Yahiya 11
11
Kamatey si Lasarusin
1Manjari, niyaꞌ dambuwaꞌ lella inēnan Lasarus saki. Patennaꞌannen laꞌi si kalumaꞌan Betani. Laꞌi du isab patennaꞌan duwangan pungtinaꞌine dendehin, si Mariyam duk si Marta. 2Si Mariyam hep inin manataꞌan isellan bengngihin si bettis si Isa duk pinunasan weꞌ ne duk kōkne. Manjari peggeꞌ saki pungtinaꞌiden, 3masan duwangan magpungtinaꞌihin pī pu si Isa, paꞌinde, “Tuwan, saki bagaynu kinalasahannun.” 4Pagkale si Isa pasan miyaꞌan, paꞌinne, “Saki si Lasarus miyaꞌan dumaꞌin duk iye matey saguwaꞌ duk du bawag balakat Tuhanin supaya bantu Anak Tuhanin.” 5Na, kinalasahan weꞌ si Isa tellungan magpungtinaꞌi miyaꞌan, disi Marta duk Mariyam duk Lasarus. 6Saguwaꞌ pagkataꞌuhan si Isa weꞌ saki si Lasarus, ngagad pe iye laꞌi duwem bahangi si kalumaꞌan palaꞌihannen. 7Pagpuwas duwem bahangi miyaꞌan, paꞌin si Isa si meꞌ tindegnen, “Sūng kite bi balik pī si lahat Yahudiya.” 8Paꞌin meꞌ tindegnen si iye, “Tuwan, gaꞌ du miyaꞌan tiggel arak kew pagtibagan me aꞌahin duk kew matey, hatiꞌ balik pe kew pī?” 9Nambung si Isa magdalilan, paꞌinne, “Daꞌa kaꞌam suse. Dem da ellewin niyaꞌ sampūꞌ duk duwe ora dantaꞌ. Bang kite lumengngan ellew, gaꞌi kite sumampuk peggeꞌ dantaꞌ dunyahin. 10Saguwaꞌ bang kite lumengngan sangem, sumampuk kite peggeꞌ dem lindem kite.” 11Pagubus inin bissā si Isa, paꞌinne si meꞌ tindegnen, “Si Lasarus bagayten bi, kapatuli ne. Saguwaꞌ pī ku mangun iye.” 12Paꞌin meꞌ tindegnen si iye, “Tuwan, ngakoleꞌ du iye bang kapatuli iye.” 13Hāti binissā si Isa miyaꞌan weꞌ asal matey ne si Lasarus. Saguwaꞌ kannal meꞌ tindegnen binissānen sabab tuli hadja. 14Hangkan papastiꞌ si Isa ne si siye, paꞌinne, “Si Lasarus matey ne. 15Duk kēgan ku,” paꞌin si Isa, “peggeꞌ gaꞌ ku laꞌi. Inin para si kahāpanbi duk kaꞌam kahagad. Sūng kite bi pī si iye.” 16Manjari si Tomas, ugey-ugeynen si Kambal, missā si meꞌ pagkasine tindeg si Isahin. Paꞌinne si siye, “Sūng kite bi kēmon nuhut guruhin duk kite bi matey nuhut iye.”
