Versets bíblics populars de Juan 14

Comparteix

Jaꞌ tinaniꞌ xin, chex wa can oc yin watxꞌcꞌulal. Jaꞌcaw jin watxꞌcꞌulal chi wakꞌcan ey jex. Manaj swatxꞌcꞌulal ebꞌ yul yibꞌankꞌinal tiꞌ chi wakꞌcan ey jex, man quey oj tuꞌ wet chi wakꞌcan ey jex. Manche je yakꞌ bꞌiscꞌulal, catuꞌ cꞌam chex xiwi.

Jix yalon Jesús tet naj jaxca tiꞌ: —Jaꞌ jun bꞌe chi wal tiꞌ, jain toni. Asan jin chi skeꞌ jex wiꞌontoj bꞌey eyecꞌ cu Mam Dios. Jain ton yel jin, jain ton a kꞌinale jin an.

Jix yal Jesús tet ebꞌ scuywom jaxca tiꞌ: —Manche somcha el je naꞌbꞌal. Awej oc je cꞌul yin Dios, catuꞌ che yaon pax oc je cꞌul win an.

Jaꞌ cu Mam Dios oj chejontej Yespíritu ey jex jin qꞌuexeloj. Jaꞌton oj colwa je yetoj. Oj jex scuy yin masanil tzetyetal. Oj sjej je naꞌ jantaj tzet albꞌilcan ey jex wu an.

Jaꞌ mac chi abꞌen jin chejbꞌanil, catuꞌ chi sjijen pax oj, jaꞌton ebꞌ tuꞌ chi camel scꞌul win an. Jaꞌ ebꞌ chi camel scꞌul win, jaꞌ jin Mam oj camcꞌulnen ebꞌ. Yetoj jin pax oj, oj jin camcꞌulne pax ebꞌ. Catuꞌ oj jin txꞌoxon jin bꞌa tet ebꞌ an, ẍi Jesús tet ebꞌ.

Jain tiꞌ oj jin kꞌan tet cu Mam Dios, catuꞌ oj jin chejontej junxa mac oj colwa je yetoj, jaꞌton Yespíritu caw yel. Jaꞌ oj eecꞌ je yetoj yin tobꞌalkꞌinal. Jaꞌ ebꞌ yet yul yibꞌankꞌinal tiꞌ, ma skeꞌ ẍaꞌon jun tiꞌ ebꞌ, yutol cꞌam chi skeꞌ yilon oc ebꞌ yin, man yotaj oj ebꞌ. Jal jex xin, je yotaj xa Yespíritu tiꞌ, yutol eyecꞌ je yetoj. Jaꞌ oj eecꞌ je yin, yin junelne.

Yal cꞌal tzet oj je kꞌan tet Dios yin jin bꞌi, oj jin waꞌne el ey jex. Oj jin waꞌne el jain tiꞌ, tol Scꞌaal jin Dios, yet watxꞌ oj jin txꞌoxeloj, tol caw miman yeloc apnoj cu Mam Dios. Yal cꞌal tzet oj je kꞌan tet Dios yin jin bꞌi, oj jin waꞌne el ey jex an.

Ta chi camel je cꞌul win an, jijewej jin chejbꞌanil an.

Jaꞌ bꞌey sna Naj jin Mam an, caw ey lugar bꞌey chi cu caeyi. Ta cꞌam tzet jaxca tiꞌ, ¿xax mi wal ey jex an? Oj jin toj jin waꞌne je lugar bꞌey oj jex aapnoj.

Oj lawoj jin waꞌnen je lugar tuꞌ, catuꞌ oj jin jul pax junelxa. Catuꞌ oj jex wiꞌontoj wetoj an, yet watxꞌ jaꞌ bꞌey ey jin ecꞌ tuꞌ, jatuꞌ oj jex eecꞌ wetoj an.

Catuꞌ jix yalon naj Tomás tet Naj jaxca tiꞌ: —Jaach Cuywam, man kotajoj, bꞌey oj jaach toj tuꞌ. ¿Tzet oj kute kotajnen el jun bꞌe tuꞌ? ẍi naj.