Genesis 3
3
Iqmoeq 3
Miqyail nail daoq bhai maq nal daiq-a nail ganl
1Eellel neq, Heeqphaq Miqyail-i mail teivq-ai thaq nail haqtsoiq jaiqyaq juq nail lavqkhoel bhai neq, al jaiq-ail nia nail teevq phaq pevq nail ngaol. Teevq n neq, aivq yaqmai-aq bhai ge bhiq-a nail: "Miqyail neq, gaoqkhail niil nail lavqkhoel khe jiav nail aqheeq bhai maq ya jaq-ail dai, mal dil ge-ai lavq thaq nail ngaol laiq" dai, nal daiq bhiq-a nail ngaol.
2Yaqmai-aq gaq ge kovq bhiq-a nail: "Nv juq gaoqkhail niil khail nail lavqkhoel khe, aqheeq juq jaq kivq nail ngaol.
3Thail hai ngaol-aoq, gaoqkhail gaoltsi bhai jiav nail aqbhaol khe aqheeq neq, maq ya jaq-ail. Lav gail maq ya lav tuv-ail. Lav tuv khi jaq haq neq, sil lee nail ngaol dai, Miqyail ge-ai lavq thaq nail ngaol" dai, ge kovq bhiq-a nail ngaol.
4Aq-u phao eellel ge nail: "Maq ngel-ail, nul juq sil lee nail maq ngel-ail.
5Aqheeq al jaq haq neq, nul juq neq, Miqyail khe-ai meeq nail doil nail tsel pav nia lal ngaol dai, Miqyail heeq nia nail ngel-i mail, ge nail niil" dai, ge kovq bhiq-a nail ngaol.
6Yaqmai-aq al gaq gail, al jaiq-ail meeq nail aqbhaol al bhaol bhai maqkhaiq, jaq heeq phaq-ail heeq nail aqheeq bhai maqkhaiq, ya moel-a nail ngaol. Al ovqtavq, neegeel aol nail bhai oil movq-ai bhiq nail ngel-i mail, aqheeq oil khi mail jaq-a nail ngaol. Aivq nail yaqyov-aq bhai gail bivq khi bhi jaq-a nail ngaol.
7Al hai jaq-u phao, teevq pov taivq-ail, aqyu nvq gaq nail heeq nia nail maivneev phao lal khi aqyu nvq gaq aqgaq aqdoi maq doi-nq thaq nail bhai, ya moel-a nail ngaol. Al heel ngel-i mail, aqyu nvq gaq neq, heeqpuv aqpavq guvq jil khi aqmaol bhai doi pheeq-a nail ngaol.
8Kivqhail lailma kev lee-u phao, gaoqkhail lavqkhoel bhai Heeqphaq Miqyail tsao nail aqthel ya gaiq khi, aqyu nvq gaq bhai, Heeqphaq Miqyail maq bhi moel nail haqbhoil, aqbhaol bhal lal bhai tsaoq-uvq-a nail ngaol.
9Thail hai ngaol-aoq, Heeqphaq Miqyail neq yaqyov-aq gaq bhai, "Naol khaq bha jaol nail-aiq" dai, khul-a nail ngaol.
10Yaqyov-aq al gaq ge kovq bhiq-a nail: "Naol gaoqkhail lavqkhoel bhai tsao nail aqthel ngal ya gaiq-u phao, ngaq nail aqmaol bhai aqgaq aqdoi maq doi-nvq thaq nail ngel-i mail, gee sil khi tsaoq-uvq-a nail ngaol" dai, ge bhiq-a nail ngaol.
11Heeqphaq Miqyail nal daiq bhiq-a nail: "Naoq bhai aqgaq aqdoi maq doi-nvq thaq il dai, khaq sil gaq ge nail-aiq. Naol maq ya jaq-ail dai, ngaq-i mail ge-ai thaq nail aqheeq jaq aol maq ngel laiq" dai, nal daiq bhiq-a nail ngaol.
