Joni 7
7
Jesuho 'Ee Huni 'U'uhipuni Vu'a
1Ijihuni túna'i Jesuho Karari 'urahonana kaivo Hu Jutia pava'ajihuni maijaho Juapo Hu 'ana'i savajihuna'e pava'ana. 2Iviamai Jua puni harai ara vejuri veijaho niroe turanana. 3'Ejumakame Huni vwehipo Hu ijá 'wava Ike kwaa kakaho are'ika'i roe Jutia va'a. 'Ejakamareje oni tisaiporu 'u'o raka ka'ene Ara venujaho pu hena kahuna. 4Ea irara ea mapoka'e hena kahuna'e ura renujaho hu hema uneunecha pavenuna. 'Enakúne Ara iraka ka'ene venujaho ea mapokakija najaha 'wavara. 5Ijihuni maijaho Huni vwehija 'u'o niho'o Hu panimaa rojajihuna'e avajara. 6'Ejume Jesu pu ijá 'iama Nuni vea mai'o paroi'ina kaivo joni vea niroana. 7Mwe'a kakaho ja kimujaho pasemu kaivo Na semu. Ijihuni maijaho Na hine 'waravujaho raka ka'ene hura venujaho sisea 'wavukame avanu. 8Nuni vea mai'o paroi'ini jihuna'e ijí ahaja iju kajaho Na iviamai pavu'ejukúne jajasu va'avara 'iamana.
Jesuho Harai Ara Huni Vei Rejume Va'ajina
9Hu ijá 'wara'i kaivo Hu ijí Karari hinana. 10'Enakaivo Huni vwehija ijí ahaja ija kaji va'umakivi'i Hu 'u'o huhusu ijí hemi 'aji 'e'une va'ana. 11'E'eme Jua Hu sora ijari vaja kajino samapene oji'i ijá 'wava Hu ichihune? 'wavara. 12Ea mapoka Hunijihuna'e rone natohwa su'arama apene ojara. 'Ejumakivi'i ea 'aho'a ijá 'iava Hu ea maa maa 'iavara. 'Ejume ea 'aho'a ijá 'wava Pana Hu ea mapoka'e aherame pisivie ani va'u 'iavara. 13'Enakaivo ea 'aho'a Jua juhamareja niho'o samaumai Hu parona 'wavara. 14Ahaja ni'ina rira re'eme Jesu va'e Temiporu vaji aneja vene najahana. 15Jua Hura 'warama kaji pu henareja oja hiana'eme ijá 'wava Ike eakaho Hu sikurua pavenana kaivo Hu ichá'ina he paranane? 'wavara. 16'Ejume Jesu ijihuni hahi puni eha vene ijá 'iama Nara uneka ka'ene najahujaho Nuna pana kaivo Godi ka'ene Na ranamiume roujihuna. 17Ea irara Huni ura ijí ve'i ve'amajaho Na raka ka'ene najahu jihuni maijaho hu hehuna. Ijí Nara najahu kajaho Godoni rena roana'e re'amajaho ijá hehune 'ee nuni vwiha'e 'wara'ujaho ijá hehuna. 18Ea pina hu huni vwiharu 'waramujaho hu ura ea natohwa re'i 'ahau'e avanu. 'Enakaivo ea irara Godi ka'ene Na ranamiume rouji ta'arohujaho hu niho'o nimaa ariramaa'e 'ee sisea pa'ana. 19'Ú Mosisi tamana ja pavajihane? 'Eju'e 'ú ja ea pina niho'o tamana kajaho pavenune? 'Enakaivo ja irakijihuna'e Na 'ani'iro sarivo? 'iamana. 20Eaka mapoka kajipo eha vene ijá 'wava 'Avena sisei A ajimana'e kavu. Irara A 'ana'iro veno? 'wavara. 21'Ejume Jesu eha vene ijá 'iama Nara unenu'u pina natohwa vejume ja kavajihuna'e ja oja hwa'usahauna. 22Mosisira ja joni harihija sisa 'uhua'avarono 'waramana. Ijaho Mosisi niho'o pamihana kaivo emahu jopuna. 'Ene Sapati veijaho ja ea sisa 'uhuahura. 23Ja Sapati ea sisa 'uhuahujaho nijina 'wavuri jihuni maijaho Mosisi oni tamani jihuna'e avajura kaivo ijí ea kaji Sapati Na vejume sonanajaho ja rakijihuna'e ajinamo? 24Ja pamajikari nama'avara kaivo nimaa nimaijiru nama'avara 'iamana.
