Matiu 8
8
Jesura Ea Vejume Maranajina
(Maka 1:40-45; Ruku 5:12-16)
1'Enarena Hu kahi huri'i rena roe ari'eme ea niho'o mapoka mapoka Hu 'arariha va'ara. 2'E'eme ea pina reporosia rukini roe Huni una'i nitupari same ijá 'wama Natohwe A ura rena'amajaho venie na maraniama 'wamana. 3'Ejume Hu ija ea ka'ene reporosia rukina kajihuni haha 'ahi ija rana'i kaivo ijá 'wama Na ura reniuna'omo maranahuna 'wavume reporosia kajaho ni'aha kwino pa'arenana. 4'Enakaivo va'e oni haha Pirisiti nahe 'ee Mosisira nitama najaha ja'ina'e swasa veje ea mapoka oni reporosia pa'arenajaho hena ka'avara 'wamana.
Jesura Romu Puni Natohwi Jihuni Pwea Vejume Maranajina
(Ruku 7:1-10)
5'E'ikaivo Hu va'e Kapeniami 'e'u'eme sorutia puni namiki kajara roe Hua piuname ni'aja'amarono 'waramana. 6'Ene hu ijá 'wama Natohwe nuni pwea pina atami ni'ima'uri 'unavu'e niho'o areri pavarime 'ee haha natohwa hi'eju'e namu 'wamana. 7'Ejume Jesura ijá wama Nara vu'areje veje marahuna 'wamana. 8'Ejume sorutia namikia kajara eha vena ijá 'wama Natohwe na ea sisea ijihuna'e Ara nuni sei vuhunijaho niho'o areri panakúne ma iri 'wara'eje nuni pwea kajaho maranama. 9Na sorutia kaivo na ea ka'ene na 'ajohi'ini jihipuni harina. 'Ene na 'u'o sorutia puni natohwa'omo nara ea pina va'a 'wavujaho hu va'una. 'Ene vukú'o ea pina roa 'wavujaho hu rouna. 'Ene na nuni pwea'e a ike vena 'wavujaho hu venuna 'wamana. 10'Ejume Jesuho ijí henarena teama'eme ea ka'ene Hua 'arariha va'ajija ijá 'iama Na nimaa nimaa ja 'waravu. Ike Isureri opuni vajakino ei pini ija'ina nimaa rohuna niho'o areri pa'ana kavu 'iamana. 11Ikaho vwiha'avara. Ea niho'o mapoka mapoka vea'e ajimuja'i rena roe 'ee vea va'onuja'i rena roavajipo Godoni ara ka'ene Eparahami ho Aisiki ho 'ee Jekapi ho ijano ruha ka'ene hijujaho pu pu'úmo ahuma hihuna. 12'Enakaivo ea iki mwe'i hi'avajija samai ato'aruma'e nutuvi'inijino va'e niramarume upaja ja'i'uji'i nahuna 'iamana. 13'Ejume Jesura sorutia puni namikia kaji ijá 'wama Raka ka'ene a nimai ronujara veje oni pwea mara'enakúne va'a 'wamana. 'Ejume ijí huni pwea ni'aha kwinu sonanana.
Jesura Ea Mapoka Vejume Maraniajina
(Maka 1:29-34; Ruku 4:38-41)
14'E'eme Jesuho Pita oni sei vai'i kavume Pita oni jura paranahijaho atama ni'ima'uri 'uname haha ohoa re'eme namana. 15'Ejume Hura iji 'unama apene 'urijume ni'aha kwinu huni atama ka'ene haha ohoa kajaho pa'arejume hu 'urine mataume 'iruma amairia vajihume ijara. 16'E'eme ijihuni nusireijino ea ka'ene 'avena siseapo ajima'inijija aherame 'eka Jesuni roume Hura 'avena sisea kajija 'waravi'i sioma ato'arumana. 'Ene ea ka'ene atama 'uniravi'inijija venaume puni atama pa'arenaana. 17Nitama Godira poropetia Aisea oni vaji 'waramajaho nimaa nimaa renu.
