Yauhas 11
11
Laxalus Tuag
1Muaj ib tug txivneej hu ua Laxalus nyob hauv lub zos Npethanis, nws mob hnyav heev. Npethanis yog lub zos uas Malis thiab nws tus niamlaus Mathas nyob. #Lukas 10:38-39 ( 2Tus Malis no yog tus uas muab tshuaj tswqab hliv rau tus Tswv ob txhais kotaw thiab muab nws cov plaubhau los so; tus Laxalus uas mob hnyav heev ntawd yog Malis tus nus.) #Yauh 12:3 3Nkawd ob vivncaus txawm xa xov mus rau Yexus tias, “Tus Tswv, Koj tus phoojywg uas Koj hlub mob hnyav heev.”
4Thaum Yexus hnov li ntawd, Nws hais tias, “Laxalus tus mob no yuav tsis ua rau nws tuag; tiamsis yuav ua rau Vajtswv tau koobmeej, kom Nws tus Tub thiaj tau koobmeej thiab.”
5Yexus yeej hlub Mathas thiab nws tus niamhluas thiab Laxalus lawv heev. 6Tiamsis thaum uas Nws hnov tias Laxalus mob hnyav heev ntawd, Nws tseem nyob qhov qub chaw ntawd tau ob hnub ntxiv. 7Tomqab ntawd Yexus txawm hais rau Nws cov thwjtim tias, “Peb ciali rovqab mus rau nram lub xeev Yudas.”
8Cov thwjtim teb tias, “Xibhwb, nyuamqhuav tsis ntev tas los no cov neeg uas nyob nrad twb yuav muab pobzeb ntaus Koj; es Koj tseem yuav rovqab mus nrad thiab lov?”
9Yexus hais tias, “ib hnub muaj kaum-ob txoosteev puas yog? Yogli ntawd, tus uas taug kev nruabhnub yuav tsis dawm, rauqhov nws pom qhov kaj uas ci rau lub ntiajteb. 10Tiamsis yog nws taug kev hmontuj, nws yuav dawm, rauqhov nws tsis muaj qhov kaj.” 11Tomqab uas Yexus hais li no tas, Nws rov hais tias, “Laxalus uas yog peb tus phoojywg tau pw tsaugzog lawm, tiamsis Kuv yuav mus tsa nws sawv.”
12Cov thwjtim teb tias, “Tus Tswv, yog nws tsaug taus zog lawm, nws tus mob yeej yuav zoo xwb.”
13Qhov Yexus hais ntawd, yog Nws hais tias Laxalus twb tuag lawm, tiamsis cov thwjtim xav tias yog Yexus hais txog qhov uas Laxalus pw tsaugzog li tej neeg xwb. 14Yogli ntawd, Yexus thiaj qhia qhov tseeb rau lawv hais tias, “Laxalus twb tuag lawm, 15tiamsis vim xav rau nej, Kuv zoosiab uas Kuv tsis tau nrog nws nyob tod, kom nej thiaj yuav ntseeg Kuv. Peb ciali mus saib nws.”
16Thaumas (uas hu ua Ntxaib) thiaj hais rau nws cov phoojywg thwjtim hais tias, “Peb ciali nrog Xibhwb mus, peb thiaj yuav tau nrog Nws tuag uake!”
Yexus Yog Kev Sawv Rov Los Thiab Yog Txojsia
17Thaum Yexus mus txog, Nws hnov tias lawv twb muab Laxalus log tau plaub hnub lawm. 18Lub zos Npethanis nyob nrug deb ntawm lub nroog Yeluxalees kwvlam li 3 kilumev. 19Cov neeg Yudais muaj coob leej tau tuaj nplig Mathas thiab Malis nkawd siab, rauqhov nkawd tus nus tuag lawm.