Si Isa magpakellum meꞌ pateyin duk iye poꞌon umulin
17Pagtekka disi Isa si Betani, kaꞌampat ellewnen ne si Lasarus dem kubul. 18Tapit du kalumaꞌan Betanihin si Awrusalam, kulang-kulang tellu kilumetro hadja. 19Hangkan ekka meꞌ Yahudi pī pu si Marta duk Mariyam mahemokan siye peggeꞌ matey pungtinaꞌiden. 20Manjari pagkale si Marta weꞌ īꞌ ne si Isa, pī iye pasampang. Si Mariyam laꞌi hadja dem lumaꞌ. 21Pagmagkasuwaꞌ ne si Marta duk si Isa, paꞌinne pu si Isa, “Tuwan, bang kew miyaꞌan tuꞌu, gaꞌ siꞌ matey pungtinaꞌi kamihin. 22Saguwaꞌ kataꞌuhanku, bisan kuweꞌitu, duhulan Tuhanin kew bisan ine pākunu.” 23Paꞌin si Isa si iye, “Ellum du balik pungtinaꞌinun.” 24Paꞌin si Marta, “Aweꞌ, Tuwan, kataꞌuhanku weꞌ pinakellum du iye balik si ellew dambuli.” 25Paꞌin si Isa si iye, “Aku magpakellum meꞌ pateyin duk aku poꞌon umulin. Sine-sine sandel si aku, ellum du iye bisan ne iye matey. 26Duk kēmon maꞌellumin bu sandel si aku, gaꞌi matey salama-lama.” Manjari tilew si Isa si Marta, paꞌinne, “Kahagad ke kew?” 27“Aweꞌ, Tuwan,” paꞌin si Marta. “Kahagad ne ku weꞌ kaꞌu Almasihin, Anak Tuhanin, asal dambuwaꞌ-buwaꞌ inagad kami mapitu si dunyahin.”
Magtangis si Isa
28Pagubus inin bissā si Marta, pī iye ngalingan pungtinaꞌinen, si Mariyam, duk kinemotan weꞌ ne, paꞌinne, “Tiyaꞌ ne guruhin duk pihane kew.” 29Pagkale Mariyam inin, duwaꞌi iye magdayiꞌ-dayiꞌ duk pī iye pu si Isa. 30Gaꞌ pe hep si Isa tekka laꞌi si kalumaꞌan miyaꞌan saguwaꞌ laꞌi pe iye si antag pakasampangan si Marta iyehin. 31Meꞌ Yahudi manaweꞌan si Mariyam dem lumaꞌin duk mamahemokan iyehin, pagkitede si Mariyam magdayiꞌ-dayiꞌ duwaꞌi, paturul siye. Kannalde pī iye si kubul pungtinaꞌinen magtangis laꞌi. 32Saguwaꞌ papihannen laꞌi pu si Isa. Pagkite Mariyam si Isa, pasujud iye si antag bettis si Isa duk paꞌinne, “Tuwan, bang kew miyaꞌan tuꞌu, gaꞌ siꞌ matey pungtinaꞌi kamihin.” 33Magtangis si Mariyam duk sampay meꞌ saweꞌne Yahudihin magtangis isab. Pagkite si Isa siye magtangis, hansul ateynen duk dukka teꞌed iye. 34Paꞌ inne, “Antag pangubulanbi iyehin?” Paꞌ inde, “Nuhut kew, Tuwan, duk takitenu.” 35Manjari magtangis si Isa. 36Magbissā-bissā meꞌ aꞌa malaꞌihin, paꞌinde, “Payamanun bi be, asal kalasahanne teꞌed si Lasarus.” 37Saguwaꞌ paꞌin meꞌ sinduwehin isab, “Si Isa inin, tapangitene meꞌ aꞌa mapessekin. Weꞌey gaꞌ tabangne si Lasarus duk iye gaꞌ matey?”
Ellum balik si Lasarus
38Hansul ne isab atey si Isahin sasangne mapī si kubulin. Kubul inin lingab tinampengan duk batu. 39Pagtekka siye si kubul, paꞌin si Isa, “Ānanun bi batuhin.” Magtawus missā si Marta, pungtinaꞌi aꞌa mateyin. Paꞌinne pu si Isa, “Bewwan ne iye, Tuwan, peggeꞌ ampat ellew ne kuweꞌitu.” 40Paꞌin si Isa si iye, “Bakas ne kew akahanku weꞌ bang kew hadja kahagad, asal kitenu balakat Tuhanin.” 41Manjari inānan weꞌ de batu tampeng kubulin. Ubus mayam si Isa padiyataꞌ ngampun si Tuhan, paꞌinne, “O Ammaꞌ, magsalamat ku si kaꞌu peggeꞌ pinakale ku weꞌ nu. 42Kataꞌuhanku weꞌ luwal ku pakalenu. Saguwaꞌ bissāku inin si pakalehan meꞌ aꞌa matuꞌu inin, supaya du siye kahagad weꞌ asal kaꞌu mamapitu akuhin.” 43Pagubus inin bissāne, ngalingan iye papales, paꞌinne, “Lasarus, paguwaꞌ kew pitu.” 44Magtawus paguwaꞌ aꞌa bakas mamateyin dem saput pe. Meꞌ tangannen duk meꞌ bettisnen pinekkes pe duk luwenen kinukuban. Paꞌin si Isa si siye, “Lekkahanun bi saputnen duk iye tapa hap lumaꞌ.”
