Lukas 17
17
Kev Txhaum
(Mathais 18:6-7, 21-22; Malakaus 9:42)
1Yexus hais rau Nws cov thwjtim hais tias, “Txawm licas los yeej yuav muaj tej keeb uas ua rau neeg ua txhaum, tiamsis tus uas xeeb lub keeb ntawd yuav raug kev puastsuaj! 2Tus uas ua rau cov menyuam no ib tug ua txhaum, ciali muab hlua khi ib txhibzeb uas loj dai rau tus ntawd cajdab thiab muab nws pov rau hauv hiavtxwv kuj zoo dua! 3Yogli ntawd, nej yuavtsum ceevfaj txog yam uas nej ua! #Math 18:15
“Yog koj ib tug kwvtij ua txhaum rau koj, koj yuavtsum ntuas nws. Yog nws lees kev txhaum lawm, koj yuavtsum zamtxim rau nws. 4Yog ib hnub nws ua txhaum rau koj xya zaus, tiamsis nws yeej rov tuaj lees rau koj txog xya zaus hais tias, ‘Kuv tau ua txhaum lawm,’ los koj yuavtsum tau zamtxim rau nws.”
Kev Ntseeg
5Cov timthawj hais rau tus Tswv tias, “Thov Koj ua kom peb kev ntseeg loj tuaj.”
6Tus Tswv teb tias, “Yog nej muaj kev ntseeg luaj li ib lub noob maxataj, nej muaj peevxwm hais rau tsob ntoo zaub kab no tias, ‘Ciali rho hlo cag thiab mus cog rau hauv hiavtxwv!’ ces tsob ntoo zaub kab ntawd yeej yuav mloog nej hais.
Tus Tubtxib Tes Haujlwm
7“Pivxam hais tias ib tug ntawm nej pab ko muaj ib tug tubtxib uas tseem laijliag lossis tseem yug yaj. Thaum nws rovqab nram liaj los, nej puas yuav hais rau tus tubtxib ntawd tias, ‘Koj ciali los noj mov’? 8Nej yeej yuav tsis hais li ntawd! Nej yuav hais rau nws tias, ‘Ciali mus npaj kuv pluas hmo kom txhij, muab daim ntaub thaiv xubntiag los khi ntawm duav thiab daus zaub daus mov rau kuv thaum kuv tseem tabtom nojhaus; tomqab ntawd koj mamli noj.’ 9Nej puas yuav ua tus tubtxib ntawd tsaug vim nws ua rawsli qhov uas nej hais kom nws ua? 10Nej los kuj ib yam nkaus thiab; thaum nej ua txhua yam rawsli nej raug txib lawm, nej yuav hais tias, ‘Peb yog ib co tubtxib uas tsis tseemceeb dabtsi, peb tsuas ua rawsli peb tes haujlwm xwb.’ ”
Yexus Kho Kaum Tus Txivneej Mob Ruas
11Thaum Yexus mus nram lub nroog Yeluxalees, Nws tau taug kev raws tus ciamteb xeev Xamalis thiab xeev Kalilais mus. 12Thaum Nws tabtom mus rau hauv ib lub zos, txawm muaj kaum tus txivneej mob ruas#17:12: mob ruas: lus Kilis siv lolus no rau ntau yam kab mob uas yog mob phem-phem rau ntawm daim tawv nqaij, kuj yuav tsis yog kiag mob ruas thiab. los ntsib Nws. Lawv sawv deb-deb 13thiab hu nrov-nrov hais tias, “Yexus, tus Tswv, thov Koj tabncuab peb thiab lau!”
14Thaum Yexus pom lawv, Nws hais rau lawv tias, “Nej ciali mus cuag cov povthawj hlob kom lawv tshuaj saib nej.” #Levi 14:1-32
Thaum lawv tabtom taug kev mus, lawv tej ruas ciali zoo lawm.#17:14: ciali zoo lawm: Saib 5:12. 15Lawv cov ntawd muaj ib tug pom tias nws tej ruas twb zoo tas lawm, nws txawm rovqab los thiab qw nrov-nrov qhuas Vajtswv. 16Nws txhoscaug ntua ntawm Yexus kotaw thiab ua Yexus tsaug. Tus ntawd yog neeg Xamalis. 17Yexus hais tias, “Muaj kaum leej twb zoo huv tibsi lawm; cuaj leeg i ne, ho dua twg lawm? 18Vim licas tsuas muaj tibtug no uas yog Lwm Haivneeg thiaj rov los ua Vajtswv tsaug xwb?” 19Ces Yexus txawm hais rau tus ntawd tias, “Koj ciali sawv thiab mus; koj txoj kev ntseeg twb ua rau koj zoo lawm.”