20Thaum Mathas hnov tias Yexus tabtom taug kev tuaj, Mathas txawm mus tos Yexus, tiamsis Malis nyob hauv tsev. 21Mathas hais rau Yexus tias, “Tus Tswv, yog Koj nrog peb nyob ntawm no, kuv tus nus yeej yuav tsis tuag! 22Tiamsis kuv paub tias txawm nimno los, yog Koj thov ib yam dabtsi ntawm Vajtswv, Nws yeej yuav muab yam ntawd rau Koj xwb.”
23Yexus hais rau Mathas tias, “Koj tus nus yeej yuav sawv rovqab los muaj txojsia xwb.”
24Mathas teb tias, “Kuv paub tias thaum txog hnub kawg nws yeej yuav sawv rovqab los muaj txojsia dua.”
25Yexus hais rau Mathas tias, “Kuv yog kev sawv hauv qhovtuag rovqab los thiab yog txojsia. Tus uas ntseeg Kuv, txawm yog nws tuag lawm los nws yeej yuav rov muaj txojsia; 26tus uas muaj sia nyob thiab ntseeg Kuv, tus ntawd yuav tsis tuag ib zaug li. Koj puas ntseeg tej lus no?”
27Mathas teb tias, “Yog lau, tus Tswv! Kuv ntseeg tias Koj yog tus Mexiyas, uas yog Vajtswv Leejtub uas tau los rau hauv ntiajteb no.”
Yexus Quaj
28Tomqab uas Mathas hais li no tas, Mathas txawm rov los thiab hais twjywm rau nws tus niamhluas Malis hais tias, “Xibhwb tuaj txog lawm, Nws nug-nug txog koj.” 29Thaum Malis hnov li ntawd, nws txawm sawvtsees thiab tawm nrawm nroos mus cuag Yexus. ( 30Yexus tuaj tsis tau txog hauv zos, Nws tseem nyob tom qhov chaw uas Mathas mus tos Nws.) 31Thaum cov Yudais uas tuaj nplig Malis hauv tsev pom Malis sawvtsees tawm nrawm nroos mus lawm, lawv txawm raws nws qab mus. Lawv xav tias nws yuav mus quaj tom lub ntxa.
32Thaum Malis mus txog ntawm qhov chaw uas Yexus nyob, nws pom dheev Yexus, nws txawm txhoscaug ntua rau ntawm Yexus kotaw. Nws hais tias, “Tus Tswv, yog Koj nrog peb nyob ntawm no, ces ntshe kuv tus nus twb tsis tuag.”
33Thaum Yexus pom Malis thiab cov Yudais uas nrog Malis tuaj ntawd quaj-quaj; ua rau Nws ntxhovsiab thiab mob Nws lub siab kawg li. 34Yexus thiaj nug lawv hais tias, “Nej coj Laxalus mus log rau qhovtwg lawm?”
Lawv teb tias, “Tus Tswv, los peb coj Koj mus saib.”
35Yexus txawm quaj. 36Cov Yudais hais tias, “Nej puas pom tias Nws hlub Laxalus npaum licas!”
37Tiamsis lawv cov ntawd muaj qeeleej hais tias, “Tus no Nws twb qhib tau tus digmuag kom pomkev, Nws tsis muaj peevxwm ua kom Laxalus tsis txhob tuag lov?”
Yexus Tsa Laxalus Sawv Rov Muaj Sia
38Yexus rov nyuajsiab kawg li, Nws thiaj mus rau tom lub qhovntxa zeb uas muaj ib daim txiag zeb npog lub rooj ntxas. 39Yexus hais tias, “Nej ciali muab daim txiag zeb tshem tawm.”
Mathas uas yog tus tuag ntawd tus muam teb tias, “Tus Tswv, ntev no ntshe yuav tsw-tswlwj lawm, rauqhov peb twb muab nws log tau plaub hnub lawm!”