Hura núni atama ani ani'ina 'ee haha hiana 'ekana 'úmana.
Jesu Pa'arariha'iro 'Unama Savujina
(Ruku 9:57-62)
18'Enarena Jesura eaka mapoka ka'ene Huni rori hija kaji kimarena Hu toa ropuna'i va'iro 'waramana. 19'Ejume Sikuraipi pini ijá 'wama Najuhu'ine na A hu'úmo A ichihichihi va'amajaho na vuhuna 'wamana. 20'Ejume Jesura ijá 'wama Achimina mwe'i vaji ahejura 'ene uka nesa rukina kaivo Ema Puni Harihijara ruha ka'ene Huni húmata ranave siheria vehuna pa'ana 'wamana. 21'Ejume Huni tisaiporu pini ijá 'wama Natohwe ijinakúne asinamie na marako va'e nuni oma apene kwananavuma 'wamana. 22'Enakaivo Jesura ijá 'wama Na 'ararihia ro'i kaivo ea ka'ene kwavi'ina kajaho maka'eje opu apena va'e ranava 'wamana.
Jesura Puura'e 'Waravume Ajuaranajina
(Maka 4:35-41; Ruku 8:22-25)
23'E'ikaivo Hu va'e sisima vaji ajivume Huni tisaiporu pu pu'úmo va'ara. 24'E'eme soha kajaho niho'o ajira amenarena sisima kajaho sisera'i venana kaivo Jesuho nenana. 25'Ejumakamarena Huni tisaiporuepo 'urina va'e sai'i ijá 'wava 'Urina! Núni Natohwe nú kwamasa'i vejukúne 'wavara. 26'Ejume Hu ijá 'iama Nimairoa ma'u'u maikije ja rakijihuna'e juvo? 'i'i kaivo iji'a 'urina 'waravume puura ka'ene hirame 'ee soha ka'ene amenajaho maho'o pa'arenana. 27'Ejumakame pu oja hwa'usunaha'eme ijá 'wava Hu ea iraka sa'ina'omo Hu 'waravume puura 'ee soha Huni ira hejare? 'wavara.
Jesura Ea No'ohe'i 'Avena Siseopo Ajima'ina'e Vejume Maraniana
(Maka 5:1-20; Ruku 8:26-39)
28'E'ejume sisima kajaho roe toa ropuna'i Katarini roi'i kivume ea no'ohe'i 'avena sisei ajimaukame pu va'e euchi hinone pu niho'o ajisima'ora 'ee ani ani vejukame ea 'unama kajihuna kajaho paojura'omo Hu va'e ijihi piunimana. 29'Ejume ea kajipo ajira emaavaji'i ijá 'wava Godoni Harihe A raka nú vetú'ena? Vea ka'ene Ara núa ruruhunijaho mai'o paro'eme A nú ruru'irono roane? 'wavara. 30'Enakaivo ijiha kajakaru maha mapoka namijara. 31'Ejumakame 'avena sisea kajipo Jesu jarime ijá 'wava A ura nú sioma ato'arumuhuna'e re'amajaho ato'arumu'e nú va'e maha kahehi ajima 'wavara. 32'Ejume Jesura ijá 'iama Va'ajiha 'iavume pu ni'aha kwinu ariha va'e mahaka mapoka kajija ajimaume pu ni'aha kwinu va'e rarahi arihe toi imwasamiara. 33'Ejumakame ea ka'ene ijí maha kaji 'ajohi'inijipo ninukujaha va'e ari useme ijí maha kajihipuni vu'a 'warame 'ee ea ka'ene no'ohe'i 'avena sisei ajima'ini jihipuni vu'a 'u'o 'waravara. 34'Ejumakame eaka mapoka ka'ene ara kaji'urijipo ni'aha kwinu niana roe ijí Jesuho kamareja 'ejahae ijí puni kwaa kajaho are'i kaivo 'urine ani va'amarono 'waravara.
S'ha seleccionat:
Matiu 8: mcq
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 1999, Wycliffe Bible Translators, Inc. All rights reserved.
