Versets bíblics populars de Màtíyò 13

Comparteix

Ɓwàá ɗisé ɗɔ̀ɔ́b nyɔ̧né du nùb du óknɨ kìn ɗà ŋgáb a gə́tè, ŋgáb a dù ɓwàá ɓa nàɓànɨ gum sàmàìn vɨríí ɨ́ cóóŋ, kɨ́ kù vii taarɨ́b, kɨ́ kù təmərì mwi̧ ndɨ a?.»

Nùb kù á fɨ́tîn ɓe lúúŋ ɓwàá ɗiré nóò, ŋgáb ya óktɨ́ kìn Mèèín, ɨ́dù mɨ̀lə́m ju nyɔ̧ɔ̧́ ɗàá hò̧neè ɓe njɔdì du ŋgáb mbáàŋniì á bɨ lámkɨ́nɨ kìn kɨ́, ɗà ŋgə́ a dù nɨ́ nɨ́m kù gòmcɨ̀r.

Ɓwâ kùb tana nɨ̀vɨ́tè kìn du ɓe ɨ́r Ŋgɔ̧́ɔ̧̀ Mèèín, ŋgə́ ɨ́ dù nɨ́ ókwa rɨ, nò kɨ́ á fɨ́tîn ɓe ɗɔ̀ɔ́b gín jɨ̀rì ɓwàá ɗisé yáà. Kí du nò ɓáŋhîn gotɨ́ ákɨ́nɨ kìn tɨ du nò kíì sumíì na á.

Nùb kù á fɨ́tîn ɓe ɗɔ̀ɔ́b ɓéhíì ɓwàá ɗisé yáà. Ɓwâ ŋgáb ók kìn kíì, ɓè mu̧u̧ ŋgáb a gàm ŋgə́ ɓe mɨ̀tù cúk. Ɨ́dù ŋgáb bɨ mbɨ́knɨ kìn kɨ́ cɨ́ɨ̀mndé ŋgábè sumí ɗàà. Ŋgáb á bɨ ŋgə́ ə́ə̀mhó̧ɗóònɨ mvókín ti ŋgób. Ɓwâ àm yəréé féínna ŋgábè, kɨ́ kù jábɨ́r ɓe ɨ́r Kìn Mèèín ndɨ, ɓè mu̧u̧ ə́ə́m ŋgábè a gù.

«Ŋgɔ̧́ɔ̧̀ Mèèín á fɨ́tîn ɓe njɔdì kù mwai kù no yo̧né. Nɨ̀ŋgwá kù kwatɨ́ njɔdì kɨ́, ŋgə́ ɨ́ yòkndôŋ tíí. Ŋgə́ ɨ́ ókɓà mɨ̀tù cei. Kí á ŋgə́ ya gi sə́rɨ̀kɨ́nɨ nɨ́ɨ́b noò lâs ɗà ŋgə́ ɨ́ gòcù gùnnɨ mwai kɨ́.»

Ɨ́dù íìb kù ya ɗiséé ɗɔ̀ɔ́b nyɔ̧né, ɗà ŋgáb ɨ́ pá̧à̧ɓà. Ɓáám kù ya natɨ́ íì təmərì, kɨ́b kù ɨ́ nà íì vii taarɨ́b; kɨ́b kù ɨ́ nàcê íì vɨríí ɨ́ cóóŋ.»

Mbɨ́knáam ŋgáb súwú lâs kpáné há̧á̧ hȩ nɨ́m ɓa ɓáànɨ cɔŋ mwa̧né. Ɓwâ kɨ́ á mɨ ɓa tànànɨ nùb ə́ré ɨnè: Sùùŋkɨ́náyàyè ɓwìn ɓáŋhîn, nyí a kwéì gaar gaar, nyí a tòŋkî. Cùr kɨ́ no, nyí a yúùrégì nàám mwa̧né mo kárȩ́ȩ́.› »