Luka 22
22
Mawɓe Meddii Dow No Nangirta Yeesu
(Maatiyu 26.1‑5; Markus 14.1,2; Yahaya 11.45‑53)
1Too, carel ɓadake ngam Humto Buroodi Ɗum Walaa Ƴuufinirɗum bi'eteengo Humto Sakkinki.#Wur 12.1‑27. 2Mawɓe ardiiɓe diina e moodiɓɓe Attawra e ɗaɓɓita no ɓe mbardata Yeesu, ngam e ɓe kula yimɓe.
Yahuuda Jaɓi Hokkitira Yeesu
(Maatiyu 26.14‑16; Markus 14.10,11)
3Sey Ceyɗan natti ɓernde Yahuuda bi'eteeɗo Iskariyooti, go'oto nder tokkuɓe Yeesu sappo e ɗiɗo. 4Sey o yahi to mawɓe ardiiɓe diina e mawɓe ardiiɓe taadiiɓe Wuro Ceniingo, o meddi e maɓɓe dow no o hokkitirta Yeesu nder juuɗe maɓɓe. 5Ɓe nani belɗum ɗuɗɗum, ɓe ngaɗi alkawal hokkukimo ceede. 6Kanko boo o jaɓi, o fuɗɗi ɗaɓɓutuki laawol no o hokkitirta Yeesu nder juuɗe maɓɓe.
Yeesu Siryake Nyaamuki Nyamndu Humto Sakkinki
(Maatiyu 26.17‑25; Markus 14.12‑21; Yahaya 13.21‑30)
7Sey nyalnde wari nde Humto Buroodi Ɗum Walaa Ƴuufinirɗum nde ɗum hirsata karoori Humto Sakkinki. 8Ngam non Yeesu lili Biiturus e Yahaya wi'iɓe, “Njahee ciryanee'en koo ɗume ngam nyaamen Humto Sakkinki.”
9Ɓe ƴamimo ɓe mbi'i, “Toye ngiɗɗaa min njaha min ciryooɗum?”
10O wi'iɓe, “Raɗɗum, e nattuki mooɗon gariiri, on kawray e goɗɗo e mo rondii ƴoogirde ndiyam. Tokkeemo yaaki wuro ngo o nattata, 11mbi'on joomu wuro ngon, ‘Moodibbo wi'ii min ƴamumaa: “Toye suudu ndu nyaamaymi nyamndu Humto Sakkinki e tokkuɓeyam?” ’ 12O hollay'on suudu ndu dow, mawndu mo''inaandu. Ciryanee'en koo ɗume ɗon ngam nyaamen nyamndu Humto Sakkinki.”
13Sey ɓe njahi ɓe tawi koo ɗume no Yeesu wi'iɓe, sey ɓe ciryii koo ɗume ngam Humto Sakkinki.
Kirtaari Joomiraawo
(Maatiyu 26.26‑30; Markus 14.22‑26; 1 Korintiyanko'en 11.23‑25)
14Nde carel waɗi, Yeesu e tokkuɓemo sappo e ɗiɗo njooɗii ngam nyaama. 15Sey o wi'iɓe, “Mi haaɓii nyamduki nyamndu Humto Sakkinki ndu'u e mooɗon ko mi torree. 16Ngam e mi wi'a'on, mi fuɗɗitataa nyaamuki nyamndu Humto Sakkinki sey to ma'ana maajum heewii nder Laamu Allah.”
17Sey o hocci inabojam nder jardugel, o yetti Allah, o wi'i, “Njaɓee nge'el cendon inabojam ɗam hakkunde mooɗon. 18Ngam e mi wi'a'on, mi fuɗɗitataa yaruki ndiyam inabooje naa Laamu Allah waroyii.”
19Nden o hocci buroodi, o yetti Allah, o sendiɗum, o hokki tokkuɓemo, e mo wi'a, “Ɗu'um ɗum ɓandu am, kokkaandu ngam mooɗon. Ngaɗee ka waɗuki non ngam siftorkiyam.” 20Non maa, gaɗa ɓe kirtake, o hocci jardugel ndiyam inabojam, o wi'i, “Ɗa'am woni alkawal kesal tabbitayngal e ƴiiƴam am ndufeteeɗam ngam mooɗon.#Irm 31.31‑34.