'Ú Hu Kerisone?
25'Ejume Jerusaremi ora 'ahopo ijá 'wava 'Ú ikaho Ea ka'ene 'ana'irono savujine 'wavare? 26Irakijihuna'e Hu samaumai namina 'waramo? 'Eju'e ea pina unenu'u pina pavetio? 'Ú núni ea mama'ina ikaho nimaa Keriso pu nihena kavu raka? 27'Enakaivo ea ikara kwaa ka'ene rena roajaho nú nihejura. 'Enakaivo Kerisora ro'amajaho Hu ichá rena roujaho ea 'aho'a niho'o pahehuna 'wavara. 28'Ejume Jesu ajira Temiporu vaji najahe 'umeji'i ijá 'iama Ja Na nihena kime 'ee Nara rena roujaho ja niheju. 'Enakaivo Na Nuna'e 'wara'i 'ahie rohuna pana kaivo Godi ka'ene Na ranamiume roujaho nimaa nimai ja Hu pahene pakavura. 29Na Hu hena kavura. Ijihuni maijaho Hura Na ranamiume Na Huni rena routa 'iamana. 30Pu 'unama ka'ene Hu ape 'anahuniji savara kaivo ea pina huni ija Huni haha 'aha paranava jihuni maijaho Huni vea mai'o paroa jihuna'e avajara. 31'Ejumakame ea mapoka Hu nimaa rojara. 'Ene pu ijá 'wava Vea ka'ene Kerisora ro'amajaho Hu uneunecha mapoka Eakara venujaho asima kaha'aja ve'ena raka? 'wavara.
Sorutia Irechamiume Jesu Kamo'i Va'ajina
32Parasi ijipo hiji'i he'eme ea mapoka hine Hu rona 'wavara. 'Ejumakame Parasi 'ee pirisiti mama'inijipo sorutia irechamiume Hu ape'iro va'ara. 33'Ejume Jesu ijá 'iama Na ja pu'úmo ma'uako hinareje Na kú'o Godi ka'ene Na ranamiume roujihuni vahuna. 34Ja Na sari'avajaho pakihuna. 'Ene Nara hi'ujaho ja pavu'ajihuna 'iamana. 35'Ejumakame Juapo ijí 'wama apenoji'i ijá 'wava Hu ichihi va'akame nú pakahuna 'úmo? 'Ú Hu va'e Jua ka'ene Kuriki puni vaji hijujihipuni va'areje Kurikia naja'ena? 'wavara. 36Pu ijá 'wava Vu'a ka'ene Hu ijá 'warumajaho ja Na sarihuna kaivo pakihuna 'ee kwaa ka'ene Na va'ujaho ja pavuhuna 'úmujihuni maijaho irake? 'wavara.
Majama Hihuni Toa
37Ahaja ijari vea ni'ina ka'ene túchamaijaho pa'are'iro ve'eme Jesu nami'ika'i ajira 'umena ijá 'iama Ea irara toa hua'amajaho hu Nuni roe Na mahe i'amana. 38Godoni iri nitama ijá 'warumana. Ea irara Na nimaa ronujaho huni oja vaji toa ka'ene majama hihunijaho hirame arihuna 'iamana. 39Ijaho Hu Godoni 'Aveniji'i rone 'warama avanana. Ea irahipo Hu nimaa nimaa ro'avajipo pu Godoni 'Avena kajaho apehuna. 'Avena kajaho mai'o paroi'ina. Ijihuni maijaho Jesu mai'o pavai'ini jihuna'e paroana.
