Versets bíblics populars de SAN JUAN 2

Comparteix

Baxuc caj u betaj Jesús ich u cajar Caná, ra' u wa'an u ru'umin Galilea. Raji' u yʌnxchun u carem beyaj soc yesic ti' u rac'ob u winiquirob judío jach yʌn u muc' C'uj. Rajen u camsʌwinicob caj u yacsob tu yorob ti' quire' yerob u parar C'uj.

Jesús caj ya'araj: ―In nʌ'ech ―quij Jesús―, biquinin ca wa'aric ten xup? Mʌ' toy jach c'uchuc tu q'uinin soc in wesic in muc'.

Jesús caj ya'araj ti' u c'urewob a mac a cu bin u ch'ic u rac': ―Toc chupex ya'arir a je' t'ana'an u p'urir yoch ja'. Tu toc chupaj u ya'arir u jor u p'urir. Jesús caj u ya'araj ti'ob: ―Jopex ca' xiquex a purex ti' yirej yʌjt'ʌjir a wo'ochex. Caj binob u purej ti'.

Jesús caj ya'araj ti'ob: ―Jubse a je' carem naja' ca' bin c'uchuc mʌna' u nup u q'uinin, quin bin in ca' ric'sej u jer ric'ben.

Rajen caj u cʌxtaj sum soc u jit'ic quir u jats'ʌr u pachob. Caj u rʌc joc'saj ich carem naj tu cotor a mac a cu canicob yʌrʌc' tʌmʌn yuc yejer yʌrʌc' wacʌx a tono'. Baxuc a mac cu c'axicob u taq'uinob mac caj u rʌc wec u taq'uinob yejer u pojche'irob u taq'uinob. Jesús caj u ya'araj ti' a mac a cu canic susuj: ―Toc rʌc joc'sex a wʌrʌc' susuj. Quire' raji' yatoch in Tet, mʌ' a c'axiquex irej tu cu naj co'nan ba'.