Versets bíblics populars de San Lucas 19

Comparteix

Esepia, che, Ava Rɨquehɨr, ayu co ɨvɨ pɨpe ava ocañɨ tẽi vahe pɨ̃sɨro ãgua —ehi Jesús Zaqueo upe.

aipo ehi yuvɨreco: —¡Sovasaprɨ secoi mborerecuar guasu ou vahe yande Yar rer pɨpe! ¡Mbahe tuprɨ toime ɨvave iyavei imboeteiprɨ Tũpa tasecoi! —ehi.

—Co pɨpe Tũpa oipɨ̃sɨro ité co mbɨa. Esepia, ahe niha Abraham suindar avei secoi.

Evocoiyase oyepotase, omahe Zaqueo rese ɨvate chinise, aipo ehi chupe: —Zaqueo, egüeyɨ poyava. Esepia, asora nde rẽtave nde pɨri —ehi. Aipo oyeupe he ramoseve, Zaqueo ogüeyɨ voi vorɨvetesa pɨpe oipɨsɨ.

Evocoiyase Zaqueo opũha aipo ehi chupe: —Che Yar, esendu rane, amboyaho tuprɨra che mbahe eta ava iparaɨsu vahe upe; mbahe añomi vahecuer avei, ayapɨrasa catu-catura irungatu rupi imboyevɨ ãgua —ehi chupe.

Evocoiyase amove fariseo yuvɨrecoi vahe supi aipo ehi chupe: —Porombohesar, eñehe nde rupi oguata vahe upe imonguiriri ãgua —ehi tẽi yuvɨreco. Evocoiyase aipo ehi: —Supi eté amombehu pẽu: co ava iquiririse yuvɨreco, ita rumo evocoiyase osapucai pĩratara che mboeteisave —ehi.