Versets bíblics populars de Jonɨ 17

Comparteix

Gɨmɨre wawɨnya'na nayaa yɨpɨ'de'na sahwara tewaanyara gɨrɨka maayara nebulyaburɨ yɨma'nɨpɨka! Gɨmɨre yagaalya' nebulyasɨra. Yagaala sa' wɨdɨwesɨ.

Yuyagaa' yuyagaa'ne gaala sabwi daresɨra. Gotɨya Nebulyaigɨ Nawɨ'nya gaveigɨnyɨjɨ Jizaazai Kɨraazɨtɨyarɨ wɨdasaabahɨnyarɨjɨ yawɨramaata'nesɨra. Sa' yuyagaa' yuyagaa'ne gaalyabulyɨra.

Nɨmɨrera sahwara gaveraavɨ Gotɨyaigɨnyɨ magyɨwaarayɨwa. Aawa. Dɨvi kumɨ pwaraavɨ nɨmɨnyɨna wɨdɨna kyapɨjɨ kumɨre yagaalyavɨ nyɨlɨmwabɨ'dera kwaraavɨnajɨ yawɨrena gɨthɨwa. Nɨmwai, ‘Yuyara avaalyara mwaaibɨka!’ dena gyɨwaara'manɨge. ‘Gɨmɨnyɨ wɨlagɨmwaaihe', nɨmɨnyɨ wɨlanyɨmwaaihɨnyabaaibɨ' avaalyara mwaaibɨka!’ dena gɨthɨwa. Nabaai, ‘Kwaakevakɨ mwaalyara dara lɨmwabɨ'de'na “O, Gotɨyai Jizaazarɨ wɨdasaabakelyɨra,” sara lɨmwabɨka!’ da'gɨzɨ ‘Naarɨmɨnyɨ wɨlanehɨmwaaibɨka!’ dɨthathe'na ‘Avaalyara mwaaibɨka!’ dena gyɨwaara'manɨge.

‘ “Nɨmɨreraavɨ kayaaka nyɨgaibɨthɨka!” dena kwaaka davakɨdaa'nyɨ dɨmakilaawa!’ magɨzɨvanɨge. Aawa. ‘Kayaa'nanaangei Saataanɨ kayaaka nyadɨka! Davakɨ nɨmɨrera mwaaidapɨjɨyaraavɨ dɨmaredaaka!’ Sara gyɨwaara'manɨge.

‘Naarɨmɨ avaalyainaai mwaaiholabaaibɨ' sahwara avaalyara mwaaibɨka!’ dena byaannya' mena nyɨjaavagɨnya sa' wɨjaawa. ‘Kumɨnyɨ wɨlamwaalɨma! Nɨmɨnyɨ kuna dulanyɨmwaala!’ gɨthɨwa. Gɨmɨ nyɨdasaabahɨ. Nabaai gɨmɨnyɨ nɨmɨnyɨna tewaanya gɨvu'nadevaaibɨ' kumɨnyɨna gɨvu'naderera. ‘Yɨ Kwaakevakɨyara sare' yawɨpɨka!’ dapɨjɨ ‘Sahwara avaalyaraavɨ yune'na wɨmwaaihaka!’ dakwoihɨjɨ kumɨnyɨ wɨlamwaalɨma! Nɨmɨnyɨ kuna dulanyɨmwaala!