Emapuni Vajijaho Ahaamajina
40Ea mapoka kajihipuni vaja kaji ea 'ahopo he'eme ijí 'waravuma henareja pu ijá 'wava Nimaa Ea ikaho Poropeti 'wavara. 41'Ejume ea 'aho'a ijá 'wava Hu Kerisona 'wavara. 'Ejume 'aho'a ijá 'wava Keriso ichá'ina'e Hu Karari rena ro'ena? 'wavara. 42'Ejume ei pini ijá 'iama 'Ú nitama Godoni Irijara ika'ina'e pa'waramane? 'Ú Kerisoho Teviti oni amuja'omo Petirihemi Teviti oni arijino nahehune? 'iamana. 43'Ejume ea mapoka Huni hahijihuna'e ahaama hijara. 44Pu ea 'aho'apo ura Hua'e ape 'ana'i 'ahiara kaivo ea pina Hu ija pa'unavara.
Jua Puni Mama'inijipo Panimai Rojujina
45'Ejume hirisima pu kú'o 'uname Parasi 'ee pirisiti mama'ini jihipuni va'ume pu ijá 'iava Ja rakijihuna'e Hu paapena roare? 'iavara. 46Hirisimapo eha vene ijá 'iava Ea pina ike Ea ikara 'warumu ka'ina pa'warumuna 'iavara. 47Ijí Parasi kajipo eha vene ijá 'iava Hu ja 'u'o papisimiane? 48'Ú ea mama'ina 'aho'a 'ee Parasi 'aho'a Hu nimaa rojure? 49'Enakaivo ike ea kijahija Mosisi oni tamana pahena pavejura'omo ijihuni hahi pu eha sisea apehuna 'iamana. 50Nikotimasiho ea pina ka'ene na'i va'e Jesuho kamajina. 'Ena'omo hura pu ijá 'iama 51Núni tamana ea unekaka hu venujaho maraku huni ira hene hu raka ka'ene venujaho kamare'e iji'a túna'i 'otua vetiura 'aho ichá vejure 'iamana. 52'Ejume pu eha vene hu ijá 'wava A 'u'o Karari ore? Ijinakúne va'e Godoni ira vaji rasama taha ka'amana. Poropetia pina Karari pa'urihuna 'warumana 'wavara. 53'Ejume ea mapoka kajija 'uname puni ari va'ara.
S'ha seleccionat:
Joni 7: mcq
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 1999, Wycliffe Bible Translators, Inc. All rights reserved.
Joni 7
7
Jesuho 'Ee Huni 'U'uhipuni Vu'a
1Ijihuni túna'i Jesuho Karari 'urahonana kaivo Hu Jutia pava'ajihuni maijaho Juapo Hu 'ana'i savajihuna'e pava'ana. 2Iviamai Jua puni harai ara vejuri veijaho niroe turanana. 3'Ejumakame Huni vwehipo Hu ijá 'wava Ike kwaa kakaho are'ika'i roe Jutia va'a. 'Ejakamareje oni tisaiporu 'u'o raka ka'ene Ara venujaho pu hena kahuna. 4Ea irara ea mapoka'e hena kahuna'e ura renujaho hu hema uneunecha pavenuna. 'Enakúne Ara iraka ka'ene venujaho ea mapokakija najaha 'wavara. 5Ijihuni maijaho Huni vwehija 'u'o niho'o Hu panimaa rojajihuna'e avajara. 6'Ejume Jesu pu ijá 'iama Nuni vea mai'o paroi'ina kaivo joni vea niroana. 7Mwe'a kakaho ja kimujaho pasemu kaivo Na semu. Ijihuni maijaho Na hine 'waravujaho raka ka'ene hura venujaho sisea 'wavukame avanu. 8Nuni vea mai'o paroi'ini jihuna'e ijí ahaja iju kajaho Na iviamai pavu'ejukúne jajasu va'avara 'iamana.
