Versets bíblics populars de Ruka 10

Comparteix

Yisufa niqiqoo fasiqausa maqusa maqusa niniufaqa anireeqa firaaqoo asasamasee Yisuna qimamiqau. Oo karaambaiqa firaa ainaina faafasaaqa maasa ani auqu ramasee niqiqaunaqa doo faiqí naunduraindari raudamaki sandeea. Yisufa irisee qimanniminau eeoo qinee Sadanna qafeeqa mifa innaarunaindari aakuasaara foora maqasaa aqufinau. Innee iriaqa qinee afeeka inni nimunaqa sakanisaa fee farukasaa fee niku ramasaifanoo sia ukaqa nimiannoo inni namuqaa Sadannana oosana oosana afeeka fannoo sia inni naruannoo.

Yisufa faqa mina faiqi namufaqa marunara Maratafa naríara narana suqeenoo deedaqinoo imarufanoo aundura dapikufanoo Yisuna qimaminau karaambaiqa qini qinasaafa aiqama saika kadaapi qini kai qiminoo sia fee minara iridanee, qimaminanoo aniree dadaaqiani qufanoo Yisufa qimaminau oo Marata, Marata, ani oosana oosana narana suqaranara amuqusimarifanoo aundura dapiki marifana aaqee mariananoo. Anee moodaa narana suqaaqaana mifa amanaikinoo maridanoo ani anasaafa Mariafa andeeqara ainaina mareenoo Anutuna ufa reendeenamafinoo iridanoo, qinee sia mi ainainna minasaaqaraana rafiaanaura.

Mi fasiqafa iriseenoo Yisuna qimaminau, maa ufana asaana riqa, innee inneeqa nimuqusa nimana afeeka faqa irirana faqa mi tiana aiqamannai iriranannai faqa karaambaiqa Anutunara nidimarinaqa nimuqusiani. Kafaa maaqi qimasee moo asaana riqa anee aneenna aqoonausara aninna afaaqara foora misara aidinoo amuqusiani.

Marikinoo Yisufa faiqí moomoosa rusandeesamumaseenoo qaara kai qaara kai niqiqeenoo maaqanna maaqanna Yisufa narí fuaninnannai indaaru fuaqeera niqiqamaseenoo qimanniminau afuqakinaa nandi aiqi marianara foora tatafinoo rairaainoo maridanoo moomoo fasiqa anaasee maridaqa aiqu innaarunai quqeemariasa oodaa maridaqa. Innee suana akoofinnai innaaru qifanoo aiqifandinausa niminaqa dadaaqiqa suana aiquaqeera.

Yisufa mi ufana Reefina ati maru fasiqana qimamiseenoo irammirinau yafee aru fasiqana aqoónafa maridanoo fee qufanoo Reefina ati fannoo qinau, minara amuqusimari fasiqafa kai, qufanoo Yisufa qinau doo anee faqa fidana miqikai ia.

Doo fuaqa, qinee qini sipsipa aanaaqi kaaqa reendeenimariasa kaasau faini qambaanai inni niqiqaidaqa.