12Yaqyov-aq gaq ge kovq bhiq-a nail: "Ngaq bhai naoq-i mail bivq lavq-a nail yaqmai-aq-i mail bhi jaq lavq-a nail ngel-i mail jaq-a nail ngaol" dai, ge bhiq-a nail ngaol.
13Heeqphaq Miqyail yaqmai-aq gaq bhai gaoq nal daiq bhiq-a nail ngaol: "Naol khul khi-a nail-aiq" dai, nal daiq bhiq-u phao, "Eellel neq, ngaq bhai goiqbhaoq bhaoq lavq-a nail ngel-i mail, jaq-a nail ngaol" dai, ge kovq bhiq-a nail ngaol.
14Aq-u phao, Heeqphaq Miqyail neq, eellel bhai ge bhiq-a nail: "Naol thail hai nl-a nail ngel-i mail, ivqkhail yavq nail bhai ya daq nail ngaol. Jaiqyaq juq iqsanl nail lavqkhoel khe, naol taivq-ail ivqkhail yavq nail niil laiq bhai, ya daq nail ngaol. Yaq n n-gaol nee daq-n khi ovqmav-i mail soiq soiq-ail khaqlail bhai teevq yeel gil dai, ya jaq nail ngaol.
15Naol dai khi yaqmai-aq bhai maqkhaiq, naoq-ai nee mail yavq kha lee thaq nail gaq dai khi, yaqmai-aq al gaq nee mail yavq kha lee thaq nail gaq bhai maqkhaiq, ngal neejiav bhi jiav pheel jaq nail ngaol. Aivq neq, naoq nail uqhuq bhai naoq peiv khi naol neq, aivq nail aqkhil pavq nevq bhai lav nal bhiq naol" dai, ge bhiq-a nail ngaol.
16Yaqmai-aq gaq bhai gaoq ge bhiq-a nail: "Naol neq, yaqbeiv uvq-u phao maqkhaiq, yaqnoil tsiq-u phao maqkhaiq, nal nail bhai ya daq nail ngaol. Naol neq, naoq nail yaqyov-aq nee jaol movq khi naoq nail yaqyov-aq-i mail uv thaiq nail bhai ya daq nail ngaol" dai, ge bhiq-a nail ngaol.
17Yaqyov-aq gaq bhai gail: "Aqbhaol thoil bhaol khe aqheeq maq ya jaq-ail dai, ngal ge-ai thaq khi ngaol-aoq, naoq nail yaqmai-aq nail daoq bhai nal daiq khi jaq gaq-ao nail ngaol. Al heel ngel-i mail, naol neq, yovqgav yovqgavq nail ovqmav nail galduq, miltsaq nee mail aqheeq allu dov lal dai teevq yeel gil dai, gaq doil doil doil-ail ya nl nail ngaol. Miltsaq neq, naol bhaq da nee, ivqkhail yavq nail bhai ya daq nail ngaol.
18Miltsaq nee mail aqgoe jiavbuv juq dai khi mail, moeqgaq juq doevq lal nail ngaol. Naol neq, miltsaq khe heeqlao gaoqjal juq ya jaq nail ngaol.
19Naol neq, miltsaq nee mail lal-a nail ngel-i mail, miltsaq bha maq kovq ail-u kev dai, miltsaq khe aqheeq allu juq ya lal dai, khiqtsal dov khi gaq doil doil doil-ail ya nl nail ngaol. Naol neq, khaqlail nee pevq lal-a nail ngel-i mail, khaqlail gaoq ya pevq kovq-ail nail ngaol" dai, ge bhiq-a nail ngaol.
20Aqdaq#3.20 Aqdaq Aqdaq dai, ge nail daoqceevq neq, yaqyov-aq dai ge movq nail ngaol. dai khul nail yaqyov-aq al gaq neq, aivq nail khaqma bhai Eilbav#3.20 Eilbav Eilbav dai, ge nail daoqceevq neq, aqdoevq doevq nail dai ge movq nail ngaol. dai, mil bhiq-a nail ngaol. Khul khi mail dai ngal-aq neq, aqdoevq doevq nail tsaol-aq yaq iqsanl nail aqma pevq lal nail ngaol.
