Versets bíblics populars de Matiu 5

Comparteix

Apan dun mega ire ware karaua unup ninokap ya baraeta. Go dun aroga baraepi ame gapan waenapan pa gwanape iravi ganat muneta. Ap umap, ganat ega waenapan inamup ganase wap, ame gapan mu kakaewa ega taianawa yavepi mamaya kimani wandini mu wa taragatain.”

E piup ma ganat megawa. Sewa baware da awana tune gungunu ya wanumoin go pa iravi aroga yaviwanumain.

Potamu nenengawa nagirewa, God wat aipakam mega wariwanum, evi amba mu God yawain.

Waenapan tamana tapen menan, imu pose kanda mutane taine nagirewa, God wat aipakam mega munep umamup tamota.

Go ne sia aigap wadiaivin anavi ega munan anu guran. Amba ta koeragam imaine nagirewa munan God inap mup wan.

“Guewa gapan dai momeni nagirewa, God wat aipakam mumiwan, toemu kimaniwa amun megawa iravi mugawa di.

God menan nonup baigan barine nagirewa, God wat aipakam mega mu inamup, iwa God otu waiwa diamota.

God wat aipakam megawa, irip turup waine nagirewa mugawa, iwa mu wabibigam mumeta.

God menan inak tamana taine nagirewa, wa koeragam mumiwanumune menan, God wat aipakam mumiwan, toemu kimaniwa amun megawa iravi mugawa di.

Waenapan munan bagu sisi anuine nagirewa, God wat aipakam mumeta, God gare munan bagu sisi anuta.

Waenapan nenan nipep diae wa koeragam imaepi nop koewa ugup ugup inayap aopan wapi ame gapan aton anun amba God wat aipakam imaeta. Menan daramuya wap, aton tan, iwa kiman gapan garewa ega arita. Ap mini, e umayap, wataget God no oise waiwanumune nagirewa wa koeragam mumane.”

Imua ae bigaren taine nagirewa, God wat aipakam megawa wariwanum, iwa mu piup ma yon borain.

Iesu sia anega wan, “Taba siuran den natawa dansewa da di, ap mini sia e piup ma siuran megawa, go siuran dansewa mega ni nen sepiwa, e anenen tane amba dansewa sia wata? Ame umap uon, siuran ame denanu mini ae damagep, waenapan tau gagap amuin.

Ap menan kakaevet tan, e Mamaya kimaniwa kakaevet taini mini.”

Menan agi tavewa wandepiwa, tave di wapen, amba agi tave uon wandepiwa ame uon di wapen. Ame use aigapewa da sia wawa, ame Seitan arok wana taueta.”

Iesu sia wadiamon, “Watageta nagirewa anega wane, e anuyan. Apan da evene yame make warupepi, gare yone evenewa yame make warupep. Evene no done to bunaepi, gare yone evenewa no done to bunaep. Mu ap anega wan. Go ne sia aigap wadiaivin, waenapan da inagap koewa tapi garewa ya tane. Orup da nawanegap togepi gare ya ta go nawanega yamu entane sia togep.

Menan yamaga nutup nauge aep koewa tawa, ae ma warup aipa uat ena aep. Etuga semua da wakaumawa ame kakae di, iwa ap ya tawa ge tawaga uruga oma meravewa gapan uat enagain. Amba naniga nutup wat nauge ae koewa tapiwa, to ketnak aipa uat! Naniga ame wakaumeawa ame kakae iwa ap ya tawa ge tawaga uruga oma meravewa gapan uat enagain.”