21“Ammaa, raɗɗum, kokkitirayɗoyam e nyamda e am ɗo'o.#Jab 41.9. 22Ngam Ɓii Neɗɗo maayay non no Allah suɓi, ammaa kokkitirayɗomo wonii!”
23Tokkuɓemo puɗɗi ƴamƴamtirki hakkunde maɓɓe, koo ɗum moye nder maɓɓe waɗata fii ɗu'um.
Geddi Dow Moye Woni Mawɗo
24Kadimaa geddi ummii hakkunde maɓɓe dow moye nder maɓɓe woni mawɗo.#Maat 18.1; Mar 9.34; Luk 9.46. 25Yeesu wi'iɓe, “Laamiiɓe yimɓe naa' Yahuudanko'en e kolla yimɓe maɓɓe laamu sembe, fuu e non e ɓe noddira ko'e maɓɓe wallooɓe yimɓe. 26Ammaa onon, to' on ngaɗu non. Sey ɓurɗo mangu nder mooɗon warta bo pamaro, nden ardiiɗo warta bo maccuɗo.#Maat 23.11; Mar 9.35. #Maat 20.25‑27; Mar 10.42‑44. 27Moye ɓuri mangu, jooɗiiɗo ngam nyaama koo gaddoowo nyamndu? Ay on ɗon jooɗiiɗo woni mawɗo. Ammaa, e mi ɗon hakkunde mooɗon bo maccuɗo.#Yah 13.12‑15.
28“Onon ngoni darodiiɓe e am e goonga nder torra ka njarumi. 29No Nyaako am Mo Dow hokkiriyam laamu, non min maa, mi hokkii'on laamu 30nyamdon e am njardon e am nder laamu am, nden njooɗooɗon dow jooɗorle laamu, on laamoo lenyi Israa'iila sappo e ɗiɗi.#Maat 19.28.
Yeesu Wi'i Biiturus Yedday Andukimo
(Maatiyu 26.31‑35; Markus 14.27‑31; Yahaya 13.36‑38)
31“Siiman, Siiman, raɗɗum Ceyɗan ƴamii laawol foonda'on, boo o hokkaama. E mo yiɗi o seɗa'on no ɗum seɗirta alkamaari e nyaande. 32Ammaa mi waɗaniima do'aare, Siiman, ngam to' alaa hoolaakiyam. An boo, taa wartii to am, cembiɗinaa bandiraaɓe maaɗa.”
33Ammaa Biiturus wi'imo, “Moodibbo, e mi siryii yaaduki e maaɗa suudu cural, haa e mayde.”
34Yeesu wi'i, “E mi wi'umaa, Biiturus, hande ko njakardi hana, a wi'ay a andaayam nde tati.”
Carel Torra e Wara
35Sey Yeesu ƴamiɓe wi'i, “Carel ko lilmi'on mbiimi'on to' on njaadu e ceede, to' on njaadu e jakaare koo paɗe koyɗe ɗiɗi, e woodi ko ndulluɗon?”
Ɓe mbi'i, “Walaa.”#Maat 10.9,10; Mar 6.8,9; Luk 9.3; 10.4.
36O wi'iɓe, “Ammaa jooni, gooduɗo ceede e jakaare, hocca. Mo walaa kaafahi, soora cuddaari muuɗum sooda go'oti. 37E mi wi'a'on, aayaare nde'e doole heewa dow am bi'unde, ‘Ɗum hoccaymo bo kalluɗo,’ ngam ko windaa dow am ɓadake heewuki.”#Ica 53.12.
38Tokkuɓemo mbi'i, “Moodibbo, raa kaafaaje ɗiɗi.”
O wi'iɓe, “Ɗum heƴii non.”