21Heeqphaq Miqyail neq, Aqdaq dai khi Eilbav nail galduq, jaiqyaq nail bavkov-i mail phailkhaoq lav sav bhiq khi bhi doi-a nail ngaol.
Aqdaq khi mail Eilbav bhai gaoqkhail nee mail the dov-a nail ganl
22A bhai nee ngal-aq, Heeqphaq Miqyail ge nail: "Tsaol-aq neq, ngadao juq khe-ai pevq lal khi, meeq nail doil nail tsel pav nia lal-aoq nail ngaol. Khaqmao gail, aqdoevq bhi doevq nail aqbhaol khe aqheeq jaq khi khaqmao gail, aqdoevq bhi doevq nail maq ya-ail" dai, ge nail ngaol.
23Al heel ngel-i mail, Heeqphaq Miqyail neq, aqyu nvq gaq bhai Eiqdeiq gaoqkhail nee mail the dov khi, aqyu nvq gaq-i mail dov lee-a nail miltsaq bhai bhi kha jaq bhi kha daol-a nail ngaol.
24Aqyu nvq gaq bhai the dov gaq-al ngal-aq neq, aqdoevq doevq nail aqbhaol bhai bhi hel daiq phail nail galduq, miqjaq tovq nail thaoma nee mail teevq gaq khe-ai, Kheiqlulbhinq#3.24 Kheiqlulbhinq Kheiqlulbhinq neq, nvq tavq gaqkhoel khe-ai dul khi ngaol-aoq aqdaol covq nail ngaol juq bhai gaoqkhail nail nlma dov khoeq phao, bhi lovq phail-a nail ngaol.
S'ha seleccionat:
Genesis 3: aeu
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2016, Wycliffe Bible Translators, Inc. All rights reserved.
Genesis 3
3
Iqmoeq 3
Miqyail nail daoq bhai maq nal daiq-a nail ganl
1Eellel neq, Heeqphaq Miqyail-i mail teivq-ai thaq nail haqtsoiq jaiqyaq juq nail lavqkhoel bhai neq, al jaiq-ail nia nail teevq phaq pevq nail ngaol. Teevq n neq, aivq yaqmai-aq bhai ge bhiq-a nail: "Miqyail neq, gaoqkhail niil nail lavqkhoel khe jiav nail aqheeq bhai maq ya jaq-ail dai, mal dil ge-ai lavq thaq nail ngaol laiq" dai, nal daiq bhiq-a nail ngaol.
2Yaqmai-aq gaq ge kovq bhiq-a nail: "Nv juq gaoqkhail niil khail nail lavqkhoel khe, aqheeq juq jaq kivq nail ngaol.
3Thail hai ngaol-aoq, gaoqkhail gaoltsi bhai jiav nail aqbhaol khe aqheeq neq, maq ya jaq-ail. Lav gail maq ya lav tuv-ail. Lav tuv khi jaq haq neq, sil lee nail ngaol dai, Miqyail ge-ai lavq thaq nail ngaol" dai, ge kovq bhiq-a nail ngaol.
4Aq-u phao eellel ge nail: "Maq ngel-ail, nul juq sil lee nail maq ngel-ail.
5Aqheeq al jaq haq neq, nul juq neq, Miqyail khe-ai meeq nail doil nail tsel pav nia lal ngaol dai, Miqyail heeq nia nail ngel-i mail, ge nail niil" dai, ge kovq bhiq-a nail ngaol.
6Yaqmai-aq al gaq gail, al jaiq-ail meeq nail aqbhaol al bhaol bhai maqkhaiq, jaq heeq phaq-ail heeq nail aqheeq bhai maqkhaiq, ya moel-a nail ngaol. Al ovqtavq, neegeel aol nail bhai oil movq-ai bhiq nail ngel-i mail, aqheeq oil khi mail jaq-a nail ngaol. Aivq nail yaqyov-aq bhai gail bivq khi bhi jaq-a nail ngaol.
