Lukas 15
15
Tus Yaj Uas Ploj Lawm
(Mathais 18:12-14)
1Muaj ib hnub thaum cov neeg sau se thiab cov neeg txhaum tuaj mloog Yexus qhia, 2cov Falixais thiab cov xibhwb uas qhia Kevcai txawm yws hais tias, “Tus txivneej no tostxais cov neeg txhaum thiab nrog lawv noj mov uake!” #Lukas 5:29-30 3Yogli ntawd, Yexus thiaj hais ib zaj lus pivtxwv rau lawv mloog hais tias:
4“Pivxam hais tias ib tug ntawm nej cov no muaj ibpuas tus yaj tiamsis ib tug ciali ploj lawm, tus tswv yaj yuav ua licas? Nws yeej yuav tso cuajcaum-cuaj tus cia rau tom tshav zaub, thiab mus nrhiav kom tau tus uas ploj lawm. 5Thaum nws nrhiav tau lawm, nws yuav zoosiab heev thiab muab tsaws hlo rau saum xubpwg 6kwv rov los tsev. Ces nws txawm hu nws tej phoojywg thiab tej kwvtij zejzog tuaj uake thiab hais rau lawv tias, ‘Nej ciali nrog kuv zoosiab, rauqhov kuv twb mus nrhiav tau kuv tus yaj uas ploj lawm!’ 7Ib yam nkaus li ntawd, Kuv qhia rau nej hais tias, thaum ib tug neeg txhaum tso nws tej kev txhaum tseg, mas saum ntuj ceebtsheej yuav muaj kev zoosiab rau nws heev dua li cuajcaum-cuaj tus neeg ncajncees uas lawv tsis cheemtsum yuav tso lawv tej kev txhaum tseg.
Npib Nyiaj Uas Ploj Lawm
8“Lossis pivxam hais tias muaj ib tug pojniam muaj kaum lub npib nyiaj tiamsis ib lub ciali ploj lawm. Tus pojniam ntawd yuav ua licas? Nws yeej yuav taws teeb, cheb txhuanrho nws lub tsev, thiab ua tibzoo tshawb nrhiav txhua qhov chaw kom tau lub npib nyiaj ntawd. 9Thaum nws nrhiav tau lawm, nws txawm hu nws tej phoojywg thiab tej neeg zejzog tuaj uake thiab hais rau lawv tias, ‘Nej ciali nrog kuv zoosiab, kuv twb nrhiav tau kuv npib nyiaj uas ploj lawm!’ 10Ib yam nkaus li ntawd, Kuv qhia rau nej hais tias, thaum ib tug neeg txhaum tso nws tej kev txhaum tseg, mas Vajtswv cov timtswv ceebtsheej yuav zoosiab kawg nkaus.”
Tus Tub Uas Ploj Lawm
11Yexus hais ntxiv hais tias, “Muaj ib leejtxiv uas muaj ob tug tub. 12Tus tub yau hais rau nws txiv hais tias, ‘Txiv, thov koj muab tej teejtug uas yog kuv feem los rau kuv.’ Yogli ntawd, leejtxiv thiaj muab nws tej teejtug los faib rau nws ob tug tub.
13“Hnub puav tomqab ntawd, ces tus tub yau txawm muab nws tej teejtug muag thiab nqa cov nyiaj ntawd khiav mus rau lwm lub tebchaws uas deb-deb, thiab muab nws tej nyiaj ntawd siv ua-dog ua-dig tas. 14Tomqab nws muab nws tej nyiaj siv tas lawm, txawm muaj kev tshaib nqhis thoobplaws lub tebchaws, tiamsis nws yeej tsis tshuav dabtsi li lawm. 15Yogli ntawd, nws thiaj mus thov ua zog rau ntawm ib tug txivneej uas yog pejxeem hauv lub nroog ntawd, tus yawg ntawd thiaj txib nws mus yug npua tom teb. 16Nws xav noj cov plhaub taum uas cov npua tabtom noj ntawd kom tsau plab, tiamsis tsis muaj leejtwg yuav muab rau nws noj li.
