Versets bíblics populars de Jâŋ 21

Comparteix

Cùr ŋgáb yi taŋcáŋhȩ cɔɔ̀ŋ, Yésù ɨ́ fɔ̂ Sìmóŋ Píyéèr ɨnè: «Sìmôŋ, mwin Jáàŋ, ɗûnɨ́m wu ɗú mé ndóŋtɨ́ kɨ́ nùb lè du mɨ ɗúniì à?» Á Sìmóŋ Píyéèr ta: «I̧i̧, Kéké, wu ɗəəŋtɨ́ mɨ á wu ɗúnɨ.» Yésù ɨ́ tànà ŋgə́: «Gə́tɨm nùb du hȩ ndèɗúúb moò rè.» Á ŋgə́ fɔ́kwa kɨ́ gwì bɨrɨ́bí: «Sìmôŋ mwin Jáàŋ, wu á mɨ ɗúnɨ à?» Sìmôŋ Píyéèr ɨ́ tà: «I̧i̧ Kéké, wu ɗəəŋtɨ́ mɨ á wu ɗúnɨ.» Yésù ɨ́ tànà ŋgə́: «Gə́tɨm nùb du hȩ ndèɗúúb moò rè.» Á ŋgə́ fɔ́kwa kɨ́ gwì taarɨ́bí: «Sìmôŋ, mwin Jáàŋ, wu á mɨ ɗúmèɓànɨ à?» Píyéèr ɨ́ kpáícì nɨ́ tí àm Yésù fɔ́ ŋgə́ kɨ́ gwì taarɨ́bí: «Wu á mɨ ɗúnɨ à?» na rè, á Sìmôŋ tana ŋgə́: «Kéké, wu ɗəəŋtɨ́ nɨ́ɨ́b lâs, wu ɗəəŋtɨ́ mɨ á wu ɗúnɨ!» Yésù ɨ́ tànà ŋgə́: «Gə́tɨm nùb du hȩ ndèɗúúb moò rè.

Mɨ tana wu àmɨɨr wááŋ á: ɓwâ wu yi duye wàánjíí, wu yaá nyààŋnɨ gùr woò, wu a gì yɨ́ wu ɗúré, ɨ́dù ɓwâ wu ɓa kwéèniì, wu ɓa yààmnɨ ŋgáár á, nò kù a nyààŋnà wu gùr, ŋgə́ á gè wu yɨ́ wu du ɗúwa gìniì.»

Ŋgə́ ɨ́ tànà ŋgáb: «Wààréná mvɨ́njá péín ŋgáár lame, nyí ɓa bìnɨ á. Ŋgáb ɨ́ wààhácè mvɨ́njá, ɗàmcùhô̧ kɨ́ ɨ́ yɔ̂ ŋgáb ɓe yû həré yi yúk nóò.»

Sìmóŋ Píyéèr ɨ́ tànà ŋgáb: «Mɨ gɨnáyeé mɨ́ həréé yáà!» Ŋgáb ɨ́ tà: «Nɨ́m á gɨ̀ɓwênɨ.» Ŋgáb ɨ́ gì, ŋgáb ɨ́ lê kwáìn. Ɨ́dù sɨ́mnɨ̀r kɨ́ no, ŋgáb ɨ́ dù bɨ́ nɨ́m kù bɨ̀wá.