7Al hai jaq-u phao, teevq pov taivq-ail, aqyu nvq gaq nail heeq nia nail maivneev phao lal khi aqyu nvq gaq aqgaq aqdoi maq doi-nq thaq nail bhai, ya moel-a nail ngaol. Al heel ngel-i mail, aqyu nvq gaq neq, heeqpuv aqpavq guvq jil khi aqmaol bhai doi pheeq-a nail ngaol.
8Kivqhail lailma kev lee-u phao, gaoqkhail lavqkhoel bhai Heeqphaq Miqyail tsao nail aqthel ya gaiq khi, aqyu nvq gaq bhai, Heeqphaq Miqyail maq bhi moel nail haqbhoil, aqbhaol bhal lal bhai tsaoq-uvq-a nail ngaol.
9Thail hai ngaol-aoq, Heeqphaq Miqyail neq yaqyov-aq gaq bhai, "Naol khaq bha jaol nail-aiq" dai, khul-a nail ngaol.
10Yaqyov-aq al gaq ge kovq bhiq-a nail: "Naol gaoqkhail lavqkhoel bhai tsao nail aqthel ngal ya gaiq-u phao, ngaq nail aqmaol bhai aqgaq aqdoi maq doi-nvq thaq nail ngel-i mail, gee sil khi tsaoq-uvq-a nail ngaol" dai, ge bhiq-a nail ngaol.
11Heeqphaq Miqyail nal daiq bhiq-a nail: "Naoq bhai aqgaq aqdoi maq doi-nvq thaq il dai, khaq sil gaq ge nail-aiq. Naol maq ya jaq-ail dai, ngaq-i mail ge-ai thaq nail aqheeq jaq aol maq ngel laiq" dai, nal daiq bhiq-a nail ngaol.
12Yaqyov-aq gaq ge kovq bhiq-a nail: "Ngaq bhai naoq-i mail bivq lavq-a nail yaqmai-aq-i mail bhi jaq lavq-a nail ngel-i mail jaq-a nail ngaol" dai, ge bhiq-a nail ngaol.
13Heeqphaq Miqyail yaqmai-aq gaq bhai gaoq nal daiq bhiq-a nail ngaol: "Naol khul khi-a nail-aiq" dai, nal daiq bhiq-u phao, "Eellel neq, ngaq bhai goiqbhaoq bhaoq lavq-a nail ngel-i mail, jaq-a nail ngaol" dai, ge kovq bhiq-a nail ngaol.
14Aq-u phao, Heeqphaq Miqyail neq, eellel bhai ge bhiq-a nail: "Naol thail hai nl-a nail ngel-i mail, ivqkhail yavq nail bhai ya daq nail ngaol. Jaiqyaq juq iqsanl nail lavqkhoel khe, naol taivq-ail ivqkhail yavq nail niil laiq bhai, ya daq nail ngaol. Yaq n n-gaol nee daq-n khi ovqmav-i mail soiq soiq-ail khaqlail bhai teevq yeel gil dai, ya jaq nail ngaol.
15Naol dai khi yaqmai-aq bhai maqkhaiq, naoq-ai nee mail yavq kha lee thaq nail gaq dai khi, yaqmai-aq al gaq nee mail yavq kha lee thaq nail gaq bhai maqkhaiq, ngal neejiav bhi jiav pheel jaq nail ngaol. Aivq neq, naoq nail uqhuq bhai naoq peiv khi naol neq, aivq nail aqkhil pavq nevq bhai lav nal bhiq naol" dai, ge bhiq-a nail ngaol.
