Versets bíblics populars de Ruka 12

Comparteix

Qinee inni faqa qimannimidaqa, innee faqa deedaqiqa mariaqa, qinee faiqí nimaaku innee sia qiniara aniannoo fee qimarifandinna kamuqoo aniraanaura.

Innee Anutuna ququsakinaa marirana irirana niqiniandamasee mi mau firanara naaree irifanoo Anutufa inni marira ainaina nimiannoo.

Miqi qimaseenoo quandafi faiqí anaasee minara qimanniminoo qinau, innee aiqama ainainara fanandiranara eerairiaqa. Faiqi anoona marirafa sia qumiasanasaa mundinoo maridanoommi.

Inni qumiasana mariqoo kai miqoo kai inni nimuqusa ubeekanoo mariannoo. Innaarunai kai qumiasana afeediaqa.

Innikiqari moo fannoo narí kuqiranara amuqusiranannai amanee narí marirana firarisamasee kisaaqasaa mariannoo fee, sia amanaikinaranoo.

Yisufa narí faiqi namu kaqi qimannimidanoo qinau, qinee faasai qimannimunna ufanara irisee maaqi qidaqa innee kaqi marira naranara sia nimuqusiani inneeqa nifaaqai afisimaria qamunnanara faqa sia nimuqusiani.

Inni nikiaqa asausi faqa Anutufa aiqamara iridanoo nisaana rumaqaisa mariafanoo ufini faqa inni nikiaqa asausi faqa fifau ainaina marifanoo rakisidanoo innee firaatia anoona ainaina mariafanoo inni feefauru uriqaranoo maridanoo amiqimasee innisaa rakisiannoo, minara sia rufia rufiaqiaqa.

Oo innee qini faiqi namu, innee qini aandau aanaaqi firimariasara foora mariafanoo sia rufiaaqa inni innaarunai nikoofa asasamasee innaaruna ququsa inni nimiraree qidanoo.

Kaammeesa qafaaqa mifa sia narana asumu ummaqidanoo sia narana aiqifa sia maaqa usakasee minaki afeedifa, Anutufa kai narana misa nimidanoo. Innee sia ufiniara foorau mariafanoo uriqarara ainaina mariafanoo inni faqa nimiannoo.

Minara irisee maasa nana narana fee nammari fee maqee maqee naanauree qimasee minara sia nimuqusiani.

Kaasau usau Anutufa kai misa qamunnara foora nimidanoo maqee kasidanoo duna ateekasee ida areemaria ainainafa maridanoo. Anutufa misa nimidanoo sia fee firaa ainaina tia inni faqa nimiannoo fee, nimiannoo. Innee Anutuna mandaaqarafa kaqikaafa kai maridanoo, fifau narana qamunnara nimuqusi mariafanoo.

Aiqama rafaaqafira ainaina kasooqaqee Anutufa aiqusaina akooqoo mariannoo aiqama kukeeqara ainaina faqa kasooqaqee kooroomafinoo akooqoo mariannoo. Farisai amaana ufa qimariasa qaaraikirana faqa kooroo iannoo.