Matiu 8
8
Jesura Ea Vejume Maranajina
(Maka 1:40-45; Ruku 5:12-16)
1'Enarena Hu kahi huri'i rena roe ari'eme ea niho'o mapoka mapoka Hu 'arariha va'ara. 2'E'eme ea pina reporosia rukini roe Huni una'i nitupari same ijá 'wama Natohwe A ura rena'amajaho venie na maraniama 'wamana. 3'Ejume Hu ija ea ka'ene reporosia rukina kajihuni haha 'ahi ija rana'i kaivo ijá 'wama Na ura reniuna'omo maranahuna 'wavume reporosia kajaho ni'aha kwino pa'arenana. 4'Enakaivo va'e oni haha Pirisiti nahe 'ee Mosisira nitama najaha ja'ina'e swasa veje ea mapoka oni reporosia pa'arenajaho hena ka'avara 'wamana.
Jesura Romu Puni Natohwi Jihuni Pwea Vejume Maranajina
(Ruku 7:1-10)
5'E'ikaivo Hu va'e Kapeniami 'e'u'eme sorutia puni namiki kajara roe Hua piuname ni'aja'amarono 'waramana. 6'Ene hu ijá 'wama Natohwe nuni pwea pina atami ni'ima'uri 'unavu'e niho'o areri pavarime 'ee haha natohwa hi'eju'e namu 'wamana. 7'Ejume Jesura ijá wama Nara vu'areje veje marahuna 'wamana. 8'Ejume sorutia namikia kajara eha vena ijá 'wama Natohwe na ea sisea ijihuna'e Ara nuni sei vuhunijaho niho'o areri panakúne ma iri 'wara'eje nuni pwea kajaho maranama. 9Na sorutia kaivo na ea ka'ene na 'ajohi'ini jihipuni harina. 'Ene na 'u'o sorutia puni natohwa'omo nara ea pina va'a 'wavujaho hu va'una. 'Ene vukú'o ea pina roa 'wavujaho hu rouna. 'Ene na nuni pwea'e a ike vena 'wavujaho hu venuna 'wamana. 10'Ejume Jesuho ijí henarena teama'eme ea ka'ene Hua 'arariha va'ajija ijá 'iama Na nimaa nimaa ja 'waravu. Ike Isureri opuni vajakino ei pini ija'ina nimaa rohuna niho'o areri pa'ana kavu 'iamana. 11Ikaho vwiha'avara. Ea niho'o mapoka mapoka vea'e ajimuja'i rena roe 'ee vea va'onuja'i rena roavajipo Godoni ara ka'ene Eparahami ho Aisiki ho 'ee Jekapi ho ijano ruha ka'ene hijujaho pu pu'úmo ahuma hihuna. 12'Enakaivo ea iki mwe'i hi'avajija samai ato'aruma'e nutuvi'inijino va'e niramarume upaja ja'i'uji'i nahuna 'iamana. 13'Ejume Jesura sorutia puni namikia kaji ijá 'wama Raka ka'ene a nimai ronujara veje oni pwea mara'enakúne va'a 'wamana. 'Ejume ijí huni pwea ni'aha kwinu sonanana.
Jesura Ea Mapoka Vejume Maraniajina
(Maka 1:29-34; Ruku 4:38-41)
14'E'eme Jesuho Pita oni sei vai'i kavume Pita oni jura paranahijaho atama ni'ima'uri 'uname haha ohoa re'eme namana. 15'Ejume Hura iji 'unama apene 'urijume ni'aha kwinu huni atama ka'ene haha ohoa kajaho pa'arejume hu 'urine mataume 'iruma amairia vajihume ijara. 16'E'eme ijihuni nusireijino ea ka'ene 'avena siseapo ajima'inijija aherame 'eka Jesuni roume Hura 'avena sisea kajija 'waravi'i sioma ato'arumana. 'Ene ea ka'ene atama 'uniravi'inijija venaume puni atama pa'arenaana. 17Nitama Godira poropetia Aisea oni vaji 'waramajaho nimaa nimaa renu.
