Versets bíblics populars de YOHAAN 14

Comparteix

Moŋḵu’th is dhalkika/ um mo. Moŋḵu’th is pem c̱ikika/ um mo. Yisa me’d jin c̱inu ’kwaniny’cesha, aha/ c̱ikina um a’di mo. Dhalka dum bum ki dhu ki mur mo walla dhalku/ ki dhu uni ka ḵo/ is mo.

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

Dhalku/ ki dhu adum bum ki mur mo ma. Gami um gwo is eya Arumgimis mo dhali gami aha/ gwo is si’da/ mo.

Hili ka Manmalas jin ta Shi/in Dheleladhelel mo, a’di jin min ma Babam pem hashu/ ki gway pem mo tani a’di midi ṯor um gwo ’baar mo dhali midi ka um gwo e ’baar mo kun ṯorkika/ um mo be.

A’di jin ta gi gwoŋḵan pem kun ’kwarkunu mo dhali jin dhu uni mo tani a’di be ita ji gi eni aha/ mo be. Dhali a’di jin eni aha/ mo tani a’di min ma Babam pemi en mo dhali aha/ mina en a’di mo dhali ṯor a’di is pem i e eya tente/ mo be.

Dhali aha/ mina doṯa Baba mo dhali a’di midi c̱i uma Manmalasa kamu/ mmodi e um ki sule/ sule/ mo be, isi a’diyi jin ta Shi/in gi gwoŋ gana/ mo, a’di jin molkina ’kwaniny’cesh bu’th mo haali/ uni ’koki mish a’di mo walla ’koki nyiṯẖ a’di mo. Um mishki a’di mo haali/ a’di c̱a’bki’d nyaḵki um mo dhali midi di e um mo be.

Ma to yin jin mina umi doṯ ki gway pem mo tani aha/ mina mii a’di mo, ka Baba minu kar ca eya tente/ e Ya/ mo be. Waḵki/ um mini doṯ aha/ ton tiya ki gway pem mo tani aha/ mina mii uni mo be.

Waḵki/ um eni aha/ mo tani um mini dhu gwoŋḵan pem kun ’kwarkunu mo be.

E gu’b ma Babam pem mo tani mo jin minu ’ko tana ris mo. Waḵki/ a’di midi ’taki diki wakan mo tani a/miga/ ’taki ṯor um gwo ki aha/ yana ya mo mmothoson mo gom uma?

Dhali ki aha/ mina ya mo dhali thoson um mo tani aha/ mina doḵu/ doḵ/e dhali ’do um nyaḵki aha/ mo ki mo yin jin miga/ di nycine/ mo tani a’di imina umi ’ko si’da/ mo be.

Ṯuuma ki o a’di gwo mo ki: Tap̱a, aman ’konaki mish mo jin yana /e iya mo. I/aman misha bway imana?