Marcos 12
12
Chꞌin Jesús mé kjuíncheyóe̱xin ti chojni chꞌehya xra̱ jína
(Mt. 21:33-46; Lc. 20:9-19)
1 #
Is. 5:1, 2. *Ndá chꞌin Jesús kjuíncheyóe̱xin jnko nkehe, ndáchro:
―Ijnko nkexro kjue̱nka̱xin itsjé inta ito uva no̱nte̱e la ko kjuíchꞌéna korra la ko ijnko tòye̱ tsꞌéña sin ti to uva. La kjuíchꞌéna chꞌan ijnko tja̱tꞌo̱ imá noi kixin tsi̱tꞌótjen chꞌan tsokotohe̱ chꞌan nkuíxín.
’La kjuínchekjen chꞌan iso chojni sichꞌe ixra̱. Ndá sákjuí chꞌan ikjín. 2Ndá ti ó kjuixraká ti ña̱o tꞌóna ito, ndá kꞌue̱tue̱hen chꞌan ijnko ti nkexro chꞌexín ixra̱ kixin sátsjikjanchehe ti sin tꞌayakohen ti nonte ti nkehe tóhen chꞌan tókan. 3Ndá ti sin tꞌayakohen ti nonte mé itsé sin ti nkexro a, la kjuate sin la ninkehó chjéhya sin chꞌan ndá sákjuí chꞌan. 4A̱ndá ti ìnché ti nonte mé ichrꞌán chꞌan íjnko nkexro. Ndá ti ó kjuíji chꞌan ntiha, la kjuatexín sin chꞌan ixro̱, la kjuíncheníhi sin ikja chꞌan la ko kꞌuándaxíhi̱n sin chꞌan. 5Ndá ti ìnché ti nonte la ichrꞌán chꞌan íjnko nkexro. Ndá tíhi la kꞌóñá sin. Ndá chrꞌéxi̱n la ti ìnché ti nonte mé ichrꞌán chꞌan íso ti sin chꞌehe ixra̱ ti jehe chꞌan, kjánchó ti sin tjejó ntiha la kjuate sin la íso sin la kꞌóñá sin.
6’Ndá ó a̱ ti nkoko̱axón xje̱en chꞌan imá tjue̱he chꞌan, ichrꞌán chꞌan kixin kjuénka̱yáxin chꞌan: “Ti xja̱na la tsochóntehe sin kjuasàya.” 7Kjánchó ti sin tꞌayakohen ti nonte la ikjo kícho sin: “Ti nkexro i mé tsꞌáyéhe̱ kaín ti nkehe siín ntihi. Méxra̱ tsꞌóñáni chꞌan, ndá jeheni tsꞌáyéhe̱ni kaín tíhi”, ichro sin. 8Ndá itsé sin chꞌan, la kꞌóñá sin chꞌan, la kuakitsjexín sin chꞌan ti nonte a.
9Ndá kjuanchankí chꞌin Jesús, ndáchro:
―¿Nkehe sichꞌe ìnché ti nonte a? Kjá itsi chꞌan la tsꞌóñá chꞌan kaín ti sin tꞌayakohen ti nonte, ndá chróchjéhe chꞌan ókjé chojni sichꞌe ixra̱.
10 #
Sal. 118:22, 23. *’¿Á kjui̱nchekuáxinhñara ti xroon itén Díos? Ndáchro:
Ti ixro̱ náxrjónhña kuíto̱enta ti sin chꞌéna tja̱tꞌo̱,
mé kꞌóna ti xro̱ tjetoan.
11Mé xi̱kaha kjuíchꞌe Ìnchéni Díos,
la tíha mé ijnko nkehe imá náxrjón
―ichro chꞌin Jesús.
12Ndá tjinkaon sin chrótsé sin ti chꞌin Jesús chrókjua̱kꞌe̱chji̱na kixin kaín ti ndáchro chꞌan la jehe sin ndáchroxín chꞌan. Kjánchó chrakon sin kixin nchónhña chojni kóchjina ndá kuíto̱he sin chꞌan, sákjuí chꞌan.
¿Á jína chrókjue̱nke̱he sin gobierno?
