Versets bíblics populars de HECHOS 2

Comparteix

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Jare güɨramoiño oyeendu jɨapu ou ara güi ɨvɨtu täta oyepeyu vae rami. Täta jɨapu jókuae o ñogüɨnoia pe. Jare oyekuaa chupe reta tataendɨ rami vae, jókuae ogüeyɨ metei vae ñavo re. Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve, omboete reta Tumpa, jare opaete vae reta ipɨakatu jese reta. Jare ara ñavo yandeYa omoïru jae reta ndive oyemboasauka vae reta.

‘Jare ara reta taɨkuegua pe, jei Tumpa: Ambouta cheEspíritu opaete vae reta pe. Peraɨ reta jare perayɨ reta omombeuta cheregua. Jare kunumi reta oechata Tumpa oechauka vae jare indechi vae opaɨuta.

Jare opaete oporogüɨrovia vae reta oyemboatɨ, jare opaete imbaembae reta metei ramiño güɨnoi reta. Omee imbaembae reta, jare omboyao jepɨgüe mbaetɨ mbae güɨnoi vae reta pe.

Ërei opaete oyerure cheve omborɨ vaerä vae reta oyemboasaukata ko.’

Kuaraɨ oyembopɨtumimbita, jare yasɨ oyeapota tugüɨ rami, ndei cheporojäa iara oväe mbove. Jókuae ara opaete vae ipɨakañɨta ko.