40Yexus hais rau Mathas tias, “Kuv tsis tau qhia rau koj lov, hais tias yog koj ntseeg koj yeej yuav pom Vajtswv lub hwjchim xwb?” 41Yogli ntawd, lawv thiaj muab daim txiag zeb tshem tawm. Yexus txawm tsa qhovmuag ntsia saum ntuj thiab hais tias, “Txiv, Kuv ua Koj tsaug uas Koj mloog Kuv tej lus thov. 42Kuv paub tias Koj yeej ibtxwm mloog Kuv tej lus thov, Kuv hais li no kom cov neeg uas nyob ntawm no ntseeg tias Koj yog tus uas txib Kuv los.” 43Thaum Yexus hais li ntawd tas, Nws txawm hu nrov-nrov hais tias, “Laxalus, koj ciali tawm los!” 44Laxalus txawm tawm los, tej ntaub tseem qhwv nws tes taw, thiab muaj ib daim ntaub npog nws lub ntsejmuag. Yexus hais rau lawv tias, “Nej ciali daws tej ntaub uas qhwv nws thiab tso nws mus.”
Cov Thawjcoj Nrhiav Kev Ntes Yexus
(Mathais 26:1-5; Malakaus 14:1-2; Lukas 22:1-2)
45Thaum cov Yudais uas tuaj saib Malis pom tej uas Yexus ua ntawd, muaj ntau leej ntseeg Yexus. 46Tiamsis muaj qeeleej rov mus cuag cov Falixais thiab qhia tej uas Yexus ua ntawd rau lawv. 47Yogli ntawd, cov Falixais thiab cov thawj povthawj hlob thiaj sablaj rau cov thawjcoj hauv Koomhaum qibsiab, thiab lawv hais tias, “Peb yuav ua licas? Tus txivneej no ua tau ntau yam txujci tseemceeb kawg li! 48Yog peb cia Nws ua li no mus, cov pejxeem sawvdaws yuav ntseeg Nws tas, thiab cov nomtswv Loos los yuav tuaj muab lub Tuamtsev rhuav povtseg thiab muab peb haivneeg ua kom puastsuaj tag!”
49Lawv cov ntawd muaj ib tug hu ua Kaiyafas, xyoo ntawd nws yog tus Tuam Povthawj Hlob, nws hais tias, “Nej mas tsis paub dabtsi hlo li lau! 50Nej tsis paub tias cia ib tug tuag theej sawvdaws, zoo dua li uas cia tagnrho peb haivneeg raug puastsuaj no lov?” 51Qhov tseeb tiag, tej lus uas Kaiyafas hais ntawd tsis yog nws lam hais; vim xyoo ntawd nws ua tus Tuam Povthawj Hlob, nws thiaj cevlus qhia uantej hais tias Yexus yuav los tuag theej cov Yudais lub txhoj, 52tsis yog rau lawv xwb, tiamsis Nws yuav coj tagnrho Vajtswv haivneeg uas tawg uasab uasua rau txhua qhov, kom rov los nyob uake.
53Txij hnub ntawd los cov Yudais tej nomtswv pheej nrhiav kev yuav muab Yexus tua. 54Yogli ntawd, Yexus thiajli tsis tabmeeg taug kev mus qhovtwg hauv lub xeev Yudas lawm, tiamsis Nws mus rau tom ib lub nroog hu ua Efalayees uas nyob ze tiaj suabpuam, thiab nrog Nws cov thwjtim nyob rau tod.
55Thaum ntawd twb yuav txog lub caij uas cov Yudais ua kevcai Hla Dhau, muaj neeg coob-coob tuaj pem tej yajsab tuaj rau hauv lub nroog Yeluxalees, vim lawv yuav tuaj ua kevcai ntxuav uantej txog hnub ua kevcai Hla Dhau. 56Thaum lawv tuaj uake rau hauv lub Tuamtsev, lawv xam seb puas pom Yexus, lawv sibnug hais tias, “Nej xav licas? Nws puas yuav tuaj ua kevcai ntawm no los tsis tuaj ne?” 57Cov thawj povthawj hlob thiab cov Falixais twb hais rau sawvdaws lawm hais tias yog leejtwg paub tias Yexus nyob qhovtwg, nws yuavtsum qhia rau lawv paub, kom lawv thiaj yuav ntes tau Yexus.
S'ha seleccionat:
Yauhas 11: MWW2022
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.