(Mt. 22:15-22; Lc. 20:20-26)
13Ndá ichrꞌán sin iso ti sin fariseo la ko iso ti sin kuènté Herodes kixin tsjanchankíhi sin chꞌan iso nkehe kixin ti nduáhya tsjate̱he chꞌan la jína chrókjuanchia sin ijie̱. 14Ndá ti ó kjuíji sin ti itjen chꞌin Jesús, la ndáchro sin:
―Maestro, ó noheni kixin ti nkehe chro̱nka la chaxín ndoá la jehya nkexrín tsjehe chojni tjénka̱yáxixián kixin á jína sin la ko ndoá tjàkua nti̱e Díos. ¿Chro̱nka á jína chrókjue̱nke̱heni ti gobierno ní o̱ náhí? ¿Á ticháxi̱n tsje̱nke̱heni sin ní o̱ náhí?
15Kjánchó chꞌin Jesús kjuátso̱an ti nkehe nduáhya tjenka̱yáxin sin, la ndáchro chꞌan:
―Jehya jína kixin tjácha̱xi̱nrani. Xrákoara ijnko chichaon kixin tsotsjaha̱.
16Ndá ti ó kjuajon sin ijnko ti chichaon, la kjuanchankí chꞌan:
―¿Nkexro ti tjenkáni ti chichaon i la ko nkexro ihni̱é chónta?
Ndá jehe sin ndáchro sin:
―Chꞌin César.
17Ndá chꞌin Jesús, ndáchro:
―Chje̱héra César ti nkehe kuènté chꞌan; a̱ndá ti nkehe kuènté Díos la chje̱héra Díos ―ichro chꞌan.
Ndá chrákon sin kixin xi̱kaha kjuáte̱he chꞌan.
Kjuanchankí sin kuènté ti tsoxechón chojni
(Mt. 22:23-33; Lc. 20:27-40)
18 #
Hch. 23:8. *Ndá kóchjina ti sin saduceo titekakonhña kixin tsoxechón ti chojni tsíkꞌen la kjuanchankíhi sin chꞌin Jesús, ndáchro sin:
19 #
Dt. 25:5. *―Maestro, Moisés mé tsíkjin xroon ndáchro kixin ti itsꞌen ijnko sa̱vé chojni la na̱xa̱ itjen ti ichjién chꞌan la kꞌuíkonhña sin ixjan la ti kícho ti nkexro tsíkꞌen mé chrókuákja ti tjan ikꞌán, ndá ti xje̱en sin mé tsꞌóna éxi xje̱en ti nkexro kꞌuén. 20La ntihi kꞌuejó yato sin nkoko̱a kícho. Ndá ti chꞌin sa̱o mé kꞌuitja ichjién. Ndá ikꞌuén chꞌan, kjánchó ninkehó xjan kꞌuíkonhña sin. 21Ndá ti chꞌin tsoyo mé kuákja chꞌan ti tjan ikꞌán ndá ikꞌuén chꞌan kja̱xin, la kꞌuíkonhña sin ixjan. Ndá ti chꞌin níxin kuákja chꞌan ti tjan a la xi̱kaha kóhen ínaá. 22La xi̱kaha ti yato sin kuákja sin ti tjan a la kaín sin ikꞌuén sin la ninkehó ixjan kꞌuíkonhña sin. Ndá kjuixixín la ikꞌuén tjan kja̱xin tjan. 23Ndá ti ó tsoxechón kaín chojni la, ¿nkexro tsꞌóna xìi tjan kixin kaín ti yato sin kóte̱he̱ tjan?
24Ndá kjuáte̱he chꞌin Jesús, ndáchro:
―Nduáhya tjénka̱yáxinra jahara kixin noahñara nkehe ndáchro ti xroon itén Díos la ko chonhñara ti kjuachaxíen Díos. 25Kixin ti ó tsoxechón ti chojni tsíkꞌen la í tso̱te̱ehya sin la ko tsjajonhña sin xje̱en sin tso̱te̱he kixin tsꞌejó sin éxi ti sin ángel tsꞌejó nkaya nka̱jní. 26#Ex. 3:6.*Ti ña̱o tsoxechón ti sin tsíkꞌen, la, ¿á kjui̱nchekuáxinhñara ti xroon tsíkjin Moisés chrónka nkexrín nixje̱xín chꞌan Díos ijnko ntayoa tjeche ní?, la ndáchro: “Janhan mé ti Díos tinkáchónki chꞌin Abraham, Isaac la ko Jacob.” 27Méxra̱ ti Díos i la jehya Díos kuènté ti sin tsíkꞌen. Náhí. Jehe chꞌan mé Díos kuènté ti sin tjejóchón. Ndá jahara la tiénxinhñara la nduáhya tjénka̱yáxinra.