16Yaqmai-aq gaq bhai gaoq ge bhiq-a nail: "Naol neq, yaqbeiv uvq-u phao maqkhaiq, yaqnoil tsiq-u phao maqkhaiq, nal nail bhai ya daq nail ngaol. Naol neq, naoq nail yaqyov-aq nee jaol movq khi naoq nail yaqyov-aq-i mail uv thaiq nail bhai ya daq nail ngaol" dai, ge bhiq-a nail ngaol.
17Yaqyov-aq gaq bhai gail: "Aqbhaol thoil bhaol khe aqheeq maq ya jaq-ail dai, ngal ge-ai thaq khi ngaol-aoq, naoq nail yaqmai-aq nail daoq bhai nal daiq khi jaq gaq-ao nail ngaol. Al heel ngel-i mail, naol neq, yovqgav yovqgavq nail ovqmav nail galduq, miltsaq nee mail aqheeq allu dov lal dai teevq yeel gil dai, gaq doil doil doil-ail ya nl nail ngaol. Miltsaq neq, naol bhaq da nee, ivqkhail yavq nail bhai ya daq nail ngaol.
18Miltsaq nee mail aqgoe jiavbuv juq dai khi mail, moeqgaq juq doevq lal nail ngaol. Naol neq, miltsaq khe heeqlao gaoqjal juq ya jaq nail ngaol.
19Naol neq, miltsaq nee mail lal-a nail ngel-i mail, miltsaq bha maq kovq ail-u kev dai, miltsaq khe aqheeq allu juq ya lal dai, khiqtsal dov khi gaq doil doil doil-ail ya nl nail ngaol. Naol neq, khaqlail nee pevq lal-a nail ngel-i mail, khaqlail gaoq ya pevq kovq-ail nail ngaol" dai, ge bhiq-a nail ngaol.
20Aqdaq#3.20 Aqdaq Aqdaq dai, ge nail daoqceevq neq, yaqyov-aq dai ge movq nail ngaol. dai khul nail yaqyov-aq al gaq neq, aivq nail khaqma bhai Eilbav#3.20 Eilbav Eilbav dai, ge nail daoqceevq neq, aqdoevq doevq nail dai ge movq nail ngaol. dai, mil bhiq-a nail ngaol. Khul khi mail dai ngal-aq neq, aqdoevq doevq nail tsaol-aq yaq iqsanl nail aqma pevq lal nail ngaol.
21Heeqphaq Miqyail neq, Aqdaq dai khi Eilbav nail galduq, jaiqyaq nail bavkov-i mail phailkhaoq lav sav bhiq khi bhi doi-a nail ngaol.
Aqdaq khi mail Eilbav bhai gaoqkhail nee mail the dov-a nail ganl
22A bhai nee ngal-aq, Heeqphaq Miqyail ge nail: "Tsaol-aq neq, ngadao juq khe-ai pevq lal khi, meeq nail doil nail tsel pav nia lal-aoq nail ngaol. Khaqmao gail, aqdoevq bhi doevq nail aqbhaol khe aqheeq jaq khi khaqmao gail, aqdoevq bhi doevq nail maq ya-ail" dai, ge nail ngaol.
23Al heel ngel-i mail, Heeqphaq Miqyail neq, aqyu nvq gaq bhai Eiqdeiq gaoqkhail nee mail the dov khi, aqyu nvq gaq-i mail dov lee-a nail miltsaq bhai bhi kha jaq bhi kha daol-a nail ngaol.
24Aqyu nvq gaq bhai the dov gaq-al ngal-aq neq, aqdoevq doevq nail aqbhaol bhai bhi hel daiq phail nail galduq, miqjaq tovq nail thaoma nee mail teevq gaq khe-ai, Kheiqlulbhinq#3.24 Kheiqlulbhinq Kheiqlulbhinq neq, nvq tavq gaqkhoel khe-ai dul khi ngaol-aoq aqdaol covq nail ngaol juq bhai gaoqkhail nail nlma dov khoeq phao, bhi lovq phail-a nail ngaol.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2016, Wycliffe Bible Translators, Inc. All rights reserved.