Versets bíblics populars de Jonɨ 19

Comparteix

Sarevɨdaa'nyɨ mi'na dɨhaihɨrakɨna yesagaa' Jizaazai waainɨya' yaamɨjɨ nyɨna yaka wɨdɨna “Yuya menanyɨra.” Gannya mɨnyagɨnya' tuta'naraka gannya kuryai wɨmwangɨmwaaihɨna ya'.

Sagaa' Jizaazai dara yawɨrake' “Yuya mena daaka!” Sara kada' Gotɨyai “Nɨmɨre Bukuya' dɨnɨke' yuneba nebulya'na yɨma'nana!” kada' wɨdɨna “Aalya'na mɨjɨka nyɨwaka.”

Sarevɨdaa'nyɨ Jizaazai tɨnna wanganna. Nabaai gamɨrerɨna tewaanya wɨvu'nakei saba daa'dɨ'nyɨ tɨnna wanganaka ganaangevɨ sarɨna wɨdɨna “A'mwe'gɨ, yɨthaa, sai jɨvwaalɨvaangelyɨ.” Wɨdɨna yaka gannyarɨ wɨdɨna “Yɨthaa! Dahaa' a'mwe sa' gɨnnya gwaangesɨ.” Sara wɨdɨna yakegaa'daasɨ gannya angevɨ a'mwe savɨ maremwaala'.

Sɨvɨla tɨngɨ'na kye' pɨrɨ' daresɨ. Jizaazaryawɨnna bɨna yeva dara wanganesa' “Ai, a'mwe sai mena davaimwaka!” Sara deva gamɨre sɨvɨlyaraai marɨngɨrina. Aawa. Gamɨre sɨvɨlyaraai marɨngɨri kye' kɨrɨ' aawɨlata pwai Jizaazare lɨgɨlɨgɨsaba sɨramɨnya saamɨnyasɨ lɨvadaakuna. Sɨramɨnya' lɨvadaakuna kya' yɨme'nya'bɨ' tawesɨ aalyasɨ bwalaravaawɨna ya'.

Sare' dare'nesɨ. Sɨnnawɨ Gotɨyai “Nɨmɨre bukuya' dɨnɨke' yune'na nebulya'na yɨma'nana!” kada' aawɨlasara sara ye'. Dara dɨnɨ' “Gamɨre yagɨnya aane pɨrɨ' kɨrɨ' marɨngɨri yadesɨra.” Nabaai Gotɨyare Bukuya gabinyaba dɨnyɨna “A'mwera pwarɨ sɨramɨnya saamɨnyasɨ lɨvadaakwapɨjɨ sarɨ tɨnna wangabɨ'delyɨ.” Sara dɨnɨkesɨ.

Jizaazarɨ makwalyuna yadɨvɨ' sai gannya yɨsawa' yɨkwa'na yaka Gɨlemɨnyagɨnyaba wo'nɨkewɨnna makuna. Saba Yɨvɨruyagaalya' Golɨhota wo'nɨkesɨ.

Mena tamɨna yeva taanya lannaka kave gɨhɨpaina yeva yamɨngaina yeva mwaaihɨ'nya lannake' gamɨre mɨnyagɨnyavɨ yɨlakɨna. Gamɨre mɨnyagɨnyavɨ yɨlakɨna yeva kwaabɨyɨvɨta wayaake' egwewaarɨ yewaa'bwa'na yeva