Ti nkehe a̱ntsí tjetoan tsíkꞌe̱to̱an Díos
(Mt. 22:34-40)
28Ndá ikui ijnko chꞌin tjako ley kuíhin nkexrín kjua̱cha̱xi̱n sin chꞌin Jesús, la kuíhin chꞌan kixin jína kjuáte̱he chꞌan. Ndá kjuanchankí chꞌan, ndáchro chꞌan:
―¿Nkexéhe ti nkehe a̱ntsí tjetoan kꞌue̱to̱an Díos?
29 #
Dt. 6:4, 5. *Ndá kjuáte̱he chꞌin Jesús, ndáchro:
―Ti nkehe a̱ntsí tjetoan kꞌue̱to̱an Díos la tíhi: “Tihínra kaínra chojni Israel, Ìnchéni Díos mé nkoko̱a la kohya íjnko nkexro. 30Kaín a̱sánra la ko kaín kjuaxrexinkaon kuèntára la ko kaín ti fuerza kuèntára chrótjuèxínra Díos.” Tíhi ti nkehe a̱ntsí tjetoan tsíkꞌe̱to̱an Díos. 31#Lv. 19:18.*A̱ndá ti nkehe yaáxin la tóyóhe̱ tíhi mé ndáchro: “Chrotjue̱héra kichuara éxi tju̱éxinra a̱sánra”, tíhi ti tsíkꞌe̱to̱an Díos la kohya íjnko nkehe a̱ntsí tjetoan ―ichro chꞌin Jesús.
32 #
Dt. 4:35. *Ndá kjuáte̱he ti nkexro tjako ndáchro:
―Ndoá ndáchrua, Maestro, kixin chaxín itjen nkoko̱axón Díos la í kohya íjnko. 33#Os. 6:6.*Noheni kixin kaín a̱séni la ko kaín kjuaxrexinkaon kuènténi la ko kaín fuerza kuènténi chrótjuèxíni Díos la ko chrótjue̱heni kíchóni éxi tju̱éxini a̱séni. Tíha mé a̱ntsí sínkí, ke ti iko chrókꞌóñáni chrókjuajoni chritaón ti altar chróchróxihini Díos.
34 #
Lc. 10:25-28. *Ndá ti ó kꞌuíkon chꞌin Jesús kixin jína kjuénka̱yáxin ti nkexro a, la ndáchro chꞌan:
―Jaha la kjínhña itjen ti itjen kjuachaxin kuènté Díos.
Ndá kóxakohen sin la í ninkexró kjuanchankíhya íjnko nkehe.
¿Xá nkexro Itꞌé ti Cristo?
(Mt. 22:41-46; Lc. 20:41-44)
35Ndá chꞌin Jesús kjuako chꞌan ti ni̱nko, ndáchro chꞌan:
―¿Nkexrín kixin ti sin tjako ley mé ndáchro sin kixin ti Cristo la tsꞌaxrjeníxin ti chꞌin David? 36#Sal. 110:1.*Kixin ti Ncha̱kuén Díos níxja̱xi̱n chꞌin David, ndáchro:
Ìnchéni Díos ndáche ti Ìnchéni:
“Tjakꞌe tjaná chjina hasta tsétua̱njña,
kixin kaín ti sin nínkakohan tsꞌejó sin chrínkí to̱tá la tsétue̱hén sin.”
37¿Xá nkexrín kixin Cristo chrókꞌóna xje̱en chꞌin David kixin jehe chꞌan ndáchro chꞌan kixin Ìnché chꞌan ti Cristo? ―ichro chꞌan.
Ndá itsjé chojni kuíhin sin la kóxríhi̱n sin ti nkehe kjuako chꞌan.
