Versets bíblics populars de San Juan 6

Comparteix

Mänitä Jesús miänaaṉ̃: ―Høøc̈h jeꞌe, jaꞌa Dios tøø quiéx̱iäbä. Cuhdujtyéjpøch coo hajxy jim̱ tiägǿꞌøwät tsajpootyp pønjátyhøch jaꞌa nmädiaꞌagy xmiäbǿjcäp. Cøjxtaꞌaxiøø hajxy jim̱ yhídät.

Jaꞌa mjuøhñdyhajxy, jeꞌeds hajxy yaa xyagjugyhajp. Jaꞌa mniꞌx jaꞌa mgopc‑hajxy, cab hajxy jeꞌe yaa xyagjugyhaty. Cooc̈h mijts jaꞌa nmädiaꞌagy xmiäbǿjcät, mänit hajxy mdägǿꞌøwät jim̱ tsajpootyp.

Paady hajxy mduṉ̃, jaduhṉä cay huꞌugy hajxy mbaady. Pero chaads mijts nnämáꞌawät jadunajtä coo hajxy mhøxtáꞌawät neby hajxy mjugyhádat nebiä Dios jiugyhatiän. Høøc̈h mijts cuhdujt nmoꞌowaam̱by coo hajxy jaduhṉ mjugyhádat. Páadyhøch mijts jaduhṉ nmoꞌowaꞌañ, cooc̈hä Dios tøø xquiuhdujtmoꞌoy, høøc̈h jaꞌa Diosquex̱ypä.

Jadúhṉhøch jaꞌa nDeedy miänaꞌañ coo hajxy cøjxtaꞌaxiøø jiugyhádat neby jaayaꞌay jiugyhatiän, pønjaty jaduhṉ najuøøby cooc̈hä Dios xyHuunghaty, pønjátyhøch jaꞌa nmädiaꞌagy xmiäbǿjcäp. Jeꞌec̈h hajxy jim̱ nyajnøcxaam̱by tsajpootyp coo jaꞌa xøø jumøjt yhabéjnät.

Mänit Jesús yhadsooyy: ―Chojpy jaꞌa Dios cooc̈h mijts jaꞌa nmädiaꞌagy xmiäbǿjcät, jaꞌac̈h tøø xquiéx̱iäbä.

Pønjátyhøch jaꞌa nDeedy jaduhṉ xyajcøꞌøwaaṉøøby, jeꞌec̈hä nmädiaꞌagy xmiäbøgáaṉäp. Nguhbøgáam̱biøch hajxy jeꞌe.

Mänitä Simón Pedro yhadsooyy: ―Wiindsǿṉ, caj. Tii højts miic̈h coo nnäꞌä puhwáꞌadsät. Miic̈h højts jeꞌe xyajnähixøøby neby højts jim̱ ndägǿꞌøwät tsajpootyp.

Høøc̈h, páadyhøch tøø ndsooñ jim̱ tsajpooty nébiøch jäyaꞌayhajxy jim̱ nyajtägǿꞌøwät. Jim̱ hajxy yhidaꞌañ cøjxtaꞌaxiøø pønjátyhøch nmädiaꞌagy xmiäbǿjcäp. Nnähdugáam̱biøch jaꞌa nniꞌx jaꞌa ngopc. Nnähhoꞌtuꞌudáam̱biøch jäyaꞌayhajxy nägøx̱iä.

Pǿṉhøch jaꞌa nDeedy yajnähdijpy, jeꞌec̈hä nmädiaꞌagy xmiäbøgáaṉäp. Jeꞌec̈h nyajnøcxaam̱by tsajpootyp coo jaꞌa xøø jumøjt yhabéjnät.

Jaꞌa Dios tøø quiéx̱iäbä, jim̱ tsajpootyp jeꞌe tøø chooñ. Paady jeꞌe yaa tøø quiädaꞌagy nejy mijts xquiuhdujtmóꞌowät coo hajxy mjugyhádat nebiä Dios jiugyhatiän.

Høøc̈h hajxy jaduhṉ jim̱ nyajtägøꞌøwaam̱by.

Mänit Jesús jaꞌa tsajcaagy quiooṉdsooyy. Mänit Jesús Dios jaduhṉ ñämaayy: “Dioscujúꞌuyäp.” Mänit Jesús jaꞌa jiamiøød jaꞌa tsajcaagy miooyy. Mänitä jiamiøød jaꞌa tsajcaagy hajxy tiägøøyy yajwaꞌxpä maa jäyaꞌayhajxy hänajty yhäñaꞌayän. Møødä hacx hajxy yajmäwaꞌxøøbiä. Jaduhṉ̃tiä jäyaꞌayhajxy miooyyä mäduhṉ̃tiä hajxy hänajty quiayaꞌañ. Coo hajxy quiaabiädøøyy, mänit Jesús jaꞌa jiamiøød ñämaayy: ―Yajpädøꞌøg tsajcaagyquiaadiuc hajxy møødä hacxtsuꞌtstuc, neby hajxy jaduhṉ ngaꞌa nähguéecämät.

Mägoox̱kilómetro tädujkilómetro hajxy hänajty tøø ñøcxy, mänitä Jesús hajxy yhijxy coo jaꞌa barco hänajty tøø ñajtspaadøꞌøy. Yohby Jesús hänajty mejywyiing. Mänitä jiamiøødhajxy chähgøøbiøjcy. Mänit hajxy ñämaayyä: ―Caꞌa hajxy mdsähgøꞌøy; Jesúshøch høøc̈h.