Jesuho Harai Ara Huni Vei Rejume Va'ajina
9Hu ijá 'wara'i kaivo Hu ijí Karari hinana. 10'Enakaivo Huni vwehija ijí ahaja ija kaji va'umakivi'i Hu 'u'o huhusu ijí hemi 'aji 'e'une va'ana. 11'E'eme Jua Hu sora ijari vaja kajino samapene oji'i ijá 'wava Hu ichihune? 'wavara. 12Ea mapoka Hunijihuna'e rone natohwa su'arama apene ojara. 'Ejumakivi'i ea 'aho'a ijá 'iava Hu ea maa maa 'iavara. 'Ejume ea 'aho'a ijá 'wava Pana Hu ea mapoka'e aherame pisivie ani va'u 'iavara. 13'Enakaivo ea 'aho'a Jua juhamareja niho'o samaumai Hu parona 'wavara. 14Ahaja ni'ina rira re'eme Jesu va'e Temiporu vaji aneja vene najahana. 15Jua Hura 'warama kaji pu henareja oja hiana'eme ijá 'wava Ike eakaho Hu sikurua pavenana kaivo Hu ichá'ina he paranane? 'wavara. 16'Ejume Jesu ijihuni hahi puni eha vene ijá 'iama Nara uneka ka'ene najahujaho Nuna pana kaivo Godi ka'ene Na ranamiume roujihuna. 17Ea irara Huni ura ijí ve'i ve'amajaho Na raka ka'ene najahu jihuni maijaho hu hehuna. Ijí Nara najahu kajaho Godoni rena roana'e re'amajaho ijá hehune 'ee nuni vwiha'e 'wara'ujaho ijá hehuna. 18Ea pina hu huni vwiharu 'waramujaho hu ura ea natohwa re'i 'ahau'e avanu. 'Enakaivo ea irara Godi ka'ene Na ranamiume rouji ta'arohujaho hu niho'o nimaa ariramaa'e 'ee sisea pa'ana. 19'Ú Mosisi tamana ja pavajihane? 'Eju'e 'ú ja ea pina niho'o tamana kajaho pavenune? 'Enakaivo ja irakijihuna'e Na 'ani'iro sarivo? 'iamana. 20Eaka mapoka kajipo eha vene ijá 'wava 'Avena sisei A ajimana'e kavu. Irara A 'ana'iro veno? 'wavara. 21'Ejume Jesu eha vene ijá 'iama Nara unenu'u pina natohwa vejume ja kavajihuna'e ja oja hwa'usahauna. 22Mosisira ja joni harihija sisa 'uhua'avarono 'waramana. Ijaho Mosisi niho'o pamihana kaivo emahu jopuna. 'Ene Sapati veijaho ja ea sisa 'uhuahura. 23Ja Sapati ea sisa 'uhuahujaho nijina 'wavuri jihuni maijaho Mosisi oni tamani jihuna'e avajura kaivo ijí ea kaji Sapati Na vejume sonanajaho ja rakijihuna'e ajinamo? 24Ja pamajikari nama'avara kaivo nimaa nimaijiru nama'avara 'iamana.
'Ú Hu Kerisone?
25'Ejume Jerusaremi ora 'ahopo ijá 'wava 'Ú ikaho Ea ka'ene 'ana'irono savujine 'wavare? 26Irakijihuna'e Hu samaumai namina 'waramo? 'Eju'e ea pina unenu'u pina pavetio? 'Ú núni ea mama'ina ikaho nimaa Keriso pu nihena kavu raka? 27'Enakaivo ea ikara kwaa ka'ene rena roajaho nú nihejura. 'Enakaivo Kerisora ro'amajaho Hu ichá rena roujaho ea 'aho'a niho'o pahehuna 'wavara. 28'Ejume Jesu ajira Temiporu vaji najahe 'umeji'i ijá 'iama Ja Na nihena kime 'ee Nara rena roujaho ja niheju. 'Enakaivo Na Nuna'e 'wara'i 'ahie rohuna pana kaivo Godi ka'ene Na ranamiume roujaho nimaa nimai ja Hu pahene pakavura. 29Na Hu hena kavura. Ijihuni maijaho Hura Na ranamiume Na Huni rena routa 'iamana. 30Pu 'unama ka'ene Hu ape 'anahuniji savara kaivo ea pina huni ija Huni haha 'aha paranava jihuni maijaho Huni vea mai'o paroa jihuna'e avajara. 31'Ejumakame ea mapoka Hu nimaa rojara. 'Ene pu ijá 'wava Vea ka'ene Kerisora ro'amajaho Hu uneunecha mapoka Eakara venujaho asima kaha'aja ve'ena raka? 'wavara.