Chꞌin Jesús chrónka nkehe ichꞌe ti sin tjako ley
(Mt. 23:1-36; Lc. 11:37-54; 20:45-47)
38Ndá chꞌin Jesús kjuako ndáchro:
―Tankíehyara ti sin tjako ley. Jehe sin mé tóxríhi̱n sin chrókꞌuinkáya sin ika kjíjin la ko tjinkaon sin kixin kaín ti chojni tsoxéta sin nti̱a la tsjikosáyehe ti jehe sin. 39La ko tjeyá sin ti nketí a̱ntsí náxrjón tsꞌejótja̱xi̱n sin ti nkaxehen ni̱nko. La ko ti ó tsikjinie sin la tjeyá sin ti silla a̱ntsí náxrjón tsꞌejótja̱xi̱n sin sinie sin. 40La takitsje sin ndo̱e ti chojni ikꞌán. La chꞌiyaxón sin, isé nixje̱he̱ sin Díos kixin tsondáchro chojni kixin imá jína sin. Ti sin a mé a̱ntsí tsjasóte sin.
Ti nkehe kjuajon ti tjan ikꞌán
(Lc. 21:1-4)
41A̱ndá tjetja̱xi̱n chꞌin Jesús nkaxehen ni̱nko chjina itjen ti ntacajón tóxroyéya chichaon. La tjetsjehe chꞌan nkexrín nchónhña chojni chrꞌáxehen sin chichaon ti ntacajón. La kja̱xin itsjé ti sin rico chrꞌáxehen sin nchónhña chichaon ti ntacajón. 42Ndá kja̱xin ikjui ijnko tjan kꞌán la ko nóa mé chrꞌáxehen tjan ti ntacajón yaá chichaon kanhñó sínkí. 43Ndá chꞌin Jesús kꞌuéye̱he̱ chꞌan ti sin kꞌuájiko chꞌan, la ndáchro chꞌan:
―Chaxín ndáxrja̱n kixin ti tjan kꞌán i, nóa tjan, kjánchó a̱ntsí itsjé chrꞌáxehen tjan ti ntacajón ke ti íso sin 44kixin kaín sin la tjajon sin ti chichaon tsíxéhe̱ sin ó. Ndá jehe tjan la kjónté nóa tjan, la kjuajon tjan kaín ti chichaon kꞌuéchónta tjan chrókꞌuite nkehe chrókjonie tjan.
S'ha seleccionat:
Marcos 12: poeNTplus
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2016, Wycliffe Bible Translators, Inc. All rights reserved.
Marcos 12
12
Chꞌin Jesús mé kjuíncheyóe̱xin ti chojni chꞌehya xra̱ jína
(Mt. 21:33-46; Lc. 20:9-19)
1 #
Is. 5:1, 2. *Ndá chꞌin Jesús kjuíncheyóe̱xin jnko nkehe, ndáchro:
―Ijnko nkexro kjue̱nka̱xin itsjé inta ito uva no̱nte̱e la ko kjuíchꞌéna korra la ko ijnko tòye̱ tsꞌéña sin ti to uva. La kjuíchꞌéna chꞌan ijnko tja̱tꞌo̱ imá noi kixin tsi̱tꞌótjen chꞌan tsokotohe̱ chꞌan nkuíxín.
’La kjuínchekjen chꞌan iso chojni sichꞌe ixra̱. Ndá sákjuí chꞌan ikjín. 2Ndá ti ó kjuixraká ti ña̱o tꞌóna ito, ndá kꞌue̱tue̱hen chꞌan ijnko ti nkexro chꞌexín ixra̱ kixin sátsjikjanchehe ti sin tꞌayakohen ti nonte ti nkehe tóhen chꞌan tókan. 3Ndá ti sin tꞌayakohen ti nonte mé itsé sin ti nkexro a, la kjuate sin la ninkehó chjéhya sin chꞌan ndá sákjuí chꞌan. 4A̱ndá ti ìnché ti nonte mé ichrꞌán chꞌan íjnko nkexro. Ndá ti ó kjuíji chꞌan ntiha, la kjuatexín sin chꞌan ixro̱, la kjuíncheníhi sin ikja chꞌan la ko kꞌuándaxíhi̱n sin chꞌan. 5Ndá ti ìnché ti nonte la ichrꞌán chꞌan íjnko nkexro. Ndá tíhi la kꞌóñá sin. Ndá chrꞌéxi̱n la ti ìnché ti nonte mé ichrꞌán chꞌan íso ti sin chꞌehe ixra̱ ti jehe chꞌan, kjánchó ti sin tjejó ntiha la kjuate sin la íso sin la kꞌóñá sin.