17“Thaum nws pom nws tuskheej zooli ntawd lawm, nws thiaj hais tias, ‘Tagnrho kuv txiv cov tubzog puavleej muaj noj seem noj so, uacas kuv ho tshaib plab tshuav tuag nyob rau ntawm no! 18Kuv yuav sawvtsees rov mus cuag kuv txiv thiab hais rau nws tias, “Txiv, kuv tau ua txhaum rau Vajtswv thiab tau ua txhaum rau koj lawm. 19Kuv tsis tsimnyog uas yuav ua koj tus tub ntxiv lawm; thov koj suav kuv ib yam li kuv yog koj ib tug tubzog xwb.” ’ 20Ces nws txawm sawvtsees taug kev rov mus cuag nws txiv.
“Thaum nws tseem nyob hov deb uas tsis tau txog tsev, nws txiv txawm pom nws; nws txiv hlub nws kawg nkaus, nws txiv txawm khiav loo mus thiab puag nkaus nws thiab nwj kiag nws. 21Tus tub hais rau leejtxiv tias, ‘Txiv, kuv tau ua txhaum rau Vajtswv thiab tau ua txhaum rau koj lawm. Kuv tsis tsimnyog ua koj tus tub ntxiv lawm.’ 22Tiamsis leejtxiv hais rau nws cov tubqhe tias, ‘Nej ciali tsuag-tsuag nqa lub tsho ntev uas zoo tshajplaws tuaj rau nws hnav. Muab lub nplhaib rau nws coj thiab muab khau rau nws rau. 23Mus muab tus xyuas nyuj uas rog-rog coj los tua ua ib rooj mov rau sawvdaws noj ua kev zoosiab! 24Rauqhov kuv tus tub no twb tuag lawm tiamsis nimno rov ciajsia lawm; nws twb ploj lawm tiamsis nimno rov nrhiav tau lawm.’ Ces sawvdaws txawm pib nojhaus ua kev zoosiab.
25“Lub sijhawm ntawd tus tub hlob tseem nyob tom teb. Thaum nws rov tom teb los yuav txog tsev, nws hnov tej suab raj suab nkauj nogncas thiab suab seevcev nrov hauv tsev tuaj. 26Yogli ntawd, nws thiaj hu ib tug tubqhe tuaj thiab nug hais tias, ‘Lawv ua dabtsi hauv tsev?’ 27Tus tubqhe ntawd teb tias, ‘Koj tus kwv rovqab los lawm. Koj txiv tau muab tus xyuas nyuj uas rog-rog los tua noj, rauqhov koj tus kwv rov los, nws tseem nojqab nyobzoo.’
28“Tus tijlaug chim heev, nws thiajli tsis kam mus rau hauv tsev. Yogli ntawd, nws txiv thiaj tawm tuaj thov kom nws mus hauv tsev. 29Nws teb nws txiv hais tias, ‘Txiv, koj puas pom, kuv tau ua haujlwm rau koj yam li ib tug qhev los txog tav no, kuv yeej tsis tau tawv koj ib zaug li. Koj twb tsis pub ib nyuag yam dabtsi rau kuv. Txawm yog ib tug nyuag menyuam tshis xwb los koj twb tsis muab rau kuv tua ua ib pluag noj ua kev zoosiab nrog kuv tej phoojywg li! 30Tiamsis koj tus nyuag tub no coj koj tej cuabtxhiaj cuabtam mus phob phuamlam nrog tej niamntiav tas, thaum nws rovqab los tsev, koj tseem muab tus menyuam nyuj rog-rog tua rau nws noj thiab!’
31“Leejtxiv teb tias, ‘Metub 'e, koj yeej ibtxwm nrog kuv nyob, thiab txhua yam uas kuv muaj puavleej yog koj li. 32Yeej tsimnyog uas peb ua ib rooj mov noj thiab zoosiab, vim koj tus kwv no twb tuag lawm tiamsis nimno rov ciajsia los, nws twb ploj lawm tiamsis nimno rov nrhiav tau los.’ ”
S'ha seleccionat:
Lukas 15: MWW2022
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.