Sorutia Irechamiume Jesu Kamo'i Va'ajina
32Parasi ijipo hiji'i he'eme ea mapoka hine Hu rona 'wavara. 'Ejumakame Parasi 'ee pirisiti mama'inijipo sorutia irechamiume Hu ape'iro va'ara. 33'Ejume Jesu ijá 'iama Na ja pu'úmo ma'uako hinareje Na kú'o Godi ka'ene Na ranamiume roujihuni vahuna. 34Ja Na sari'avajaho pakihuna. 'Ene Nara hi'ujaho ja pavu'ajihuna 'iamana. 35'Ejumakame Juapo ijí 'wama apenoji'i ijá 'wava Hu ichihi va'akame nú pakahuna 'úmo? 'Ú Hu va'e Jua ka'ene Kuriki puni vaji hijujihipuni va'areje Kurikia naja'ena? 'wavara. 36Pu ijá 'wava Vu'a ka'ene Hu ijá 'warumajaho ja Na sarihuna kaivo pakihuna 'ee kwaa ka'ene Na va'ujaho ja pavuhuna 'úmujihuni maijaho irake? 'wavara.
Majama Hihuni Toa
37Ahaja ijari vea ni'ina ka'ene túchamaijaho pa'are'iro ve'eme Jesu nami'ika'i ajira 'umena ijá 'iama Ea irara toa hua'amajaho hu Nuni roe Na mahe i'amana. 38Godoni iri nitama ijá 'warumana. Ea irara Na nimaa ronujaho huni oja vaji toa ka'ene majama hihunijaho hirame arihuna 'iamana. 39Ijaho Hu Godoni 'Aveniji'i rone 'warama avanana. Ea irahipo Hu nimaa nimaa ro'avajipo pu Godoni 'Avena kajaho apehuna. 'Avena kajaho mai'o paroi'ina. Ijihuni maijaho Jesu mai'o pavai'ini jihuna'e paroana.
Emapuni Vajijaho Ahaamajina
40Ea mapoka kajihipuni vaja kaji ea 'ahopo he'eme ijí 'waravuma henareja pu ijá 'wava Nimaa Ea ikaho Poropeti 'wavara. 41'Ejume ea 'aho'a ijá 'wava Hu Kerisona 'wavara. 'Ejume 'aho'a ijá 'wava Keriso ichá'ina'e Hu Karari rena ro'ena? 'wavara. 42'Ejume ei pini ijá 'iama 'Ú nitama Godoni Irijara ika'ina'e pa'waramane? 'Ú Kerisoho Teviti oni amuja'omo Petirihemi Teviti oni arijino nahehune? 'iamana. 43'Ejume ea mapoka Huni hahijihuna'e ahaama hijara. 44Pu ea 'aho'apo ura Hua'e ape 'ana'i 'ahiara kaivo ea pina Hu ija pa'unavara.
Jua Puni Mama'inijipo Panimai Rojujina
45'Ejume hirisima pu kú'o 'uname Parasi 'ee pirisiti mama'ini jihipuni va'ume pu ijá 'iava Ja rakijihuna'e Hu paapena roare? 'iavara. 46Hirisimapo eha vene ijá 'iava Ea pina ike Ea ikara 'warumu ka'ina pa'warumuna 'iavara. 47Ijí Parasi kajipo eha vene ijá 'iava Hu ja 'u'o papisimiane? 48'Ú ea mama'ina 'aho'a 'ee Parasi 'aho'a Hu nimaa rojure? 49'Enakaivo ike ea kijahija Mosisi oni tamana pahena pavejura'omo ijihuni hahi pu eha sisea apehuna 'iamana. 50Nikotimasiho ea pina ka'ene na'i va'e Jesuho kamajina. 'Ena'omo hura pu ijá 'iama 51Núni tamana ea unekaka hu venujaho maraku huni ira hene hu raka ka'ene venujaho kamare'e iji'a túna'i 'otua vetiura 'aho ichá vejure 'iamana. 52'Ejume pu eha vene hu ijá 'wava A 'u'o Karari ore? Ijinakúne va'e Godoni ira vaji rasama taha ka'amana. Poropetia pina Karari pa'urihuna 'warumana 'wavara. 53'Ejume ea mapoka kajija 'uname puni ari va'ara.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 1999, Wycliffe Bible Translators, Inc. All rights reserved.