Versets bíblics populars de Juan 1

Comparteix

Jal pax jantaj mac jix chaꞌoni, jantaj ebꞌ jix yaoc scꞌul yin, jaꞌ chi aloni, tol ey yalon yet ebꞌ yoc ebꞌ yuninal oj Dios.

Jaꞌ yet cꞌamto yul yibꞌankꞌinal tiꞌ, eyxa cꞌaltaꞌ ecꞌ jun chi yij Skꞌane Dios, eyecꞌ yetoj Dios, catuꞌ Dios toni.

Jaꞌ jun sajkꞌinal tuꞌ, sajkꞌinale cꞌal yeoc snan xol kꞌejkꞌinal. Cꞌam chi tan yu kꞌejkꞌinal.

Jaꞌ jun chi ijon Skꞌane Dios tuꞌ, jix oc yin animail. Julnaj ecꞌ cu xol tiꞌ jun tiempoal. Jaꞌ jun tuꞌ caw yel. Miman swatxꞌcꞌulal Dios jix jul xꞌox ey jon. Jix kil yin, caw miman yeloc apnoj yutol asan chꞌan jun qꞌuetxan Scꞌaal Dios tuꞌ chejbꞌiltej yu Smam.

Jaꞌ jun tuꞌ, jix yakꞌbꞌalne Dios yin swaꞌnen masanil tzetyetal. Yuxan, ta manaj yu jun tuꞌ, cꞌam mi tzet jix waꞌnelei. Jaꞌ yu jun tuꞌ, yuxan chi kiꞌ cu kꞌinal cu masanil. Catuꞌ jaꞌ yu skꞌinal jun tuꞌ, yuxan ey pax sajkꞌinal yin cu pixan.

Yet yewial tuꞌ, jix yilon sjul Naj Jesús naj Juan tuꞌ, yuxan jix yal jaxca tiꞌ: —Ilaꞌla. Jaꞌ jun lalan sjul tiꞌ, jaxca yopiso junoj noꞌ meꞌ chi akꞌle yin xaambꞌalil, queytuꞌ yopiso Naj yu Dios, yutol jaꞌ chi jul yu yiꞌon el cu penail cu masanil bꞌey yul yibꞌankꞌinal tiꞌ.

Jaꞌ jun chi yij Skꞌane Dios tuꞌ, julnaj ecꞌ yul yibꞌankꞌinal tiꞌ. Jaꞌ jix waꞌnen pax jun yul yibꞌankꞌinal tiꞌ. Jaꞌ yet julnaj eytej tuꞌ, ma naꞌcha el yu ebꞌ ánima ta tol jaꞌ. Julnaj ecꞌ xol masanil tzet waꞌnebꞌil yu, jaywanne pax ebꞌ yet conobꞌ jix chaꞌle naj yu.

Ey jun caw yel sajkꞌinal yet Dios jix jul bꞌey yul yibꞌankꞌinal tiꞌ. Jaꞌ chi akꞌon sajkꞌinal yin spixan masanil ánima.

Jaꞌ naj Moisés, jix akꞌon can sley Dios ey jon, caw yaꞌtaj sjijelei. Jal pax Jesucristo xin, jaꞌ swatxꞌcꞌulal Dios jix xꞌox ey jon. Jix yakꞌon pax jun cuybꞌanile caw yel.