Vajtswv Lub Tebchaws Yuav Los
(Mathais 24:23-28, 37-41)
20Cov Falixais muaj qeeleej nug Yexus hais tias thaum twg Vajtswv lub Tebchaws mamli los? Yexus teb tias, “Vajtswv lub Tebchaws yuav tsis los zooli tej yam dabtsi uas neeg yuav pom tau. 21Tsis muaj leejtwg yuav hais tias, ‘Nej saib seb, nws nyob ntawm no!’ lossis ‘Nws nyob tod!’; Rauqhov Vajtswv lub Tebchaws twb nyob rau hauv nej lawm.”#17:21: nyob rau hauv nej lawm; lossis nyob nruabnrab ntawm nej; lossis yuav ciali tshwm los rau ntawm nej.
22Yexus txawm hais rau cov thwjtim tias, “Yeej yuav muaj ib lub sijhawm uas nej xav pom hnub uas Neeg Leejtub rov los, tiamsis nej yuav tsis pom. 23Yuav muaj neeg hais rau nej hais tias, ‘Nej mus saib tod seb!’ lossis ‘Nej los saib ntawm no!’ Tiamsis nej tsis txhob mus thiab tsis txhob khiav raws lawv qab. 24Hnub uas Neeg Leejtub los, yuav zooli xob laim saum nruabntug, ib sab ntuj mus rau ib sab ntuj. 25Tiamsis uantej ntawd, Nws yuavtsum raug kev tsimtxom ntau yam thiab cov neeg tiam no yuav tsis lees yuav Nws.
26“Tiam uas Nau-as ua neej nyob zoo licas, ces lub sijhawm uas Neeg Leejtub los yuav zoo ib yam nkaus li ntawd. #Chiv 6:5-8 27Tej neeg sawvdaws niajhnub noj thiab haus, yuav pojniam yuav txiv, thiab ua tshoob ua kos mus txog ntua hnub uas Nau-as nce mus rau hauv nkoj, thiab dej los nyab tej neeg ntawd tuag tas huv tibsi. #Chiv 7:6-24 28Lub sijhawm uas Neeg Leejtub los yuav zoo ib yam nkaus li tiam uas Lauj nyob. Tej neeg sawvdaws niajhnub noj thiab haus, ua lag ua luam, cog qoob cog loo thiab ua vaj ua tsev. #Chiv 18:20—19:25 29Tiamsis hnub uas Lauj tawm hauv lub nroog Xaudoos mus, txawm muaj nplaimtaws leejfaj poob saum ntuj los kub lawv tuag tas huv tibsi. 30Hnub uas Neeg Leejtub los, yuav zoo ib yam nkaus li ntawd.
31“Hnub ntawd tus uas nyob saum rutsev, txheej tsev lastshav, tsis txhob nqis mus nqa ib yam dabtsi hauv tsev tawm; ib yam nkaus li ntawd, tus uas nyob tom teb lawm, tsis txhob rov los rau hauv tsev. #Math 24:17-18; Malak 13:15-16 32Ncontsoov txog Lauj tus pojniam! #Chiv 19:26 33Tus uas xav ceev nws txojsia, tus ntawd yuav plam txojsia, tiamsis tus uas yeem cia nws txojsia tu, tus ntawd yuav tau txojsia. #Math 10:39; 16:25; Malak 8:35; Lukas 9:24; Yauh 12:25 34Kuv qhia rau nej hais tias, hmo ntawd txawm yog ob tug neeg pw ua ib txag los yuav coj ib tug mus, yuav tseg ib tug cia. 35Ob tug pojniam tabtom zomzeb uake los yuav coj ib tug mus, yuav tseg ib tug cia.” 36#17:36: Tej phau ntawv qub uas xuas tes sau, ntxiv nqe 36 no rau: 2 tug txivneej uas tseem tabtom ua haujlwm tom teb los yuav coj ib tug mus, tseg ib tug cia (saib Mathais 24:40).
37Cov thwjtim nug Yexus hais tias, “Tus Tswv, yuav muaj li ntawd nyob rau qhovtwg?”
Yexus teb tias, “Lub cev tuag nyob qhovtwg, ces dav lwjhau yuav sau nthwv mus rau qhov ntawd.”