Yauhas 11
11
Laxalus Tuag
1Muaj ib tug txivneej hu ua Laxalus nyob hauv lub zos Npethanis, nws mob hnyav heev. Npethanis yog lub zos uas Malis thiab nws tus niamlaus Mathas nyob. #Lukas 10:38-39 ( 2Tus Malis no yog tus uas muab tshuaj tswqab hliv rau tus Tswv ob txhais kotaw thiab muab nws cov plaubhau los so; tus Laxalus uas mob hnyav heev ntawd yog Malis tus nus.) #Yauh 12:3 3Nkawd ob vivncaus txawm xa xov mus rau Yexus tias, “Tus Tswv, Koj tus phoojywg uas Koj hlub mob hnyav heev.”
4Thaum Yexus hnov li ntawd, Nws hais tias, “Laxalus tus mob no yuav tsis ua rau nws tuag; tiamsis yuav ua rau Vajtswv tau koobmeej, kom Nws tus Tub thiaj tau koobmeej thiab.”
5Yexus yeej hlub Mathas thiab nws tus niamhluas thiab Laxalus lawv heev. 6Tiamsis thaum uas Nws hnov tias Laxalus mob hnyav heev ntawd, Nws tseem nyob qhov qub chaw ntawd tau ob hnub ntxiv. 7Tomqab ntawd Yexus txawm hais rau Nws cov thwjtim tias, “Peb ciali rovqab mus rau nram lub xeev Yudas.”
8Cov thwjtim teb tias, “Xibhwb, nyuamqhuav tsis ntev tas los no cov neeg uas nyob nrad twb yuav muab pobzeb ntaus Koj; es Koj tseem yuav rovqab mus nrad thiab lov?”
9Yexus hais tias, “ib hnub muaj kaum-ob txoosteev puas yog? Yogli ntawd, tus uas taug kev nruabhnub yuav tsis dawm, rauqhov nws pom qhov kaj uas ci rau lub ntiajteb. 10Tiamsis yog nws taug kev hmontuj, nws yuav dawm, rauqhov nws tsis muaj qhov kaj.” 11Tomqab uas Yexus hais li no tas, Nws rov hais tias, “Laxalus uas yog peb tus phoojywg tau pw tsaugzog lawm, tiamsis Kuv yuav mus tsa nws sawv.”
12Cov thwjtim teb tias, “Tus Tswv, yog nws tsaug taus zog lawm, nws tus mob yeej yuav zoo xwb.”
13Qhov Yexus hais ntawd, yog Nws hais tias Laxalus twb tuag lawm, tiamsis cov thwjtim xav tias yog Yexus hais txog qhov uas Laxalus pw tsaugzog li tej neeg xwb. 14Yogli ntawd, Yexus thiaj qhia qhov tseeb rau lawv hais tias, “Laxalus twb tuag lawm, 15tiamsis vim xav rau nej, Kuv zoosiab uas Kuv tsis tau nrog nws nyob tod, kom nej thiaj yuav ntseeg Kuv. Peb ciali mus saib nws.”
16Thaumas (uas hu ua Ntxaib) thiaj hais rau nws cov phoojywg thwjtim hais tias, “Peb ciali nrog Xibhwb mus, peb thiaj yuav tau nrog Nws tuag uake!”
Yexus Yog Kev Sawv Rov Los Thiab Yog Txojsia
17Thaum Yexus mus txog, Nws hnov tias lawv twb muab Laxalus log tau plaub hnub lawm. 18Lub zos Npethanis nyob nrug deb ntawm lub nroog Yeluxalees kwvlam li 3 kilumev. 19Cov neeg Yudais muaj coob leej tau tuaj nplig Mathas thiab Malis nkawd siab, rauqhov nkawd tus nus tuag lawm.
