Versets bíblics populars de SAN LUCAS 23

Comparteix

Te níní jéē súcuan cúu, te ni cahān Jesús: Tátā, cone cáhnu ni ni núū de jíjnáhan de, chi tu cájini de na vé casáha de, áchí yá. Te soldado un ní casáha de sorteo jeē sɨquɨ́ ndese nihīn ɨɨn ɨɨn de sahma ya.

Yūcuán na te ni cahān Jesús jiín de: Jendaá cahán rī jiín ró jeē víjna te condee rō jiín rí nuū jardín andɨvɨ́, áchí yá.

Te ni cahān de jíín yá: Jesús, nucūhun ni ni sáña jéē quéjéé ní ndacu ní jniñu, áchí de.

Yūcuán na te ni cana jee Jesús: Tátā, naquihin ní ánuá na, áchí yá. Te súcuan ni cahān yā, te ni jihī‑ni ya.

Te ni jinūcoo de lugar nuū naní Yɨquɨ Xíní, te yūcuan ní cacata caa de ya jicā cruz. Te suni ni cacata caa de ndɨndúú tée ni casáha cuēchi xeēn un núū uū gā cruz, ɨɨn de lado váha ya, te ɨnga de lado jecó yá.

Te nuū ní cuu nájnūhun cahuxī uū, te ni cunee nɨɨ́ cáhnu nde cahunī. Te ni cujnúú níāndii. Te sahma ndíta caa jeē ndihyú cuarto iī ini templo cáhnu, ni ndatā‑ni sava sava.

Te tēe nación Roma jeē cúu capitán ni jito de jeē súcuan ni cuu, te ni cahān de jeē yóhyo cújéhnu Yaā Dios, te áchí de: Jendaá ndije jeē tée tú na cuēchi cúu tēe yáha, áchí de.