Hura núni atama ani ani'ina 'ee haha hiana 'ekana 'úmana.
Jesu Pa'arariha'iro 'Unama Savujina
(Ruku 9:57-62)
18'Enarena Jesura eaka mapoka ka'ene Huni rori hija kaji kimarena Hu toa ropuna'i va'iro 'waramana. 19'Ejume Sikuraipi pini ijá 'wama Najuhu'ine na A hu'úmo A ichihichihi va'amajaho na vuhuna 'wamana. 20'Ejume Jesura ijá 'wama Achimina mwe'i vaji ahejura 'ene uka nesa rukina kaivo Ema Puni Harihijara ruha ka'ene Huni húmata ranave siheria vehuna pa'ana 'wamana. 21'Ejume Huni tisaiporu pini ijá 'wama Natohwe ijinakúne asinamie na marako va'e nuni oma apene kwananavuma 'wamana. 22'Enakaivo Jesura ijá 'wama Na 'ararihia ro'i kaivo ea ka'ene kwavi'ina kajaho maka'eje opu apena va'e ranava 'wamana.
Jesura Puura'e 'Waravume Ajuaranajina
(Maka 4:35-41; Ruku 8:22-25)
23'E'ikaivo Hu va'e sisima vaji ajivume Huni tisaiporu pu pu'úmo va'ara. 24'E'eme soha kajaho niho'o ajira amenarena sisima kajaho sisera'i venana kaivo Jesuho nenana. 25'Ejumakamarena Huni tisaiporuepo 'urina va'e sai'i ijá 'wava 'Urina! Núni Natohwe nú kwamasa'i vejukúne 'wavara. 26'Ejume Hu ijá 'iama Nimairoa ma'u'u maikije ja rakijihuna'e juvo? 'i'i kaivo iji'a 'urina 'waravume puura ka'ene hirame 'ee soha ka'ene amenajaho maho'o pa'arenana. 27'Ejumakame pu oja hwa'usunaha'eme ijá 'wava Hu ea iraka sa'ina'omo Hu 'waravume puura 'ee soha Huni ira hejare? 'wavara.
Jesura Ea No'ohe'i 'Avena Siseopo Ajima'ina'e Vejume Maraniana
(Maka 5:1-20; Ruku 8:26-39)
28'E'ejume sisima kajaho roe toa ropuna'i Katarini roi'i kivume ea no'ohe'i 'avena sisei ajimaukame pu va'e euchi hinone pu niho'o ajisima'ora 'ee ani ani vejukame ea 'unama kajihuna kajaho paojura'omo Hu va'e ijihi piunimana. 29'Ejume ea kajipo ajira emaavaji'i ijá 'wava Godoni Harihe A raka nú vetú'ena? Vea ka'ene Ara núa ruruhunijaho mai'o paro'eme A nú ruru'irono roane? 'wavara. 30'Enakaivo ijiha kajakaru maha mapoka namijara. 31'Ejumakame 'avena sisea kajipo Jesu jarime ijá 'wava A ura nú sioma ato'arumuhuna'e re'amajaho ato'arumu'e nú va'e maha kahehi ajima 'wavara. 32'Ejume Jesura ijá 'iama Va'ajiha 'iavume pu ni'aha kwinu ariha va'e mahaka mapoka kajija ajimaume pu ni'aha kwinu va'e rarahi arihe toi imwasamiara. 33'Ejumakame ea ka'ene ijí maha kaji 'ajohi'inijipo ninukujaha va'e ari useme ijí maha kajihipuni vu'a 'warame 'ee ea ka'ene no'ohe'i 'avena sisei ajima'ini jihipuni vu'a 'u'o 'waravara. 34'Ejumakame eaka mapoka ka'ene ara kaji'urijipo ni'aha kwinu niana roe ijí Jesuho kamareja 'ejahae ijí puni kwaa kajaho are'i kaivo 'urine ani va'amarono 'waravara.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 1999, Wycliffe Bible Translators, Inc. All rights reserved.