6’Ndá ó a̱ ti nkoko̱axón xje̱en chꞌan imá tjue̱he chꞌan, ichrꞌán chꞌan kixin kjuénka̱yáxin chꞌan: “Ti xja̱na la tsochóntehe sin kjuasàya.” 7Kjánchó ti sin tꞌayakohen ti nonte la ikjo kícho sin: “Ti nkexro i mé tsꞌáyéhe̱ kaín ti nkehe siín ntihi. Méxra̱ tsꞌóñáni chꞌan, ndá jeheni tsꞌáyéhe̱ni kaín tíhi”, ichro sin. 8Ndá itsé sin chꞌan, la kꞌóñá sin chꞌan, la kuakitsjexín sin chꞌan ti nonte a.
9Ndá kjuanchankí chꞌin Jesús, ndáchro:
―¿Nkehe sichꞌe ìnché ti nonte a? Kjá itsi chꞌan la tsꞌóñá chꞌan kaín ti sin tꞌayakohen ti nonte, ndá chróchjéhe chꞌan ókjé chojni sichꞌe ixra̱.
10 #
Sal. 118:22, 23. *’¿Á kjui̱nchekuáxinhñara ti xroon itén Díos? Ndáchro:
Ti ixro̱ náxrjónhña kuíto̱enta ti sin chꞌéna tja̱tꞌo̱,
mé kꞌóna ti xro̱ tjetoan.
11Mé xi̱kaha kjuíchꞌe Ìnchéni Díos,
la tíha mé ijnko nkehe imá náxrjón
―ichro chꞌin Jesús.
12Ndá tjinkaon sin chrótsé sin ti chꞌin Jesús chrókjua̱kꞌe̱chji̱na kixin kaín ti ndáchro chꞌan la jehe sin ndáchroxín chꞌan. Kjánchó chrakon sin kixin nchónhña chojni kóchjina ndá kuíto̱he sin chꞌan, sákjuí chꞌan.
¿Á jína chrókjue̱nke̱he sin gobierno?
(Mt. 22:15-22; Lc. 20:20-26)
13Ndá ichrꞌán sin iso ti sin fariseo la ko iso ti sin kuènté Herodes kixin tsjanchankíhi sin chꞌan iso nkehe kixin ti nduáhya tsjate̱he chꞌan la jína chrókjuanchia sin ijie̱. 14Ndá ti ó kjuíji sin ti itjen chꞌin Jesús, la ndáchro sin:
―Maestro, ó noheni kixin ti nkehe chro̱nka la chaxín ndoá la jehya nkexrín tsjehe chojni tjénka̱yáxixián kixin á jína sin la ko ndoá tjàkua nti̱e Díos. ¿Chro̱nka á jína chrókjue̱nke̱heni ti gobierno ní o̱ náhí? ¿Á ticháxi̱n tsje̱nke̱heni sin ní o̱ náhí?
15Kjánchó chꞌin Jesús kjuátso̱an ti nkehe nduáhya tjenka̱yáxin sin, la ndáchro chꞌan:
―Jehya jína kixin tjácha̱xi̱nrani. Xrákoara ijnko chichaon kixin tsotsjaha̱.
16Ndá ti ó kjuajon sin ijnko ti chichaon, la kjuanchankí chꞌan:
―¿Nkexro ti tjenkáni ti chichaon i la ko nkexro ihni̱é chónta?
Ndá jehe sin ndáchro sin:
―Chꞌin César.
17Ndá chꞌin Jesús, ndáchro:
―Chje̱héra César ti nkehe kuènté chꞌan; a̱ndá ti nkehe kuènté Díos la chje̱héra Díos ―ichro chꞌan.
Ndá chrákon sin kixin xi̱kaha kjuáte̱he chꞌan.
