Versets bíblics populars de SAN LUCAS 23

Comparteix

Huan Jesús quilic: —Tata, xiquinpujpuhua yehuanten hual nechmictiticate, pampa amo quimatilo len quichijticate. In guaches moxiluilijque itzotzomajli Jesús huan pa quichihualosquiaya inon, quicuixtijque cuajtzindis, huan quinlasajque in cuajtzindis quinami yoje pa quimatilosquiaya aqui yahuiaya cana in tzotzomajli hual nepa quilalijque pa quipiasquiaya.

Huan Jesús quilic: —Neli nimitzilía, axan ticayas ca nehual pa iparaiso Dios.

Cuaquinon quilic: —Jesús, xichijnamiqui pan in tonali tihualas oc sejpa pa tihuelitis.

Huan tzajtzic Jesús ca lajtol chicahuac, quilic: —Tata, nimotemaca ca noyulilisli pa tichlachilis. Quiman quijtuc Jesús inon, jan yoje miquic.

Huan ajsijque pa capa itoca Tzontecomal, nepa quipilujque Jesús pan in cuahuil huan noje quinpilujque in oc sequin omenten pan inmincuahuimes, se pa ima cuali Jesús huan in oc se pa ima amo cuali.

Cataya quinami lacualispan huan laticumactic pa mochi in lalticpan, mocahuac laticumac pa ye pa tiolac, amo lahuiaya in tonali. Huan in tzotzomajli telahuazo hual pilujtataya lajco pa in lasojli calijtic huan in niman lasojli calijtic pin tiopan hué, tzayanic pa lajco, mochíac ome.

Nepa cataya in laicanani romano hual yec inminteco cien guaches. Quitac yihual len panuc, quijtuc lajtomes huejué huan cuajcuali pa Dios, quilic: —Neli in lacal yec se lacal cuali, amo quichíac len amo cuali.