Zãa 14
14
Yesu mɛ́ zɛ́ pɔ ì gɛńnɔ Lua kĩi ũ
1Ásu to á pɔ yao. À Lua naaikɛ, í ma naaikɛ. 2Ma Mae bɛ kpɛ́ vĩ dasi, malɛ gɛ́ gukɛkɛiɛ́ɛ. Tó a dɛ màao, dɔ̃ mi oɛ́o. 3Lá malɛ gɛ́ gukɛkɛiɛ́, má ɛa mà mɔ́, mí á sɛlɛ mà taánɔ ma kĩi, kɛ́ apiɔ sɔ̃ íɔ ku gu pɔ má kuu. 4Á gu pɔ malɛ táu zɛ́ dɔ̃. 5Ɔ̃ Toma òɛ̀: Dii, wá dɔ̃ gu pɔ nlɛ táuo. Wá a zɛ́ dɔ̃ kpelewa ni? 6Yesu wèwà à mɛ̀: Mamɛ má zɛ́pi ũ, mamɛ má sĩana ń wɛ̃nio ũ. Gbɛ̃e lí gɛ́ ma Mae kĩi ma kɛsɛ kũsaio.
7Tó á ma dɔ̃, dɔ̃ á ma Mae dɔ̃. Za tia a aà dɔ̃̀ mɛ́ a aà è. 8Ɔ̃ Filipi òɛ̀: Dii, ǹ n Mae ɔlɔwɛ̃ɛ. Bee a mɔwá. 9Yesu òɛ̀: Filipi, má kuanɔ à gɛ̃̀gɛ, ɔ̃ ń ma dɔ̃oa? Gbɛ̃́ pɔ ma e à ma Mae èɛ. Bɔyãi nlɛ o mà a Mae ɔlɔɛ́i? 10Kɛ́ má ku ma Mae guu mɛ́ ma Mae ku ma guu, ni sio le? Yã pɔ malɛ oɛ́, malɛ o ń mazĩaoo. Ma Mae ku ma guu, ɔ̃mɛ lɛ́ a yãkɛaɔ kɛ. 11Kɛ́ má ò má ku ma Mae guu mɛ́ ma Mae ku ma guu, à ma yãsi. Tó màan sɔ̃o, à si ma yãkɛapiɔ yãi. 12Sĩana malɛ oɛ́, gbɛ̃́ pɔ lɛ́ ma naaikɛ a yã pɔ mi kɛpiɔ kɛ. A kɛ dɛ beeɔla se, kɛ́ malɛ tá ma Mae kĩi yãi. 13Má yã pɔ a a wabikɛ̀ ń ma tɔ́o kɛ, kɛ́ ma Mae tɔbɔ ma musu yãi. 14Tó a yãe wabikɛ̀ ń ma tɔ́o, má kɛ.
Yesu lɛgbɛ̃a a Nisĩna yãmusu
15Tó á yemazi, àliɔ ma yãdilɛaɔ da. 16Má gbɛa ma Maewa, i á gba Zɛnnɔde pãle, ìɔ kuánɔ gɔɔpii.#Zĩn 2.1-4 17Nisĩn sĩandeɛ. Dũnia gbɛ̃́ɔ fɔ̃ aa aà dilɛo, asa aalɛ aà eo mɛ́ aa aà dɔ̃o. Apiɔ á aà dɔ̃, asa a kuanɔ mɛ́ aɔ ku á guu. 18Má á tó ádoo, má ɛa mà mɔ á kĩi. 19À gɔ̃̀ yɔɔɛ kɛ́ dũnia a ma e lɔo, ãma á ma e. Kɛ́ má ku yãi, áɔ ku sɔ̃. 20Gɔɔ bee ɔ̃ á dɔ̃ kɛ́ má ku ma Mae guu, á ku ma guu, mɛ́ má ku á guu. 21Gbɛ̃́ pɔ ma yãdilɛaɔ dà mɛ́ a kũa, ade mɛ́ yemazi. Ma Mae aɔ ye gbɛ̃́ pɔ yemazizi, mɛ́ máɔ yeaazi, mí azĩa ɔlɔɛ̀.
22Ɔ̃ Yudasi aà là, i kɛ Yudasi Isaliɔti gbɛ̃́ no. À mɛ̀: Dii, bɔ́ yã mɛ́ mɔ̀, ńyɔ̃ nzĩa ɔlɔwɛ̃ɛ, mɛ́ dũnia a n eo ni? 23Ɔ̃ Yesu wèwà à mɛ̀: Tó gbɛ̃́ yemazi, aɔ ma yã kũaɛ. Ma Mae aɔ yeaazi, wí mɔ́ aà kĩi, wíɔ zɔ̃lɛaaanɔ. 24Gbɛ̃́ pɔ yemazio a ma yã kũao. Yã pɔ álɛ mapi mazĩa yã no, à bɔ̀ ma Mae pɔ ma zĩ kĩiɛ. 25Ma yãpi òɛ́ gɔɔ pɔ má kuanɔ. 26Ma Mae a a Nisĩna zĩ ń ma tɔ́o. Zɛnnɔdeɛ. Ɔ̃mɛ a yãpii dadaɛ́, i to yã pɔ má òɛ́ dɔágu pii. 27Malɛ á tó ń kuanao, mazĩa kuana ɔ̃ malɛ á gba. Malɛ á gba lá dũnia ì ń gbawao. Ásu to á pɔ yao, ásu sɔ̃deedeekɛo. 28Á mà, má òɛ́ malɛ tá, mí ɛa mà mɔ á kĩi. Tó á yemaziɛ, dɔ̃ á pɔ na, kɛ́ malɛ tá ma Mae kĩi yãi, asa ma Mae dɛmala. 29Ma dɔaa má òɛ́ e àɔ gɛ́ kɛi, kɛ́ tó à kɛ̀, á a wɛsi. 30Má e mà yã'oánɔ gbã̀a lɔo, asa dũniaɛ bee kia lɛ́ mɔ́. A iko vĩao, 31ãma lá ma Mae dàmɛɛ ɔ̃ malɛ kɛ, kɛ́ dũnia e dɔ̃ má yeaazi. À fɛlɛ wà go lakĩi.
S'ha seleccionat:
Zãa 14: Boo2024
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Boko Bible © SIM International, 2024.