Yeesu Waɗii Do'aare Dow Hocceere Nde Leɗɗe Jaytun
(Maatiyu 26.36‑46; Markus 14.32‑42)
39Yeesu wurtii, yahi Hocceere Nde Leɗɗe Jaytun no o woowi, tokkuɓemo maa e tokkimo. 40Nde ɓe njottii wigeere nden, o wi'iɓe, “Ngaɗee do'aare to' njahon to ngaɗoton hakke.”
41Yeesu hakkitii kanum tan ko waɗata hubaaki hayre, sey o yani e leydi e mo hippii, o waɗi do'aare, o wi'i, 42“Nyaako am Mo Dow, taa jaɓii, ittanam jardugel torra ka'a. Fuu e non, naa' ko ngiɗumi waɗetee, ammaa ko ngiɗɗaa waɗee.” 43Sey malaa'ikaajo ƴiwoyi daga dow wanganimo sembiɗinimo. 44E mo nder torra kalluka, ngam non o ɓeydi waɗuki do'aare. Asawre maako warti bo ƴiiƴam e simta e leydi.
45Nde o yottini do'aare, sey o so''ii to ɓen ɗon tokkuɓemo, o tawi e ɓe ɗaanii ngam wannaare#22.45: Waato ɓillaare. waɗi ɓe comii. 46O wi'iɓe, “Ngam ɗume ɗaanotooɗon? Ummee, ngaɗee do'aare to ɗum foondii'on to' ngaɗon hakke.”
Ɗum Nangii Yeesu
(Maatiyu 26.47‑56; Markus 14.43‑50; Yahaya 18.3‑11)
47Yeesu e meta, sey yimɓe ɗuɗɓe ngari. Yahuuda, go'oto nder tokkuɓemo sappo e ɗiɗo e mo ardiiɓe. Yahuuda ɓaddii Yeesu ngam hownamo. 48Yeesu wi'imo, “Yahuuda, a hokkitiray Ɓii Neɗɗo e hownuki higaaku?”
49Nde tokkuɓe Yeesu ngi'i ko waɗata, ɓe mbi'imo, “Moodibbo, min pe''iraɓe kaafaaje?” 50Go'oto maɓɓe fe''i maccuɗo Mawɗo Mawɓe Ardiiɓe Diina ittanimo nowru nyaamo.
51Ammaa Yeesu wi'i, “Alee! To' on ɓeydu!” Yeesu meemi nowru neɗɗo on, yamɗitinimo.
52Sey Yeesu wi'i mawɓe, e mawɓe ardiiɓe diina, e mawɓe taadiiɓe Wuro Ceniingo garoyɓe nangukimo, “On ngardoyi e kaafaaje e cabbi ngam nangoyyam bo mi gujjo calorɗo? 53Koo ndeye nyalnde e mi wondi e mooɗon nder Wuro Ceniingo, on nangaayiyam. Ammaa jooni ɗum carel mooɗon, e laamu nyiwre.”#Luk 19.47; 21.37.
Biiturus Wi'ii Andaa Yeesu
(Maatiyu 26.57,58,69‑75; Markus 14.53,54,66‑72; Yahaya 18.12‑18,25‑27)
54Sey ɓe nangi Yeesu, ɓe ndillidi e maako, ɓe njaarimo wuro Mawɗo Mawɓe Ardiiɓe Diina. Biiturus boo e woɗɗiti e tokkiriɓe gaɗa. 55Nden ɓe kuɓɓi hiite caka wuro, ɓe njooɗii, Biiturus maa sey jooɗii nder maɓɓe. 56Sey goɗɗo korɗo yi'imo e mo jooɗii e mo irfoo. Korɗo on boo sutiimo wi'i, “Neɗɗo o'o maa e wondi e Yeesu.”
57Ammaa Biiturus yeddi, wi'i, “Mi andaamo.”
58Gaɗa ɗon seɗɗa goɗɗo yi'imo wi'i, “An maa, a go'oto nder tokkuɓemo.”
Ammaa Biiturus wi'i, “Higo, naa' mi tokkuɗomo!”
59Nde yawtii seɗɗa, goɗɗo maa wi'i, “Seko walaa neɗɗo o'o maa e wondi e Yeesu, ngam kanko maa o Galilankeejo.”