Kjuanchankí sin kuènté ti tsoxechón chojni
(Mt. 22:23-33; Lc. 20:27-40)
18 #
Hch. 23:8. *Ndá kóchjina ti sin saduceo titekakonhña kixin tsoxechón ti chojni tsíkꞌen la kjuanchankíhi sin chꞌin Jesús, ndáchro sin:
19 #
Dt. 25:5. *―Maestro, Moisés mé tsíkjin xroon ndáchro kixin ti itsꞌen ijnko sa̱vé chojni la na̱xa̱ itjen ti ichjién chꞌan la kꞌuíkonhña sin ixjan la ti kícho ti nkexro tsíkꞌen mé chrókuákja ti tjan ikꞌán, ndá ti xje̱en sin mé tsꞌóna éxi xje̱en ti nkexro kꞌuén. 20La ntihi kꞌuejó yato sin nkoko̱a kícho. Ndá ti chꞌin sa̱o mé kꞌuitja ichjién. Ndá ikꞌuén chꞌan, kjánchó ninkehó xjan kꞌuíkonhña sin. 21Ndá ti chꞌin tsoyo mé kuákja chꞌan ti tjan ikꞌán ndá ikꞌuén chꞌan kja̱xin, la kꞌuíkonhña sin ixjan. Ndá ti chꞌin níxin kuákja chꞌan ti tjan a la xi̱kaha kóhen ínaá. 22La xi̱kaha ti yato sin kuákja sin ti tjan a la kaín sin ikꞌuén sin la ninkehó ixjan kꞌuíkonhña sin. Ndá kjuixixín la ikꞌuén tjan kja̱xin tjan. 23Ndá ti ó tsoxechón kaín chojni la, ¿nkexro tsꞌóna xìi tjan kixin kaín ti yato sin kóte̱he̱ tjan?
24Ndá kjuáte̱he chꞌin Jesús, ndáchro:
―Nduáhya tjénka̱yáxinra jahara kixin noahñara nkehe ndáchro ti xroon itén Díos la ko chonhñara ti kjuachaxíen Díos. 25Kixin ti ó tsoxechón ti chojni tsíkꞌen la í tso̱te̱ehya sin la ko tsjajonhña sin xje̱en sin tso̱te̱he kixin tsꞌejó sin éxi ti sin ángel tsꞌejó nkaya nka̱jní. 26#Ex. 3:6.*Ti ña̱o tsoxechón ti sin tsíkꞌen, la, ¿á kjui̱nchekuáxinhñara ti xroon tsíkjin Moisés chrónka nkexrín nixje̱xín chꞌan Díos ijnko ntayoa tjeche ní?, la ndáchro: “Janhan mé ti Díos tinkáchónki chꞌin Abraham, Isaac la ko Jacob.” 27Méxra̱ ti Díos i la jehya Díos kuènté ti sin tsíkꞌen. Náhí. Jehe chꞌan mé Díos kuènté ti sin tjejóchón. Ndá jahara la tiénxinhñara la nduáhya tjénka̱yáxinra.
Ti nkehe a̱ntsí tjetoan tsíkꞌe̱to̱an Díos
(Mt. 22:34-40)
28Ndá ikui ijnko chꞌin tjako ley kuíhin nkexrín kjua̱cha̱xi̱n sin chꞌin Jesús, la kuíhin chꞌan kixin jína kjuáte̱he chꞌan. Ndá kjuanchankí chꞌan, ndáchro chꞌan:
―¿Nkexéhe ti nkehe a̱ntsí tjetoan kꞌue̱to̱an Díos?
29 #
Dt. 6:4, 5. *Ndá kjuáte̱he chꞌin Jesús, ndáchro:
―Ti nkehe a̱ntsí tjetoan kꞌue̱to̱an Díos la tíhi: “Tihínra kaínra chojni Israel, Ìnchéni Díos mé nkoko̱a la kohya íjnko nkexro. 30Kaín a̱sánra la ko kaín kjuaxrexinkaon kuèntára la ko kaín ti fuerza kuèntára chrótjuèxínra Díos.” Tíhi ti nkehe a̱ntsí tjetoan tsíkꞌe̱to̱an Díos. 31#Lv. 19:18.*A̱ndá ti nkehe yaáxin la tóyóhe̱ tíhi mé ndáchro: “Chrotjue̱héra kichuara éxi tju̱éxinra a̱sánra”, tíhi ti tsíkꞌe̱to̱an Díos la kohya íjnko nkehe a̱ntsí tjetoan ―ichro chꞌin Jesús.