20Thaum Mathas hnov tias Yexus tabtom taug kev tuaj, Mathas txawm mus tos Yexus, tiamsis Malis nyob hauv tsev. 21Mathas hais rau Yexus tias, “Tus Tswv, yog Koj nrog peb nyob ntawm no, kuv tus nus yeej yuav tsis tuag! 22Tiamsis kuv paub tias txawm nimno los, yog Koj thov ib yam dabtsi ntawm Vajtswv, Nws yeej yuav muab yam ntawd rau Koj xwb.”
23Yexus hais rau Mathas tias, “Koj tus nus yeej yuav sawv rovqab los muaj txojsia xwb.”
24Mathas teb tias, “Kuv paub tias thaum txog hnub kawg nws yeej yuav sawv rovqab los muaj txojsia dua.”
25Yexus hais rau Mathas tias, “Kuv yog kev sawv hauv qhovtuag rovqab los thiab yog txojsia. Tus uas ntseeg Kuv, txawm yog nws tuag lawm los nws yeej yuav rov muaj txojsia; 26tus uas muaj sia nyob thiab ntseeg Kuv, tus ntawd yuav tsis tuag ib zaug li. Koj puas ntseeg tej lus no?”
27Mathas teb tias, “Yog lau, tus Tswv! Kuv ntseeg tias Koj yog tus Mexiyas, uas yog Vajtswv Leejtub uas tau los rau hauv ntiajteb no.”
Yexus Quaj
28Tomqab uas Mathas hais li no tas, Mathas txawm rov los thiab hais twjywm rau nws tus niamhluas Malis hais tias, “Xibhwb tuaj txog lawm, Nws nug-nug txog koj.” 29Thaum Malis hnov li ntawd, nws txawm sawvtsees thiab tawm nrawm nroos mus cuag Yexus. ( 30Yexus tuaj tsis tau txog hauv zos, Nws tseem nyob tom qhov chaw uas Mathas mus tos Nws.) 31Thaum cov Yudais uas tuaj nplig Malis hauv tsev pom Malis sawvtsees tawm nrawm nroos mus lawm, lawv txawm raws nws qab mus. Lawv xav tias nws yuav mus quaj tom lub ntxa.
32Thaum Malis mus txog ntawm qhov chaw uas Yexus nyob, nws pom dheev Yexus, nws txawm txhoscaug ntua rau ntawm Yexus kotaw. Nws hais tias, “Tus Tswv, yog Koj nrog peb nyob ntawm no, ces ntshe kuv tus nus twb tsis tuag.”
33Thaum Yexus pom Malis thiab cov Yudais uas nrog Malis tuaj ntawd quaj-quaj; ua rau Nws ntxhovsiab thiab mob Nws lub siab kawg li. 34Yexus thiaj nug lawv hais tias, “Nej coj Laxalus mus log rau qhovtwg lawm?”
Lawv teb tias, “Tus Tswv, los peb coj Koj mus saib.”
35Yexus txawm quaj. 36Cov Yudais hais tias, “Nej puas pom tias Nws hlub Laxalus npaum licas!”
37Tiamsis lawv cov ntawd muaj qeeleej hais tias, “Tus no Nws twb qhib tau tus digmuag kom pomkev, Nws tsis muaj peevxwm ua kom Laxalus tsis txhob tuag lov?”
Yexus Tsa Laxalus Sawv Rov Muaj Sia
38Yexus rov nyuajsiab kawg li, Nws thiaj mus rau tom lub qhovntxa zeb uas muaj ib daim txiag zeb npog lub rooj ntxas. 39Yexus hais tias, “Nej ciali muab daim txiag zeb tshem tawm.”
Mathas uas yog tus tuag ntawd tus muam teb tias, “Tus Tswv, ntev no ntshe yuav tsw-tswlwj lawm, rauqhov peb twb muab nws log tau plaub hnub lawm!”