60Biiturus wi'imo, “Higo, mi andaa ko mbi'ataa!”
Ɗon e ɗon e mo nder metuki, njakardi hani. 61Sey Yeesu yeeƴii raari Biiturus. Sey Biiturus siftori ko Yeesu wi'unoomo wi'uki, “Hande ko njakardi hana, a wi'ay a andaayam nde tati.” 62Sey o wurtii yaasi o woyi bojji nawɗi.
Ɗum Jukkitii Yeesu Ɗum Fiyiimo
(Maatiyu 26.67,68; Markus 14.65)
63Sey yimɓe jogiiɓe Yeesu fuɗɗi jukkutukimo, e ɓe piyamo. 64Ɓe cuddi gite maako ɓe ngaɗi ka ƴamukimo ɓe mbi'i, “Waɗu annabaaku! Moye fiyumaa?” 65Ɓe kuɗirimo haalaaji nawɗi.
Yeesu Yeeso Kawtal Mawɓe
(Maatiyu 26.59‑66; Markus 14.55‑64; Yahaya 18.19‑24)
66Nde weeti, Kawtal Mawɓe kawriti e mawɓe ardiiɓe diina e moodiɓɓe Attawra. Yeesu waddaa yeeso maɓɓe. 67Ɓe mbi'imo, “To an woni Almasiihu, wi'uminka.”
Ammaa Yeesu wi'iɓe, “To mi wi'ii'onka, on njaɓataa. 68To mi ƴamii'on boo, on nootantaakoyam. 69Ammaa daga jooni, Ɓii Neɗɗo jooɗoto e jungo nyaamo ngo Allah Joomu Bawɗe.”
70Ɓe fuu ɓe mbi'i, “An, a Ɓiɗɗo Allah?”
O wi'iɓe, “Non no mbiiɗon.”
71Ɓe mbi'i, “En naniika e honduko maako jooni. E woodi ko ɗaɓɓiteten kadin?”
S'ha seleccionat:
Luka 22: fuv
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2010, Bible League. All rights reserved.
Luka 22
22
Mawɓe Meddii Dow No Nangirta Yeesu
(Maatiyu 26.1‑5; Markus 14.1,2; Yahaya 11.45‑53)
1Too, carel ɓadake ngam Humto Buroodi Ɗum Walaa Ƴuufinirɗum bi'eteengo Humto Sakkinki.#Wur 12.1‑27. 2Mawɓe ardiiɓe diina e moodiɓɓe Attawra e ɗaɓɓita no ɓe mbardata Yeesu, ngam e ɓe kula yimɓe.
Yahuuda Jaɓi Hokkitira Yeesu
(Maatiyu 26.14‑16; Markus 14.10,11)
3Sey Ceyɗan natti ɓernde Yahuuda bi'eteeɗo Iskariyooti, go'oto nder tokkuɓe Yeesu sappo e ɗiɗo. 4Sey o yahi to mawɓe ardiiɓe diina e mawɓe ardiiɓe taadiiɓe Wuro Ceniingo, o meddi e maɓɓe dow no o hokkitirta Yeesu nder juuɗe maɓɓe. 5Ɓe nani belɗum ɗuɗɗum, ɓe ngaɗi alkawal hokkukimo ceede. 6Kanko boo o jaɓi, o fuɗɗi ɗaɓɓutuki laawol no o hokkitirta Yeesu nder juuɗe maɓɓe.
Yeesu Siryake Nyaamuki Nyamndu Humto Sakkinki
(Maatiyu 26.17‑25; Markus 14.12‑21; Yahaya 13.21‑30)
7Sey nyalnde wari nde Humto Buroodi Ɗum Walaa Ƴuufinirɗum nde ɗum hirsata karoori Humto Sakkinki. 8Ngam non Yeesu lili Biiturus e Yahaya wi'iɓe, “Njahee ciryanee'en koo ɗume ngam nyaamen Humto Sakkinki.”
9Ɓe ƴamimo ɓe mbi'i, “Toye ngiɗɗaa min njaha min ciryooɗum?”