Meꞌ nakuraꞌin magisun laꞌat para pu si Isa
(Mateo 26:1-5; Markus 14:1-2; Lukas 22:1-2)
45Ekka meꞌ Yahudi manaweꞌan si Mariyamin kahagad ne pu si Isa peggeꞌ takitede hininang si Isa miyaꞌan. 46Saguwaꞌ meꞌ sinduwehin hap pī si meꞌ Pariseohin duk inaka weꞌ de si siye bakas hininang si Isahin. 47Hangkan magtawus magtipun meꞌ Pariseohin duk meꞌ nakuraꞌ meꞌ imamin magisun, paꞌinde, “Ine enteꞌ tahinangte bi si aꞌa inin? Iyuꞌ ne ekka tandaꞌ makaꞌulaliꞌ tahinangne. 48Bang pasagadante bi iye,” paꞌinde, “ujud kahagad kēmon aꞌahin. Duk pitu iyan meꞌ nakuraꞌ bangsa Romahin makaꞌatan langgalten bi duk sampay bangsaten bi.” 49Niyaꞌ dambuwaꞌ nambung, ēnnen si Kayapas. Iye imam nakuraꞌin tahun miyaꞌan. Paꞌin Kayapas, “Gaꞌ niyaꞌ tasabutbi. 50Gaꞌi tahātibi weꞌ si kahāpante bi hep bang dambuwaꞌ aꞌa hadja mamateyin gantiꞌ meꞌ aꞌahin duk dumaꞌin tibuꞌukan bangsahin magmulahin.” 51Binissā si Kayapas miyaꞌan dumaꞌin amban di pikilanne. Saguwaꞌ peggeꞌ iye imam nakuraꞌin tahun miyaꞌan, pinaꞌal weꞌ ne weꞌ subey si Isa matey gantiꞌ bangsa Israꞌilin. 52Duk matey iye dumaꞌin hadja ngagantiꞌan bangsa Israꞌilin, saguwaꞌ supaya isab meꞌ anak Tuhan makanat-kanat si meꞌ kalahatanin tapagdambuwaꞌ du weꞌ ne. 53Manjari kemuwe ellew miyaꞌan, isunden weꞌ papateyde si Isa. 54Hangkan gaꞌ ne si Isa patampal si meꞌ aꞌa laꞌi si Yahudiyahin. Saguwaꞌ tahalaꞌ iye duk meꞌ tindegnen pī si dambuwaꞌ kalumaꞌan inēnan Epraim. Kalumaꞌan inin si sīng lahat gaꞌ niyaꞌ tantu aꞌane. Laꞌi siye patennaꞌ.
55Manjari tapit ne pagkādjaꞌan meꞌ Yahudihin ēnande Kādjaꞌan Pangesseban. Ekka meꞌ aꞌa amban meꞌ kalahatan pāngkat hap Awrusalam magsutsi baran meke siye sumakup si kādjaꞌanin. 56Piniha weꞌ de si Isa laꞌi si Awrusalam duk pagbissā-bissāde sābude laꞌi dem langgal hadjehin. Paꞌinde, “Ine pikilbi? Pitu enteꞌ si Isa si pagkādjaꞌan? Hatu gaꞌi, ēꞌ?” Iye miyaꞌan pagbissā-bissāden, 57peggeꞌ bakas maguldin hep meꞌ nakuraꞌ meꞌ imamin duk meꞌ Pariseohin weꞌ bang niyaꞌ ngataꞌuhan palaꞌihan si Isahin, subey siye inakahan duk iye tasiggewde.
S'ha seleccionat:
Yahiya 11: yakV
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2019, Wycliffe Bible Translators, Inc. All rights reserved.