Lukas 15
15
Tus Yaj Uas Ploj Lawm
(Mathais 18:12-14)
1Muaj ib hnub thaum cov neeg sau se thiab cov neeg txhaum tuaj mloog Yexus qhia, 2cov Falixais thiab cov xibhwb uas qhia Kevcai txawm yws hais tias, “Tus txivneej no tostxais cov neeg txhaum thiab nrog lawv noj mov uake!” #Lukas 5:29-30 3Yogli ntawd, Yexus thiaj hais ib zaj lus pivtxwv rau lawv mloog hais tias:
4“Pivxam hais tias ib tug ntawm nej cov no muaj ibpuas tus yaj tiamsis ib tug ciali ploj lawm, tus tswv yaj yuav ua licas? Nws yeej yuav tso cuajcaum-cuaj tus cia rau tom tshav zaub, thiab mus nrhiav kom tau tus uas ploj lawm. 5Thaum nws nrhiav tau lawm, nws yuav zoosiab heev thiab muab tsaws hlo rau saum xubpwg 6kwv rov los tsev. Ces nws txawm hu nws tej phoojywg thiab tej kwvtij zejzog tuaj uake thiab hais rau lawv tias, ‘Nej ciali nrog kuv zoosiab, rauqhov kuv twb mus nrhiav tau kuv tus yaj uas ploj lawm!’ 7Ib yam nkaus li ntawd, Kuv qhia rau nej hais tias, thaum ib tug neeg txhaum tso nws tej kev txhaum tseg, mas saum ntuj ceebtsheej yuav muaj kev zoosiab rau nws heev dua li cuajcaum-cuaj tus neeg ncajncees uas lawv tsis cheemtsum yuav tso lawv tej kev txhaum tseg.
Npib Nyiaj Uas Ploj Lawm
8“Lossis pivxam hais tias muaj ib tug pojniam muaj kaum lub npib nyiaj tiamsis ib lub ciali ploj lawm. Tus pojniam ntawd yuav ua licas? Nws yeej yuav taws teeb, cheb txhuanrho nws lub tsev, thiab ua tibzoo tshawb nrhiav txhua qhov chaw kom tau lub npib nyiaj ntawd. 9Thaum nws nrhiav tau lawm, nws txawm hu nws tej phoojywg thiab tej neeg zejzog tuaj uake thiab hais rau lawv tias, ‘Nej ciali nrog kuv zoosiab, kuv twb nrhiav tau kuv npib nyiaj uas ploj lawm!’ 10Ib yam nkaus li ntawd, Kuv qhia rau nej hais tias, thaum ib tug neeg txhaum tso nws tej kev txhaum tseg, mas Vajtswv cov timtswv ceebtsheej yuav zoosiab kawg nkaus.”
Tus Tub Uas Ploj Lawm
11Yexus hais ntxiv hais tias, “Muaj ib leejtxiv uas muaj ob tug tub. 12Tus tub yau hais rau nws txiv hais tias, ‘Txiv, thov koj muab tej teejtug uas yog kuv feem los rau kuv.’ Yogli ntawd, leejtxiv thiaj muab nws tej teejtug los faib rau nws ob tug tub.
13“Hnub puav tomqab ntawd, ces tus tub yau txawm muab nws tej teejtug muag thiab nqa cov nyiaj ntawd khiav mus rau lwm lub tebchaws uas deb-deb, thiab muab nws tej nyiaj ntawd siv ua-dog ua-dig tas. 14Tomqab nws muab nws tej nyiaj siv tas lawm, txawm muaj kev tshaib nqhis thoobplaws lub tebchaws, tiamsis nws yeej tsis tshuav dabtsi li lawm. 15Yogli ntawd, nws thiaj mus thov ua zog rau ntawm ib tug txivneej uas yog pejxeem hauv lub nroog ntawd, tus yawg ntawd thiaj txib nws mus yug npua tom teb. 16Nws xav noj cov plhaub taum uas cov npua tabtom noj ntawd kom tsau plab, tiamsis tsis muaj leejtwg yuav muab rau nws noj li.
