Versets bíblics populars de Zezì Wecheekeèdeè 2

Comparteix

Peter gots'ǫ̀ hadı, “Edek'eahłı̨, naxınì eładı̨į̀ aahłe. Naxıhołı̨į̀ naxıghǫ nahoezhe ha t'à, hazǫǫ̀ naxıtaàt'eè Zezì wıızì t'à naxık'ètaìdzı̨į̀ adeahłe. Hanì-ı̨dè Yedàyeh Nezı̨ı̨ naxık'e ade ha.

Zezì wecheekeèdeè hoghàgogeehtǫ ekò hotıì egeèhkw'ǫ, eyıts'ǫ yagehtı xè Nǫ̀htsı̨ łèt'è ghǫ shègezhe gha łą̀ą ełègehdè.

Yedàyeh Nezı̨ı̨ dǫ hazǫǫ̀ eyı geèhkw'ee sìı k'e ajà. Yatı eyıì-le xàɂaa k'ę̀ę̀ gogedeè agǫ̀ǫ̀là.

Hǫtsaa yak'e gots'ǫ nı̨hts'ı nàtsoo hoòwo. Kǫ̀ goyìı geèhkw'ee sìı goyìı hazǫǫ̀ ts'ǫ̀ nı̨hts'ı dèekw'ǫ. Dǫ eyı geèhkw'ee sìı kǫ̀woò nechà-lea lanıı ełets'ǫǫ̀ ajà gà hazǫǫ̀ gıtaàt'eè gık'e ajà gıaɂı̨. Yedàyeh Nezı̨ı̨ dǫ hazǫǫ̀ eyı geèhkw'ee sìı k'e ajà. Yatı eyıì-le xàɂaa k'ę̀ę̀ gogedeè agǫ̀ǫ̀là.

Dzę taàt'eè Nǫ̀htsı̨kǫ̀-gocho gà łą̀ą nègııdè. Edekǫ̀ Nǫ̀htsı̨ łèt'è tàgeezhì gà ełexè shègezhe, sìgeèt'ı̨ xè ehkw'ı agı̨ı̨wǫ. Nǫ̀htsı̨ ghàsǫgeedı eyıts'ǫ dǫ hazǫǫ̀ goghǫ nezı̨į̀ agı̨ı̨wǫ. Dzę taàt'eè gots'ǫ̀ K'àowo dǫ deɂǫ̀atłǫ gots'ǫ̀ ayehɂı̨ı̨ sìı edaxàgole.

‘Nǫ̀htsı̨ hadı, Nǫǫde dzęę̀ ts'ǫ̀ hawe nı̨dè sets'ǫ Yedàyeh Nezı̨ı̨ dǫ hazǫǫ̀ k'e ahłe ha. Wedahxà naxıza eyıts'ǫ naxıtì xàyagehtı ha. Naxıts'ǫ cheko gınazhıı xègaat'ı̨ ha, naxıts'ǫ eneèko nàgete ha.

Dǫ hazǫǫ̀ gıgha ehkw'ı-ahodıı sìı ełexè aget'ı̨, eyıts'ǫ t'asìı hazǫǫ̀ gıts'ǫ sìı ełèht'eè ełeghàgeedı. T'asìı gıts'ǫ sìı gıghǫ nàèdì, eyı sǫǫ̀mba t'à dǫ t'asìı wegha whìle sìı ts'àgedı.

Dǫ hazǫǫ̀ gots'ǫ̀ K'àowo ghǫ gınì nàtsoo sìı edaxàweetè ha,’ dek'eèhtł'è.

Gots'ǫ̀ K'àowo enıìyah t'à nììtłaa dzęę̀ kwe, sadeè xè togoòtł'ò agode ha eyıts'ǫ adzęzah edoò lade ha.