Yahiya 11
11
Kamatey si Lasarusin
1Manjari, niyaꞌ dambuwaꞌ lella inēnan Lasarus saki. Patennaꞌannen laꞌi si kalumaꞌan Betani. Laꞌi du isab patennaꞌan duwangan pungtinaꞌine dendehin, si Mariyam duk si Marta. 2Si Mariyam hep inin manataꞌan isellan bengngihin si bettis si Isa duk pinunasan weꞌ ne duk kōkne. Manjari peggeꞌ saki pungtinaꞌiden, 3masan duwangan magpungtinaꞌihin pī pu si Isa, paꞌinde, “Tuwan, saki bagaynu kinalasahannun.” 4Pagkale si Isa pasan miyaꞌan, paꞌinne, “Saki si Lasarus miyaꞌan dumaꞌin duk iye matey saguwaꞌ duk du bawag balakat Tuhanin supaya bantu Anak Tuhanin.” 5Na, kinalasahan weꞌ si Isa tellungan magpungtinaꞌi miyaꞌan, disi Marta duk Mariyam duk Lasarus. 6Saguwaꞌ pagkataꞌuhan si Isa weꞌ saki si Lasarus, ngagad pe iye laꞌi duwem bahangi si kalumaꞌan palaꞌihannen. 7Pagpuwas duwem bahangi miyaꞌan, paꞌin si Isa si meꞌ tindegnen, “Sūng kite bi balik pī si lahat Yahudiya.” 8Paꞌin meꞌ tindegnen si iye, “Tuwan, gaꞌ du miyaꞌan tiggel arak kew pagtibagan me aꞌahin duk kew matey, hatiꞌ balik pe kew pī?” 9Nambung si Isa magdalilan, paꞌinne, “Daꞌa kaꞌam suse. Dem da ellewin niyaꞌ sampūꞌ duk duwe ora dantaꞌ. Bang kite lumengngan ellew, gaꞌi kite sumampuk peggeꞌ dantaꞌ dunyahin. 10Saguwaꞌ bang kite lumengngan sangem, sumampuk kite peggeꞌ dem lindem kite.” 11Pagubus inin bissā si Isa, paꞌinne si meꞌ tindegnen, “Si Lasarus bagayten bi, kapatuli ne. Saguwaꞌ pī ku mangun iye.” 12Paꞌin meꞌ tindegnen si iye, “Tuwan, ngakoleꞌ du iye bang kapatuli iye.” 13Hāti binissā si Isa miyaꞌan weꞌ asal matey ne si Lasarus. Saguwaꞌ kannal meꞌ tindegnen binissānen sabab tuli hadja. 14Hangkan papastiꞌ si Isa ne si siye, paꞌinne, “Si Lasarus matey ne. 15Duk kēgan ku,” paꞌin si Isa, “peggeꞌ gaꞌ ku laꞌi. Inin para si kahāpanbi duk kaꞌam kahagad. Sūng kite bi pī si iye.” 16Manjari si Tomas, ugey-ugeynen si Kambal, missā si meꞌ pagkasine tindeg si Isahin. Paꞌinne si siye, “Sūng kite bi kēmon nuhut guruhin duk kite bi matey nuhut iye.”