10O wi'iɓe, “Raɗɗum, e nattuki mooɗon gariiri, on kawray e goɗɗo e mo rondii ƴoogirde ndiyam. Tokkeemo yaaki wuro ngo o nattata, 11mbi'on joomu wuro ngon, ‘Moodibbo wi'ii min ƴamumaa: “Toye suudu ndu nyaamaymi nyamndu Humto Sakkinki e tokkuɓeyam?” ’ 12O hollay'on suudu ndu dow, mawndu mo''inaandu. Ciryanee'en koo ɗume ɗon ngam nyaamen nyamndu Humto Sakkinki.”
13Sey ɓe njahi ɓe tawi koo ɗume no Yeesu wi'iɓe, sey ɓe ciryii koo ɗume ngam Humto Sakkinki.
Kirtaari Joomiraawo
(Maatiyu 26.26‑30; Markus 14.22‑26; 1 Korintiyanko'en 11.23‑25)
14Nde carel waɗi, Yeesu e tokkuɓemo sappo e ɗiɗo njooɗii ngam nyaama. 15Sey o wi'iɓe, “Mi haaɓii nyamduki nyamndu Humto Sakkinki ndu'u e mooɗon ko mi torree. 16Ngam e mi wi'a'on, mi fuɗɗitataa nyaamuki nyamndu Humto Sakkinki sey to ma'ana maajum heewii nder Laamu Allah.”
17Sey o hocci inabojam nder jardugel, o yetti Allah, o wi'i, “Njaɓee nge'el cendon inabojam ɗam hakkunde mooɗon. 18Ngam e mi wi'a'on, mi fuɗɗitataa yaruki ndiyam inabooje naa Laamu Allah waroyii.”
19Nden o hocci buroodi, o yetti Allah, o sendiɗum, o hokki tokkuɓemo, e mo wi'a, “Ɗu'um ɗum ɓandu am, kokkaandu ngam mooɗon. Ngaɗee ka waɗuki non ngam siftorkiyam.” 20Non maa, gaɗa ɓe kirtake, o hocci jardugel ndiyam inabojam, o wi'i, “Ɗa'am woni alkawal kesal tabbitayngal e ƴiiƴam am ndufeteeɗam ngam mooɗon.#Irm 31.31‑34.
21“Ammaa, raɗɗum, kokkitirayɗoyam e nyamda e am ɗo'o.#Jab 41.9. 22Ngam Ɓii Neɗɗo maayay non no Allah suɓi, ammaa kokkitirayɗomo wonii!”
23Tokkuɓemo puɗɗi ƴamƴamtirki hakkunde maɓɓe, koo ɗum moye nder maɓɓe waɗata fii ɗu'um.
Geddi Dow Moye Woni Mawɗo
24Kadimaa geddi ummii hakkunde maɓɓe dow moye nder maɓɓe woni mawɗo.#Maat 18.1; Mar 9.34; Luk 9.46. 25Yeesu wi'iɓe, “Laamiiɓe yimɓe naa' Yahuudanko'en e kolla yimɓe maɓɓe laamu sembe, fuu e non e ɓe noddira ko'e maɓɓe wallooɓe yimɓe. 26Ammaa onon, to' on ngaɗu non. Sey ɓurɗo mangu nder mooɗon warta bo pamaro, nden ardiiɗo warta bo maccuɗo.#Maat 23.11; Mar 9.35. #Maat 20.25‑27; Mar 10.42‑44. 27Moye ɓuri mangu, jooɗiiɗo ngam nyaama koo gaddoowo nyamndu? Ay on ɗon jooɗiiɗo woni mawɗo. Ammaa, e mi ɗon hakkunde mooɗon bo maccuɗo.#Yah 13.12‑15.
28“Onon ngoni darodiiɓe e am e goonga nder torra ka njarumi. 29No Nyaako am Mo Dow hokkiriyam laamu, non min maa, mi hokkii'on laamu 30nyamdon e am njardon e am nder laamu am, nden njooɗooɗon dow jooɗorle laamu, on laamoo lenyi Israa'iila sappo e ɗiɗi.#Maat 19.28.
