Versets bíblics populars de Lucas 22

Comparteix

<<Teytallä, cöpachö winarëkaq castïguïkita ama upïkatsillämëtsu. Tsënö kaptinpis noqa munashqänöqa ama katsuntsu, sinöqa qam munashqëkinö këkullätsun>>.

Tsënö kaptinpis Teyta Diosmanmi mañakurqü mana qelanashpa noqaman markäkamunëkipaq. Tsënam noqaman yapë markäkamurnin discïpulu mayikikunata yanapëkunki noqaman markäkur tsarakuyänanpaq>>.

Tsënöllam tantata tsarirkur Teyta Diosta payllä nikurqan. Tantata pakirirnam apostolninkunata makyar nirqan: <<Këqa cuerpümi. Kë tantata mikur qamkuna rëkur wanushqäta yarpäyanki>>.

Tsënöllam mikïta usharir vïnuyuq cöpata tsarirkur nirqan: <<Kë vïnuqa yawarnïmi. Qamkuna rëkur wanur yawarnïta ramaptïmi Teyta Dios mushuq pactuta ruranqa.

Shonqunchö tsëläyapa nanatsikurmi masraq mañakurqan hasta yawarnöraq sudorninpis patsaman shutunqanyaq.]

Qamkunaqa manam tsënötsu kayänëki. Tsëpa rantinqa precisaq karpis wamranö qollmi shonqum kayänëki. Y mandakuq karpis sirwikuqnöllam kayänëki.

Jesúsnam nirqan: <<Pedro, noqam niq: Kanan paqas gällu manaraq cantaptinmi kima kuti negamanki>>.