Versets bíblics populars de Yuhanna 15

Comparteix

Min woni inabohi, onon on lice. Mo tabiti nder kawtal bee am, min boo mi tabiti nder kawtal bee muuɗum, kaŋko o waɗan nafuuda. Ammaa to on ngondaay bee am, on mbaawataa waɗugo koo ɗume.

Tabite nder kawtal bee am, nden kam min boo mi tabitan nder kawtal bee mooɗon. Bana no lisal inabohi rimataa ɓiɓɓe, sonaa to ngal hawti bee inabohi, bana non onon boo, on mbaɗataa nafuuda sonaa to on ɗon tabiti nder kawtal bee am.

To on ɗon tabiti nder kawtal bee am, bolle am boo ɗon tabiti nder mooɗon, tore ko on ngiɗi fuu, on keɓan ɗum.

Naa onon cuɓi yam, ammaa min suɓi on. Mi suɓi on, mi yowani on kuugal, ngam haa on njaha, on mbaɗa nafuuda, nafuuda mooɗon boo tabita, ngam haa ko on ƴamata haa Baabiraawo bee innde am fuu, o hokka on ɗum.

Walaa yiide ɓurata nde'e: Goɗɗo hokka yoŋki muuɗum ngam soobiraaɓe muuɗum.

Lisal koo ngale haa am ngal rimataa ɓiɓɓe, o ta'an ngal. Ammaa lisal dimanŋgal ɓiɓɓe, o mo'inan ngal haa ngal ɓesda rimugo ɓiɓɓe fahin.

Ndaa umroore am: Ngiɗindire bana no mi yiɗiri on.

Ndaa ko teddinta Baabiraawo am: On mbaɗa nafuuda ɗuuɗka, on laato pukara'en am.

Yeesu tokki wi'ugo: “Min, mi inabohi gooŋgahi, Baabiraawo am woni jawmu ngesa.

To goɗɗo tabitaay nder kawtal bee am, o wudinteeɗo yaasi bana lisal ta'aaŋgal, ngal yooran, nden ɓe koocan ngal ɓe ngudina ngal nder yiite, ngal wula.

Mi wolwani on ɗum bana nii ngam haa seyo am wona nder ɓerɗe mooɗon, seyo mooɗon boo heewa.

To on ɗon njogo umrooje am, on tabitan nder yiide am, bana no min boo mi jogori umrooje Baabiraawo am, mi ɗon tabiti nder yiide maako.

Ngiɗindire, kanjum mi umri on.”

To on laatino ɓe duniyaaru, ndu yiɗanno on ngam on yimɓe maaru. Ammaa nde nii on laataaki ɓe duniyaaru, mi suɓi on, mi wurtini on diga duniyaaru, ngam maajum, duniyaaru ɗon wanya on.