Si Isa magpakellum meꞌ pateyin duk iye poꞌon umulin
17Pagtekka disi Isa si Betani, kaꞌampat ellewnen ne si Lasarus dem kubul. 18Tapit du kalumaꞌan Betanihin si Awrusalam, kulang-kulang tellu kilumetro hadja. 19Hangkan ekka meꞌ Yahudi pī pu si Marta duk Mariyam mahemokan siye peggeꞌ matey pungtinaꞌiden. 20Manjari pagkale si Marta weꞌ īꞌ ne si Isa, pī iye pasampang. Si Mariyam laꞌi hadja dem lumaꞌ. 21Pagmagkasuwaꞌ ne si Marta duk si Isa, paꞌinne pu si Isa, “Tuwan, bang kew miyaꞌan tuꞌu, gaꞌ siꞌ matey pungtinaꞌi kamihin. 22Saguwaꞌ kataꞌuhanku, bisan kuweꞌitu, duhulan Tuhanin kew bisan ine pākunu.” 23Paꞌin si Isa si iye, “Ellum du balik pungtinaꞌinun.” 24Paꞌin si Marta, “Aweꞌ, Tuwan, kataꞌuhanku weꞌ pinakellum du iye balik si ellew dambuli.” 25Paꞌin si Isa si iye, “Aku magpakellum meꞌ pateyin duk aku poꞌon umulin. Sine-sine sandel si aku, ellum du iye bisan ne iye matey. 26Duk kēmon maꞌellumin bu sandel si aku, gaꞌi matey salama-lama.” Manjari tilew si Isa si Marta, paꞌinne, “Kahagad ke kew?” 27“Aweꞌ, Tuwan,” paꞌin si Marta. “Kahagad ne ku weꞌ kaꞌu Almasihin, Anak Tuhanin, asal dambuwaꞌ-buwaꞌ inagad kami mapitu si dunyahin.”
Magtangis si Isa
28Pagubus inin bissā si Marta, pī iye ngalingan pungtinaꞌinen, si Mariyam, duk kinemotan weꞌ ne, paꞌinne, “Tiyaꞌ ne guruhin duk pihane kew.” 29Pagkale Mariyam inin, duwaꞌi iye magdayiꞌ-dayiꞌ duk pī iye pu si Isa. 30Gaꞌ pe hep si Isa tekka laꞌi si kalumaꞌan miyaꞌan saguwaꞌ laꞌi pe iye si antag pakasampangan si Marta iyehin. 31Meꞌ Yahudi manaweꞌan si Mariyam dem lumaꞌin duk mamahemokan iyehin, pagkitede si Mariyam magdayiꞌ-dayiꞌ duwaꞌi, paturul siye. Kannalde pī iye si kubul pungtinaꞌinen magtangis laꞌi. 32Saguwaꞌ papihannen laꞌi pu si Isa. Pagkite Mariyam si Isa, pasujud iye si antag bettis si Isa duk paꞌinne, “Tuwan, bang kew miyaꞌan tuꞌu, gaꞌ siꞌ matey pungtinaꞌi kamihin.” 33Magtangis si Mariyam duk sampay meꞌ saweꞌne Yahudihin magtangis isab. Pagkite si Isa siye magtangis, hansul ateynen duk dukka teꞌed iye. 34Paꞌ inne, “Antag pangubulanbi iyehin?” Paꞌ inde, “Nuhut kew, Tuwan, duk takitenu.” 35Manjari magtangis si Isa. 36Magbissā-bissā meꞌ aꞌa malaꞌihin, paꞌinde, “Payamanun bi be, asal kalasahanne teꞌed si Lasarus.” 37Saguwaꞌ paꞌin meꞌ sinduwehin isab, “Si Isa inin, tapangitene meꞌ aꞌa mapessekin. Weꞌey gaꞌ tabangne si Lasarus duk iye gaꞌ matey?”
Ellum balik si Lasarus
38Hansul ne isab atey si Isahin sasangne mapī si kubulin. Kubul inin lingab tinampengan duk batu. 39Pagtekka siye si kubul, paꞌin si Isa, “Ānanun bi batuhin.” Magtawus missā si Marta, pungtinaꞌi aꞌa mateyin. Paꞌinne pu si Isa, “Bewwan ne iye, Tuwan, peggeꞌ ampat ellew ne kuweꞌitu.” 40Paꞌin si Isa si iye, “Bakas ne kew akahanku weꞌ bang kew hadja kahagad, asal kitenu balakat Tuhanin.” 41Manjari inānan weꞌ de batu tampeng kubulin. Ubus mayam si Isa padiyataꞌ ngampun si Tuhan, paꞌinne, “O Ammaꞌ, magsalamat ku si kaꞌu peggeꞌ pinakale ku weꞌ nu. 42Kataꞌuhanku weꞌ luwal ku pakalenu. Saguwaꞌ bissāku inin si pakalehan meꞌ aꞌa matuꞌu inin, supaya du siye kahagad weꞌ asal kaꞌu mamapitu akuhin.” 43Pagubus inin bissāne, ngalingan iye papales, paꞌinne, “Lasarus, paguwaꞌ kew pitu.” 44Magtawus paguwaꞌ aꞌa bakas mamateyin dem saput pe. Meꞌ tangannen duk meꞌ bettisnen pinekkes pe duk luwenen kinukuban. Paꞌin si Isa si siye, “Lekkahanun bi saputnen duk iye tapa hap lumaꞌ.”