S'ha seleccionat:
Lukas 17: MWW2022
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.
Lukas 17
17
Kev Txhaum
(Mathais 18:6-7, 21-22; Malakaus 9:42)
1Yexus hais rau Nws cov thwjtim hais tias, “Txawm licas los yeej yuav muaj tej keeb uas ua rau neeg ua txhaum, tiamsis tus uas xeeb lub keeb ntawd yuav raug kev puastsuaj! 2Tus uas ua rau cov menyuam no ib tug ua txhaum, ciali muab hlua khi ib txhibzeb uas loj dai rau tus ntawd cajdab thiab muab nws pov rau hauv hiavtxwv kuj zoo dua! 3Yogli ntawd, nej yuavtsum ceevfaj txog yam uas nej ua! #Math 18:15
“Yog koj ib tug kwvtij ua txhaum rau koj, koj yuavtsum ntuas nws. Yog nws lees kev txhaum lawm, koj yuavtsum zamtxim rau nws. 4Yog ib hnub nws ua txhaum rau koj xya zaus, tiamsis nws yeej rov tuaj lees rau koj txog xya zaus hais tias, ‘Kuv tau ua txhaum lawm,’ los koj yuavtsum tau zamtxim rau nws.”
Kev Ntseeg
5Cov timthawj hais rau tus Tswv tias, “Thov Koj ua kom peb kev ntseeg loj tuaj.”
6Tus Tswv teb tias, “Yog nej muaj kev ntseeg luaj li ib lub noob maxataj, nej muaj peevxwm hais rau tsob ntoo zaub kab no tias, ‘Ciali rho hlo cag thiab mus cog rau hauv hiavtxwv!’ ces tsob ntoo zaub kab ntawd yeej yuav mloog nej hais.
Tus Tubtxib Tes Haujlwm
7“Pivxam hais tias ib tug ntawm nej pab ko muaj ib tug tubtxib uas tseem laijliag lossis tseem yug yaj. Thaum nws rovqab nram liaj los, nej puas yuav hais rau tus tubtxib ntawd tias, ‘Koj ciali los noj mov’? 8Nej yeej yuav tsis hais li ntawd! Nej yuav hais rau nws tias, ‘Ciali mus npaj kuv pluas hmo kom txhij, muab daim ntaub thaiv xubntiag los khi ntawm duav thiab daus zaub daus mov rau kuv thaum kuv tseem tabtom nojhaus; tomqab ntawd koj mamli noj.’ 9Nej puas yuav ua tus tubtxib ntawd tsaug vim nws ua rawsli qhov uas nej hais kom nws ua? 10Nej los kuj ib yam nkaus thiab; thaum nej ua txhua yam rawsli nej raug txib lawm, nej yuav hais tias, ‘Peb yog ib co tubtxib uas tsis tseemceeb dabtsi, peb tsuas ua rawsli peb tes haujlwm xwb.’ ”
Yexus Kho Kaum Tus Txivneej Mob Ruas
11Thaum Yexus mus nram lub nroog Yeluxalees, Nws tau taug kev raws tus ciamteb xeev Xamalis thiab xeev Kalilais mus. 12Thaum Nws tabtom mus rau hauv ib lub zos, txawm muaj kaum tus txivneej mob ruas#17:12: mob ruas: lus Kilis siv lolus no rau ntau yam kab mob uas yog mob phem-phem rau ntawm daim tawv nqaij, kuj yuav tsis yog kiag mob ruas thiab. los ntsib Nws. Lawv sawv deb-deb 13thiab hu nrov-nrov hais tias, “Yexus, tus Tswv, thov Koj tabncuab peb thiab lau!”
14Thaum Yexus pom lawv, Nws hais rau lawv tias, “Nej ciali mus cuag cov povthawj hlob kom lawv tshuaj saib nej.” #Levi 14:1-32
Thaum lawv tabtom taug kev mus, lawv tej ruas ciali zoo lawm.#17:14: ciali zoo lawm: Saib 5:12. 15Lawv cov ntawd muaj ib tug pom tias nws tej ruas twb zoo tas lawm, nws txawm rovqab los thiab qw nrov-nrov qhuas Vajtswv. 16Nws txhoscaug ntua ntawm Yexus kotaw thiab ua Yexus tsaug. Tus ntawd yog neeg Xamalis. 17Yexus hais tias, “Muaj kaum leej twb zoo huv tibsi lawm; cuaj leeg i ne, ho dua twg lawm? 18Vim licas tsuas muaj tibtug no uas yog Lwm Haivneeg thiaj rov los ua Vajtswv tsaug xwb?” 19Ces Yexus txawm hais rau tus ntawd tias, “Koj ciali sawv thiab mus; koj txoj kev ntseeg twb ua rau koj zoo lawm.”