Yeesu Wi'i Biiturus Yedday Andukimo
(Maatiyu 26.31‑35; Markus 14.27‑31; Yahaya 13.36‑38)
31“Siiman, Siiman, raɗɗum Ceyɗan ƴamii laawol foonda'on, boo o hokkaama. E mo yiɗi o seɗa'on no ɗum seɗirta alkamaari e nyaande. 32Ammaa mi waɗaniima do'aare, Siiman, ngam to' alaa hoolaakiyam. An boo, taa wartii to am, cembiɗinaa bandiraaɓe maaɗa.”
33Ammaa Biiturus wi'imo, “Moodibbo, e mi siryii yaaduki e maaɗa suudu cural, haa e mayde.”
34Yeesu wi'i, “E mi wi'umaa, Biiturus, hande ko njakardi hana, a wi'ay a andaayam nde tati.”
Carel Torra e Wara
35Sey Yeesu ƴamiɓe wi'i, “Carel ko lilmi'on mbiimi'on to' on njaadu e ceede, to' on njaadu e jakaare koo paɗe koyɗe ɗiɗi, e woodi ko ndulluɗon?”
Ɓe mbi'i, “Walaa.”#Maat 10.9,10; Mar 6.8,9; Luk 9.3; 10.4.
36O wi'iɓe, “Ammaa jooni, gooduɗo ceede e jakaare, hocca. Mo walaa kaafahi, soora cuddaari muuɗum sooda go'oti. 37E mi wi'a'on, aayaare nde'e doole heewa dow am bi'unde, ‘Ɗum hoccaymo bo kalluɗo,’ ngam ko windaa dow am ɓadake heewuki.”#Ica 53.12.
38Tokkuɓemo mbi'i, “Moodibbo, raa kaafaaje ɗiɗi.”
O wi'iɓe, “Ɗum heƴii non.”
Yeesu Waɗii Do'aare Dow Hocceere Nde Leɗɗe Jaytun
(Maatiyu 26.36‑46; Markus 14.32‑42)
39Yeesu wurtii, yahi Hocceere Nde Leɗɗe Jaytun no o woowi, tokkuɓemo maa e tokkimo. 40Nde ɓe njottii wigeere nden, o wi'iɓe, “Ngaɗee do'aare to' njahon to ngaɗoton hakke.”
41Yeesu hakkitii kanum tan ko waɗata hubaaki hayre, sey o yani e leydi e mo hippii, o waɗi do'aare, o wi'i, 42“Nyaako am Mo Dow, taa jaɓii, ittanam jardugel torra ka'a. Fuu e non, naa' ko ngiɗumi waɗetee, ammaa ko ngiɗɗaa waɗee.” 43Sey malaa'ikaajo ƴiwoyi daga dow wanganimo sembiɗinimo. 44E mo nder torra kalluka, ngam non o ɓeydi waɗuki do'aare. Asawre maako warti bo ƴiiƴam e simta e leydi.
45Nde o yottini do'aare, sey o so''ii to ɓen ɗon tokkuɓemo, o tawi e ɓe ɗaanii ngam wannaare#22.45: Waato ɓillaare. waɗi ɓe comii. 46O wi'iɓe, “Ngam ɗume ɗaanotooɗon? Ummee, ngaɗee do'aare to ɗum foondii'on to' ngaɗon hakke.”
Ɗum Nangii Yeesu
(Maatiyu 26.47‑56; Markus 14.43‑50; Yahaya 18.3‑11)
47Yeesu e meta, sey yimɓe ɗuɗɓe ngari. Yahuuda, go'oto nder tokkuɓemo sappo e ɗiɗo e mo ardiiɓe. Yahuuda ɓaddii Yeesu ngam hownamo. 48Yeesu wi'imo, “Yahuuda, a hokkitiray Ɓii Neɗɗo e hownuki higaaku?”
49Nde tokkuɓe Yeesu ngi'i ko waɗata, ɓe mbi'imo, “Moodibbo, min pe''iraɓe kaafaaje?” 50Go'oto maɓɓe fe''i maccuɗo Mawɗo Mawɓe Ardiiɓe Diina ittanimo nowru nyaamo.
