꞌilhune za hinli dune ꞌinkꞌez lhkꞌunꞌa za yahulhduk. ꞋEt njan ꞌet ꞌazi wheꞌ honilhꞌen ndai la ꞌuhitilelh hukwaꞌhuninzun-un tsꞌiyawh si ꞌuhuhooleh. ꞋAnih butsꞌun tsꞌutoodilh, ꞌinkꞌez bughuni ꞌi buchꞌa lhtatsꞌuholelh. ꞋEt si lhulh hoodostsꞌo.”

ꞋEt ꞌuhutni, “ꞋAnih njan keyoh whuti ꞌutsꞌodoolneh ꞌinkꞌez ndo yakꞌuz nainꞌa-i nyiz-i cho ꞌi ꞌutsꞌooleh. ꞋEt wheni si neooziꞌ hoonli holeꞌ, ndi ꞌutsꞌinla da, doo ka si ndulcho whe ndi yun kꞌut yatsꞌodilh.”

ꞋEt huwa nyo nainꞌa-i cho, ꞌi Babal huyulhni, ndai la huye yalhduk-i cha tsꞌiyawh Moodihti (Yahweh) lhelhtsꞌun unꞌa yahulhduk hubulhtsi ꞌinkꞌez ndulcho yahandil.

Ndi yun kꞌut ꞌoh daꞌ ꞌilho khuni za hoonli tsꞌiyanne lhkꞌunꞌa yahulhduk.

ꞋEt whe Moodihti (Yahweh) ndus de hainya ꞌinkꞌez nyo keyoh whunilhꞌen ꞌinkꞌez nyoo nainꞌa-i cho yoh huyulhtsi, ꞌi cha ꞌuhuyinla-i yunalhꞌen.

ꞋEt whe Moodihti (Yahweh) lhchꞌa buninla, ꞌinkꞌez njan yun kꞌut ndulhcho nehunindil. ꞋEt whe dune whutꞌi whucho nehoninꞌai ꞌet ꞌetsul ꞌuhuja.