40Yexus hais rau Mathas tias, “Kuv tsis tau qhia rau koj lov, hais tias yog koj ntseeg koj yeej yuav pom Vajtswv lub hwjchim xwb?” 41Yogli ntawd, lawv thiaj muab daim txiag zeb tshem tawm. Yexus txawm tsa qhovmuag ntsia saum ntuj thiab hais tias, “Txiv, Kuv ua Koj tsaug uas Koj mloog Kuv tej lus thov. 42Kuv paub tias Koj yeej ibtxwm mloog Kuv tej lus thov, Kuv hais li no kom cov neeg uas nyob ntawm no ntseeg tias Koj yog tus uas txib Kuv los.” 43Thaum Yexus hais li ntawd tas, Nws txawm hu nrov-nrov hais tias, “Laxalus, koj ciali tawm los!” 44Laxalus txawm tawm los, tej ntaub tseem qhwv nws tes taw, thiab muaj ib daim ntaub npog nws lub ntsejmuag. Yexus hais rau lawv tias, “Nej ciali daws tej ntaub uas qhwv nws thiab tso nws mus.”
Cov Thawjcoj Nrhiav Kev Ntes Yexus
(Mathais 26:1-5; Malakaus 14:1-2; Lukas 22:1-2)
45Thaum cov Yudais uas tuaj saib Malis pom tej uas Yexus ua ntawd, muaj ntau leej ntseeg Yexus. 46Tiamsis muaj qeeleej rov mus cuag cov Falixais thiab qhia tej uas Yexus ua ntawd rau lawv. 47Yogli ntawd, cov Falixais thiab cov thawj povthawj hlob thiaj sablaj rau cov thawjcoj hauv Koomhaum qibsiab, thiab lawv hais tias, “Peb yuav ua licas? Tus txivneej no ua tau ntau yam txujci tseemceeb kawg li! 48Yog peb cia Nws ua li no mus, cov pejxeem sawvdaws yuav ntseeg Nws tas, thiab cov nomtswv Loos los yuav tuaj muab lub Tuamtsev rhuav povtseg thiab muab peb haivneeg ua kom puastsuaj tag!”
49Lawv cov ntawd muaj ib tug hu ua Kaiyafas, xyoo ntawd nws yog tus Tuam Povthawj Hlob, nws hais tias, “Nej mas tsis paub dabtsi hlo li lau! 50Nej tsis paub tias cia ib tug tuag theej sawvdaws, zoo dua li uas cia tagnrho peb haivneeg raug puastsuaj no lov?” 51Qhov tseeb tiag, tej lus uas Kaiyafas hais ntawd tsis yog nws lam hais; vim xyoo ntawd nws ua tus Tuam Povthawj Hlob, nws thiaj cevlus qhia uantej hais tias Yexus yuav los tuag theej cov Yudais lub txhoj, 52tsis yog rau lawv xwb, tiamsis Nws yuav coj tagnrho Vajtswv haivneeg uas tawg uasab uasua rau txhua qhov, kom rov los nyob uake.
53Txij hnub ntawd los cov Yudais tej nomtswv pheej nrhiav kev yuav muab Yexus tua. 54Yogli ntawd, Yexus thiajli tsis tabmeeg taug kev mus qhovtwg hauv lub xeev Yudas lawm, tiamsis Nws mus rau tom ib lub nroog hu ua Efalayees uas nyob ze tiaj suabpuam, thiab nrog Nws cov thwjtim nyob rau tod.
55Thaum ntawd twb yuav txog lub caij uas cov Yudais ua kevcai Hla Dhau, muaj neeg coob-coob tuaj pem tej yajsab tuaj rau hauv lub nroog Yeluxalees, vim lawv yuav tuaj ua kevcai ntxuav uantej txog hnub ua kevcai Hla Dhau. 56Thaum lawv tuaj uake rau hauv lub Tuamtsev, lawv xam seb puas pom Yexus, lawv sibnug hais tias, “Nej xav licas? Nws puas yuav tuaj ua kevcai ntawm no los tsis tuaj ne?” 57Cov thawj povthawj hlob thiab cov Falixais twb hais rau sawvdaws lawm hais tias yog leejtwg paub tias Yexus nyob qhovtwg, nws yuavtsum qhia rau lawv paub, kom lawv thiaj yuav ntes tau Yexus.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.