51Ammaa Yeesu wi'i, “Alee! To' on ɓeydu!” Yeesu meemi nowru neɗɗo on, yamɗitinimo.
52Sey Yeesu wi'i mawɓe, e mawɓe ardiiɓe diina, e mawɓe taadiiɓe Wuro Ceniingo garoyɓe nangukimo, “On ngardoyi e kaafaaje e cabbi ngam nangoyyam bo mi gujjo calorɗo? 53Koo ndeye nyalnde e mi wondi e mooɗon nder Wuro Ceniingo, on nangaayiyam. Ammaa jooni ɗum carel mooɗon, e laamu nyiwre.”#Luk 19.47; 21.37.
Biiturus Wi'ii Andaa Yeesu
(Maatiyu 26.57,58,69‑75; Markus 14.53,54,66‑72; Yahaya 18.12‑18,25‑27)
54Sey ɓe nangi Yeesu, ɓe ndillidi e maako, ɓe njaarimo wuro Mawɗo Mawɓe Ardiiɓe Diina. Biiturus boo e woɗɗiti e tokkiriɓe gaɗa. 55Nden ɓe kuɓɓi hiite caka wuro, ɓe njooɗii, Biiturus maa sey jooɗii nder maɓɓe. 56Sey goɗɗo korɗo yi'imo e mo jooɗii e mo irfoo. Korɗo on boo sutiimo wi'i, “Neɗɗo o'o maa e wondi e Yeesu.”
57Ammaa Biiturus yeddi, wi'i, “Mi andaamo.”
58Gaɗa ɗon seɗɗa goɗɗo yi'imo wi'i, “An maa, a go'oto nder tokkuɓemo.”
Ammaa Biiturus wi'i, “Higo, naa' mi tokkuɗomo!”
59Nde yawtii seɗɗa, goɗɗo maa wi'i, “Seko walaa neɗɗo o'o maa e wondi e Yeesu, ngam kanko maa o Galilankeejo.”
60Biiturus wi'imo, “Higo, mi andaa ko mbi'ataa!”
Ɗon e ɗon e mo nder metuki, njakardi hani. 61Sey Yeesu yeeƴii raari Biiturus. Sey Biiturus siftori ko Yeesu wi'unoomo wi'uki, “Hande ko njakardi hana, a wi'ay a andaayam nde tati.” 62Sey o wurtii yaasi o woyi bojji nawɗi.
Ɗum Jukkitii Yeesu Ɗum Fiyiimo
(Maatiyu 26.67,68; Markus 14.65)
63Sey yimɓe jogiiɓe Yeesu fuɗɗi jukkutukimo, e ɓe piyamo. 64Ɓe cuddi gite maako ɓe ngaɗi ka ƴamukimo ɓe mbi'i, “Waɗu annabaaku! Moye fiyumaa?” 65Ɓe kuɗirimo haalaaji nawɗi.
Yeesu Yeeso Kawtal Mawɓe
(Maatiyu 26.59‑66; Markus 14.55‑64; Yahaya 18.19‑24)
66Nde weeti, Kawtal Mawɓe kawriti e mawɓe ardiiɓe diina e moodiɓɓe Attawra. Yeesu waddaa yeeso maɓɓe. 67Ɓe mbi'imo, “To an woni Almasiihu, wi'uminka.”
Ammaa Yeesu wi'iɓe, “To mi wi'ii'onka, on njaɓataa. 68To mi ƴamii'on boo, on nootantaakoyam. 69Ammaa daga jooni, Ɓii Neɗɗo jooɗoto e jungo nyaamo ngo Allah Joomu Bawɗe.”
70Ɓe fuu ɓe mbi'i, “An, a Ɓiɗɗo Allah?”
O wi'iɓe, “Non no mbiiɗon.”
71Ɓe mbi'i, “En naniika e honduko maako jooni. E woodi ko ɗaɓɓiteten kadin?”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2010, Bible League. All rights reserved.