Versets bíblics populars de Joaancha Laenai 14

Comparteix

Raotojoeeinne inara rai necoeeun. Canuhachane, Cana Coaunera tenojoin raotojoeein neeichene jaannu teeun. Nerinaain cabaiha nii rijijieein raotojoein neeichene jaannu teraanu. Aihana jaun, chaque casilanaala, raotojoeein neeuche.

“Quere esenetaain tonoraaichenete, Cana Inaca rene turuhin aina ichaoriquicheein. Nete laaen cacolane turuenereein chunei, rauhijiriin ichaonaa rauhi tera nihanune jaun.

“Coa nererojoecaache. Cana Coaunera esenetaaichene rijijieein quesenetaauche.

Chaaen, Cana Inaca rene cuhanunete, cacoreniha Suujue letohareein Ofa Cana Inaca, inara suujua lararajiaain, inara suujuateein, inara coroatajanihane coina. Acate itolere que inara relareein, itolere caitoonjoan que coaauquichene coina.

Quere tonoraain neite, esinae rauhijiriin cacoelaicha nereein. Niite belaiha cureein Cana Inaca Cana Coaunera. Canu netonainiha natiinne inara belaain, inara que necoharaeratereeunni, raotojoeein rauhijiriin cacoitucuhichene coina”, naa Cana Coaunera Calaohi Jesoso canacaanu raina jaun

Nitohaneein neeichenena, Cana Inaca bajareeunni, inara Coroatajanera letoaane coina. Inoaelu netiin chabana satonohe lanaalate inara aina niha cureein inara Coroatajanera. Acate, esinae Cana Coaunera Suujue nereein. Nii Cana Coaunera Suujue coitucunaa nainecuruhi cacoitucuuruhi. Inarate laaen, raotojoeein coitucuhiche inara aina nihana jaun. Inoaelu netiinte, chabana satonohe lanaala inara aina niha cureein.

Cuu nihanune jana, cacurujuateein chaelai inaraacha latei bajaaichenena, tiha cureeunni. Nitohaneeina Cana Inaca Cana Coaunera ichanohin coaaratiha cureeunni, Cana Inaca Cana Coaunera coitucuhin coroaequichene coina. Nii jaunna, chaelai bajaaichene tereeunni.

Rauhijiriin esinae cacoelaaichene, quere tonoraauche.

Lanaai Ofa loreri asaae turunaa najaan cuu turuhin raotojoeein neeichene jaanu. Nenihane jananihane coatiha berihaun. Aihana jaunna, inara turunajaanu rucuheca cureeunni letono inara ajiniha.

Inara nenajaanu rucuheca cuhanune baihane coaiteen ureeunni, inara raa tajiha caniha neeichene coina.

“Nii cuhine jaan coitucuhaacaanuta Curuaanaa. Inasiina coitucuhin urichaanuta”, naa Tomasine jana