Versets bíblics populars de Ruka 8

Comparteix

Raisa qaqama amiqira maqasaa aqufifa maaqimmidanoo, faiqí anaasee akaqausa Anutuna ufa irisee qumareeqa nári amiqira nimuqusaki ufa irisee eedoo qiranaki quqasee minaki maqeeiafanoo mariifa qaqama iraidanoo. Faiqí moo fannoo Anutuna ufa iriseenoo faiqí anaasee qimannimidanoo narí marirana faqa kooroo imarifa qaqama iraidanoo.

Raisa qaqama amuka faqaa ainainaki aqufifa maaqimmidanoo, faiqí anaasee akaqausa Anutuna ufa iriseeqa maqasaa adiafaaimari ainainara faqa oosana oosana qumiasana faqa munnimma maree mariana faqa ummaara narimari ainaina faqa amuka faqaa ainainara foora minasaa kukuqammafinoo radamifanoo adusa qaqama iraidanoo.

Raisa qaqama ooni amuaaqa maqasaa aqufifa maaqimmidanoo, faiqí anaasee akaqausa Anutuna ufa irisee sia naundurai meemaqoo iriaraasidaqa aaqee kai irisee nimanamasee qafara aukuana kambiqafifaqa misa minnisaidaqa.

Miqi qimaseenoo Yisufa quandafi narí faiqi namu niqinoo qinau, innee qini saqarikirana yai fee quqee fee sia marifaqa rufiee mariafanoo qufaqa misa aiqamausa naaquqoofaqa rufiaidaqa narí qimami narí qimami qidaqa qiqau. Maana yafasiqa fee maridanoo mifa ufaira faqa nammari amakauriranara faqa qimannimifaqa mina ufa irisee eedoo qimasee kasoomafia.

Raisa qaqama niku reemariaqoo aqufifa maaqimmidanoo, Anutuna ufa irisaafanoo manda afaanna fannoo misa naunduraindaraana ufiniarafoo ani namammaree fifaqa qini saqarikirana faqa asumu mariranasaa faqa ititaanifeera.

Yisufa kafaa qimannimidanoo qinau, faiqí moo fannoo qooma qumbiseenoo sia difaaninnai rafaaqa fuannoo, sia beeta ameemaanai quqaidanoo, faiqí anaasee mina maaqaki keeqafiqa amiqimasee qafaaqee qimasee qaindasaa diridanoo. Kasooqaqee faqa aiqama kukeeqara ainaina Anutufa kooroo iannoo aiqama rafaaqafira ainaina faqa Anutufa paqurimasee mareeqee akooqoo quqaannoo.

Miqi qufanoo mi anaaseefa oo doo qini qiqafeenoommifoo qimaseenoo aindiri aindiri ufanoo Yisuna aikuki maqasaa aqufinoo aiqamausa nifusaa narí auriranara faqa mina qamunna auqoonara faqa aurirafa aaqee kai taikoonara faqa kooroo inau. Yisufa mina ufa iriseenoo qinau, oo qini qiraamuna anee irirana qinisaa rusiannanara ani aurirafa taikeenoo, doo asooaranaki fua.

Yisuna faiqi namu Yisufinnai oonuree afauriqa qiqau, oo uriqararafa, uriqararafa, maasa doo ukuqnaidaqa kuqirarammidaqee qufanoo Yisufa findifinoo ufaira faqa nammariara faqa qaoo qufanoo kasooinoo firaaqoo dai qimafinau.