Versets bíblics populars de Juan 6

Comparteix

Sayno niyaptinmi Jesús nirqan: <<Noqami kawasikuq tanta kaykä. Noqata chaskikamaq kaqqa imaypis manami mikananqanasu ni yakunanqanasu.

Manami pipis kikilanpitasu mana ushakaq kawayta tarin, saypa trukanqa Espïritupitaraqmi. Noqa yachasishqäqa Espíritu Santupita karmi mana ushakaq kawayta qoyäshunaykipaq kaykan.

Pachalaykipaq aruyänaykipa trukanqa imayyaqpis kawasikuq mikuyta tariyänaykipaq aruyay. Say mikuytaqa Runapa Surinmi kamaripäyäshunki. Saypaqmi Tayta Dios kachamush>>.

Pay munan lapanpis Surinman criyiqkuna mana ushakaq kawayta tariyänantami. Paykunataqa juiciu finalchömi kawarisimushaq>>.

Saymi Jesús nirqan: <<Tayta Diospa aruyninqa kaykan kachamushqanman yärakuyashqaykimi>>.

<<Taytä qomashqan runakunaqa lapanmi chaskikayäman. Noqata chaskikamaqkunataqa manami pitapis qarqushaqsu.

Saymi Simón Pedro nirqan: <<Taytay, qampita mas jukqa manami pipis kansu qatiränäpaq. Nishqaykikunaqa mana ushakaq kawayta tariyänäpaqmi kaykan.

Noqami jana pasapita shamuq kawaykaq tanta kaykä. Pipis kay tantata mikurqa mana ushakaq kawaytami tarinqa. Kay tantaqa kikïpa aysämi. Runakuna mana ushakaq kawayta tariyänanpaqmi aysäta sacrificiutano Tayta Diosman entregashaq>>.

Kachamaqnï Taytä mana tantiyasiptinqa manami pipis chaskikamanmansu. Chaskikamaqkunataqa juiciu finalchömi kawarisimushaq.

Say tantaqa jana pasapita shamuq runami kaykan. Paymi pïmaytapis mana ushakaq kawayta qonqa>>.

<<Noqami kawasikuq tanta kaykä.

Say pisqa tantata Jesús aptarkushpanmi Tayta Diosta manakur päkilä nirqan. Nirkurnami jamaraykaq runakunata [discïpulunkuna] aypuyarqan. Saynölami pescädutapis aypuyarqan. Aypuyaptinmi lapanpis pacha junta mikuyarqan. Runakuna mikuskiyaptinnami discïpulunkunata nirqan: <<Pusuqkunata lapanta shuntayämuy. Ama imatapis perdisishunsu>>.

Saypita juk lëwatano aywaykäyashqanchömi Jesústa rikayarqan yaku jananpa paykuna kaqmanpa aywaykaqta. Sayta rikaykurmi fiyupa mansakäyarqan. Saymi Jesús nirqan: <<¡Noqami kaykä! ¡Ama mansayämaysu!>>