32 #
Dt. 4:35. *Ndá kjuáte̱he ti nkexro tjako ndáchro:
―Ndoá ndáchrua, Maestro, kixin chaxín itjen nkoko̱axón Díos la í kohya íjnko. 33#Os. 6:6.*Noheni kixin kaín a̱séni la ko kaín kjuaxrexinkaon kuènténi la ko kaín fuerza kuènténi chrótjuèxíni Díos la ko chrótjue̱heni kíchóni éxi tju̱éxini a̱séni. Tíha mé a̱ntsí sínkí, ke ti iko chrókꞌóñáni chrókjuajoni chritaón ti altar chróchróxihini Díos.
34 #
Lc. 10:25-28. *Ndá ti ó kꞌuíkon chꞌin Jesús kixin jína kjuénka̱yáxin ti nkexro a, la ndáchro chꞌan:
―Jaha la kjínhña itjen ti itjen kjuachaxin kuènté Díos.
Ndá kóxakohen sin la í ninkexró kjuanchankíhya íjnko nkehe.
¿Xá nkexro Itꞌé ti Cristo?
(Mt. 22:41-46; Lc. 20:41-44)
35Ndá chꞌin Jesús kjuako chꞌan ti ni̱nko, ndáchro chꞌan:
―¿Nkexrín kixin ti sin tjako ley mé ndáchro sin kixin ti Cristo la tsꞌaxrjeníxin ti chꞌin David? 36#Sal. 110:1.*Kixin ti Ncha̱kuén Díos níxja̱xi̱n chꞌin David, ndáchro:
Ìnchéni Díos ndáche ti Ìnchéni:
“Tjakꞌe tjaná chjina hasta tsétua̱njña,
kixin kaín ti sin nínkakohan tsꞌejó sin chrínkí to̱tá la tsétue̱hén sin.”
37¿Xá nkexrín kixin Cristo chrókꞌóna xje̱en chꞌin David kixin jehe chꞌan ndáchro chꞌan kixin Ìnché chꞌan ti Cristo? ―ichro chꞌan.
Ndá itsjé chojni kuíhin sin la kóxríhi̱n sin ti nkehe kjuako chꞌan.
Chꞌin Jesús chrónka nkehe ichꞌe ti sin tjako ley
(Mt. 23:1-36; Lc. 11:37-54; 20:45-47)
38Ndá chꞌin Jesús kjuako ndáchro:
―Tankíehyara ti sin tjako ley. Jehe sin mé tóxríhi̱n sin chrókꞌuinkáya sin ika kjíjin la ko tjinkaon sin kixin kaín ti chojni tsoxéta sin nti̱a la tsjikosáyehe ti jehe sin. 39La ko tjeyá sin ti nketí a̱ntsí náxrjón tsꞌejótja̱xi̱n sin ti nkaxehen ni̱nko. La ko ti ó tsikjinie sin la tjeyá sin ti silla a̱ntsí náxrjón tsꞌejótja̱xi̱n sin sinie sin. 40La takitsje sin ndo̱e ti chojni ikꞌán. La chꞌiyaxón sin, isé nixje̱he̱ sin Díos kixin tsondáchro chojni kixin imá jína sin. Ti sin a mé a̱ntsí tsjasóte sin.
Ti nkehe kjuajon ti tjan ikꞌán
(Lc. 21:1-4)
41A̱ndá tjetja̱xi̱n chꞌin Jesús nkaxehen ni̱nko chjina itjen ti ntacajón tóxroyéya chichaon. La tjetsjehe chꞌan nkexrín nchónhña chojni chrꞌáxehen sin chichaon ti ntacajón. La kja̱xin itsjé ti sin rico chrꞌáxehen sin nchónhña chichaon ti ntacajón. 42Ndá kja̱xin ikjui ijnko tjan kꞌán la ko nóa mé chrꞌáxehen tjan ti ntacajón yaá chichaon kanhñó sínkí. 43Ndá chꞌin Jesús kꞌuéye̱he̱ chꞌan ti sin kꞌuájiko chꞌan, la ndáchro chꞌan:
―Chaxín ndáxrja̱n kixin ti tjan kꞌán i, nóa tjan, kjánchó a̱ntsí itsjé chrꞌáxehen tjan ti ntacajón ke ti íso sin 44kixin kaín sin la tjajon sin ti chichaon tsíxéhe̱ sin ó. Ndá jehe tjan la kjónté nóa tjan, la kjuajon tjan kaín ti chichaon kꞌuéchónta tjan chrókꞌuite nkehe chrókjonie tjan.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2016, Wycliffe Bible Translators, Inc. All rights reserved.