17“Thaum nws pom nws tuskheej zooli ntawd lawm, nws thiaj hais tias, ‘Tagnrho kuv txiv cov tubzog puavleej muaj noj seem noj so, uacas kuv ho tshaib plab tshuav tuag nyob rau ntawm no! 18Kuv yuav sawvtsees rov mus cuag kuv txiv thiab hais rau nws tias, “Txiv, kuv tau ua txhaum rau Vajtswv thiab tau ua txhaum rau koj lawm. 19Kuv tsis tsimnyog uas yuav ua koj tus tub ntxiv lawm; thov koj suav kuv ib yam li kuv yog koj ib tug tubzog xwb.” ’ 20Ces nws txawm sawvtsees taug kev rov mus cuag nws txiv.
“Thaum nws tseem nyob hov deb uas tsis tau txog tsev, nws txiv txawm pom nws; nws txiv hlub nws kawg nkaus, nws txiv txawm khiav loo mus thiab puag nkaus nws thiab nwj kiag nws. 21Tus tub hais rau leejtxiv tias, ‘Txiv, kuv tau ua txhaum rau Vajtswv thiab tau ua txhaum rau koj lawm. Kuv tsis tsimnyog ua koj tus tub ntxiv lawm.’ 22Tiamsis leejtxiv hais rau nws cov tubqhe tias, ‘Nej ciali tsuag-tsuag nqa lub tsho ntev uas zoo tshajplaws tuaj rau nws hnav. Muab lub nplhaib rau nws coj thiab muab khau rau nws rau. 23Mus muab tus xyuas nyuj uas rog-rog coj los tua ua ib rooj mov rau sawvdaws noj ua kev zoosiab! 24Rauqhov kuv tus tub no twb tuag lawm tiamsis nimno rov ciajsia lawm; nws twb ploj lawm tiamsis nimno rov nrhiav tau lawm.’ Ces sawvdaws txawm pib nojhaus ua kev zoosiab.
25“Lub sijhawm ntawd tus tub hlob tseem nyob tom teb. Thaum nws rov tom teb los yuav txog tsev, nws hnov tej suab raj suab nkauj nogncas thiab suab seevcev nrov hauv tsev tuaj. 26Yogli ntawd, nws thiaj hu ib tug tubqhe tuaj thiab nug hais tias, ‘Lawv ua dabtsi hauv tsev?’ 27Tus tubqhe ntawd teb tias, ‘Koj tus kwv rovqab los lawm. Koj txiv tau muab tus xyuas nyuj uas rog-rog los tua noj, rauqhov koj tus kwv rov los, nws tseem nojqab nyobzoo.’
28“Tus tijlaug chim heev, nws thiajli tsis kam mus rau hauv tsev. Yogli ntawd, nws txiv thiaj tawm tuaj thov kom nws mus hauv tsev. 29Nws teb nws txiv hais tias, ‘Txiv, koj puas pom, kuv tau ua haujlwm rau koj yam li ib tug qhev los txog tav no, kuv yeej tsis tau tawv koj ib zaug li. Koj twb tsis pub ib nyuag yam dabtsi rau kuv. Txawm yog ib tug nyuag menyuam tshis xwb los koj twb tsis muab rau kuv tua ua ib pluag noj ua kev zoosiab nrog kuv tej phoojywg li! 30Tiamsis koj tus nyuag tub no coj koj tej cuabtxhiaj cuabtam mus phob phuamlam nrog tej niamntiav tas, thaum nws rovqab los tsev, koj tseem muab tus menyuam nyuj rog-rog tua rau nws noj thiab!’
31“Leejtxiv teb tias, ‘Metub 'e, koj yeej ibtxwm nrog kuv nyob, thiab txhua yam uas kuv muaj puavleej yog koj li. 32Yeej tsimnyog uas peb ua ib rooj mov noj thiab zoosiab, vim koj tus kwv no twb tuag lawm tiamsis nimno rov ciajsia los, nws twb ploj lawm tiamsis nimno rov nrhiav tau los.’ ”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.