Vajtswv Lub Tebchaws Yuav Los
(Mathais 24:23-28, 37-41)
20Cov Falixais muaj qeeleej nug Yexus hais tias thaum twg Vajtswv lub Tebchaws mamli los? Yexus teb tias, “Vajtswv lub Tebchaws yuav tsis los zooli tej yam dabtsi uas neeg yuav pom tau. 21Tsis muaj leejtwg yuav hais tias, ‘Nej saib seb, nws nyob ntawm no!’ lossis ‘Nws nyob tod!’; Rauqhov Vajtswv lub Tebchaws twb nyob rau hauv nej lawm.”#17:21: nyob rau hauv nej lawm; lossis nyob nruabnrab ntawm nej; lossis yuav ciali tshwm los rau ntawm nej.
22Yexus txawm hais rau cov thwjtim tias, “Yeej yuav muaj ib lub sijhawm uas nej xav pom hnub uas Neeg Leejtub rov los, tiamsis nej yuav tsis pom. 23Yuav muaj neeg hais rau nej hais tias, ‘Nej mus saib tod seb!’ lossis ‘Nej los saib ntawm no!’ Tiamsis nej tsis txhob mus thiab tsis txhob khiav raws lawv qab. 24Hnub uas Neeg Leejtub los, yuav zooli xob laim saum nruabntug, ib sab ntuj mus rau ib sab ntuj. 25Tiamsis uantej ntawd, Nws yuavtsum raug kev tsimtxom ntau yam thiab cov neeg tiam no yuav tsis lees yuav Nws.
26“Tiam uas Nau-as ua neej nyob zoo licas, ces lub sijhawm uas Neeg Leejtub los yuav zoo ib yam nkaus li ntawd. #Chiv 6:5-8 27Tej neeg sawvdaws niajhnub noj thiab haus, yuav pojniam yuav txiv, thiab ua tshoob ua kos mus txog ntua hnub uas Nau-as nce mus rau hauv nkoj, thiab dej los nyab tej neeg ntawd tuag tas huv tibsi. #Chiv 7:6-24 28Lub sijhawm uas Neeg Leejtub los yuav zoo ib yam nkaus li tiam uas Lauj nyob. Tej neeg sawvdaws niajhnub noj thiab haus, ua lag ua luam, cog qoob cog loo thiab ua vaj ua tsev. #Chiv 18:20—19:25 29Tiamsis hnub uas Lauj tawm hauv lub nroog Xaudoos mus, txawm muaj nplaimtaws leejfaj poob saum ntuj los kub lawv tuag tas huv tibsi. 30Hnub uas Neeg Leejtub los, yuav zoo ib yam nkaus li ntawd.
31“Hnub ntawd tus uas nyob saum rutsev, txheej tsev lastshav, tsis txhob nqis mus nqa ib yam dabtsi hauv tsev tawm; ib yam nkaus li ntawd, tus uas nyob tom teb lawm, tsis txhob rov los rau hauv tsev. #Math 24:17-18; Malak 13:15-16 32Ncontsoov txog Lauj tus pojniam! #Chiv 19:26 33Tus uas xav ceev nws txojsia, tus ntawd yuav plam txojsia, tiamsis tus uas yeem cia nws txojsia tu, tus ntawd yuav tau txojsia. #Math 10:39; 16:25; Malak 8:35; Lukas 9:24; Yauh 12:25 34Kuv qhia rau nej hais tias, hmo ntawd txawm yog ob tug neeg pw ua ib txag los yuav coj ib tug mus, yuav tseg ib tug cia. 35Ob tug pojniam tabtom zomzeb uake los yuav coj ib tug mus, yuav tseg ib tug cia.” 36#17:36: Tej phau ntawv qub uas xuas tes sau, ntxiv nqe 36 no rau: 2 tug txivneej uas tseem tabtom ua haujlwm tom teb los yuav coj ib tug mus, tseg ib tug cia (saib Mathais 24:40).
37Cov thwjtim nug Yexus hais tias, “Tus Tswv, yuav muaj li ntawd nyob rau qhovtwg?”
Yexus teb tias, “Lub cev tuag nyob qhovtwg, ces dav lwjhau yuav sau nthwv mus rau qhov ntawd.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.