Meꞌ nakuraꞌin magisun laꞌat para pu si Isa
(Mateo 26:1-5; Markus 14:1-2; Lukas 22:1-2)
45Ekka meꞌ Yahudi manaweꞌan si Mariyamin kahagad ne pu si Isa peggeꞌ takitede hininang si Isa miyaꞌan. 46Saguwaꞌ meꞌ sinduwehin hap pī si meꞌ Pariseohin duk inaka weꞌ de si siye bakas hininang si Isahin. 47Hangkan magtawus magtipun meꞌ Pariseohin duk meꞌ nakuraꞌ meꞌ imamin magisun, paꞌinde, “Ine enteꞌ tahinangte bi si aꞌa inin? Iyuꞌ ne ekka tandaꞌ makaꞌulaliꞌ tahinangne. 48Bang pasagadante bi iye,” paꞌinde, “ujud kahagad kēmon aꞌahin. Duk pitu iyan meꞌ nakuraꞌ bangsa Romahin makaꞌatan langgalten bi duk sampay bangsaten bi.” 49Niyaꞌ dambuwaꞌ nambung, ēnnen si Kayapas. Iye imam nakuraꞌin tahun miyaꞌan. Paꞌin Kayapas, “Gaꞌ niyaꞌ tasabutbi. 50Gaꞌi tahātibi weꞌ si kahāpante bi hep bang dambuwaꞌ aꞌa hadja mamateyin gantiꞌ meꞌ aꞌahin duk dumaꞌin tibuꞌukan bangsahin magmulahin.” 51Binissā si Kayapas miyaꞌan dumaꞌin amban di pikilanne. Saguwaꞌ peggeꞌ iye imam nakuraꞌin tahun miyaꞌan, pinaꞌal weꞌ ne weꞌ subey si Isa matey gantiꞌ bangsa Israꞌilin. 52Duk matey iye dumaꞌin hadja ngagantiꞌan bangsa Israꞌilin, saguwaꞌ supaya isab meꞌ anak Tuhan makanat-kanat si meꞌ kalahatanin tapagdambuwaꞌ du weꞌ ne. 53Manjari kemuwe ellew miyaꞌan, isunden weꞌ papateyde si Isa. 54Hangkan gaꞌ ne si Isa patampal si meꞌ aꞌa laꞌi si Yahudiyahin. Saguwaꞌ tahalaꞌ iye duk meꞌ tindegnen pī si dambuwaꞌ kalumaꞌan inēnan Epraim. Kalumaꞌan inin si sīng lahat gaꞌ niyaꞌ tantu aꞌane. Laꞌi siye patennaꞌ.
55Manjari tapit ne pagkādjaꞌan meꞌ Yahudihin ēnande Kādjaꞌan Pangesseban. Ekka meꞌ aꞌa amban meꞌ kalahatan pāngkat hap Awrusalam magsutsi baran meke siye sumakup si kādjaꞌanin. 56Piniha weꞌ de si Isa laꞌi si Awrusalam duk pagbissā-bissāde sābude laꞌi dem langgal hadjehin. Paꞌinde, “Ine pikilbi? Pitu enteꞌ si Isa si pagkādjaꞌan? Hatu gaꞌi, ēꞌ?” Iye miyaꞌan pagbissā-bissāden, 57peggeꞌ bakas maguldin hep meꞌ nakuraꞌ meꞌ imamin duk meꞌ Pariseohin weꞌ bang niyaꞌ ngataꞌuhan palaꞌihan si Isahin, subey siye inakahan duk iye tasiggewde.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2019, Wycliffe Bible Translators, Inc. All rights reserved.